بھارت نے سیال ڈیم کے تمام اسپل وے گیٹس کھول دیے ہیں، جس کے باعث دریائے چناب میں پاکستان کی جانب پانی کا بڑا اخراج شروع ہوگیا ہے۔ صورتحال کے پیشِ نظر دریائے چناب سے ملحقہ نشیبی علاقوں کے لیے سیلابی الرٹ جاری کردیا گیا ہے۔
فلڈ فورکاسٹنگ ڈویژن کے مطابق ڈیم سے تقریباً 1 لاکھ 50 ہزار کیوسک پانی چھوڑا گیا ہے۔ حکام نے خبردار کیا ہے کہ پانی کے بڑھتے ہوئے بہاؤ کے باعث ہیڈ مرالہ، خانکی اور قادرآباد پر شدید دباؤ پیدا ہوسکتا ہے۔
حکام کے مطابق آئندہ 48 گھنٹوں کے دوران ہیڈ مرالہ سے اونچے درجے کا سیلابی ریلا گزرنے کا امکان ہے، جس کے باعث دریائے چناب سے ملحقہ علاقوں کی انتظامیہ کو ہائی الرٹ رہنے اور حفاظتی اقدامات یقینی بنانے کی ہدایت کی گئی ہے۔
