چین میں شینگدو کی سڑکوں پر پیش کیا جانے والا ایک نیا کھانا اپنی غیر معمولی شکل کی وجہ سے بہت زیادہ توجہ حاصل کر رہا ہے جو کہ سیاہ انسانی بالوں کی ایک گانٹھ کی طرح معلوم ہوتا ہے۔
Fa Caiیا Fat Choy خشک سائینو بیکٹیریم کی ایک قسم ہے جو طویل عرصے سے چینی کھانوں کا حصہ رہی ہے۔ یہ زیادہ تر خشک اور بنجر صحرائی علاقوں میں اگتا ہے جیسے کہ گانسو، شانسی، شنگھائی، سنکیانگ اور چین میں اندرونی منگولیا وغیرہ۔
فصل کی کٹائی کے فوراً بعد اسے ہوا میں خشک کرکے پروسیس کیا جاتا ہے۔ اس کی سیاہ شکل کی وجہ سے اسے عام طور پر بالوں کی سبزی کے نام سے جانا جاتا ہے۔
Fa Cay کا سائنسی نام Nostoc flagelliforme ہے اور اسے مختلف قسم کے شوربے اور سوپ میں بھی سیاہ سویوں کے طور پر پیش کیا جاتا ہے۔
مزید برآں اسے نئے سال کی شام پر خوش قسمتی کے لیے بھی پیش کیا جاتا ہے۔ تاہم یہ سیاہ بالوں والی غذا حال ہی میں ایک نئے اسٹریٹ اسنیک کے طور پر وائرل ہوئی ہے جس سے ایسا لگتا ہے کہ آپ انسانی بال کھا رہے ہیں۔
