بھارت کے نامور ہدایتکار انیس بزمی نے سپر ہٹ بالی وڈ فلم ‘نو انٹری’ کا سیکوئل بنانے کی تصدیق کردی۔
بھارتی میڈیا رپورٹس کے مطابق گزشتہ کئی عرصے سے فلم کے سیکوئل کو لے کر کچھ افواہیں زیرِ گردش تھیں جس کی تصدیق اب ڈائریکٹر نے خود کردی ہے۔
ہندوستان ٹائمز سے گفتگو کرتے ہوئے ڈائریکٹر نے بتایا کہ کچھ فلمیں جلد بن جاتی ہیں اور کچھ کو بننے میں وقت لگتا ہے، لیکن ایسا نہیں کہ نہیں بنتیں، ہماری پوری کوشش ہے کہ نو انٹری 2 لازمی بنے۔
انیس بزمی نے کہا یہ میرے کیرئیر کی بہترین فلموں میں سے ایک ہے اور مجھے بہت عزیز ہے۔
واضح رہے کہ فلم نو انٹری کو اگست 2005 میں ریلیز کیا گیا تھا جس میں کئی معروف فنکاروں کو اداکاری کے جوہر دکھائے۔
اس فلم میں سلمان خان، انیل کپور، فردین خان، لارا دتہ اور بپاشا مرکزی کرداروں میں دکھائی دیے۔
