چین: رئیل اسٹیٹ کمپنی کے ارب پتی مالک کو عمر قید اور ایک ارب ڈالرز سے زائد جرمانہ

چین کی عدالت نے رئیل اسٹیٹ کمپنی چائنا ایورگرینڈ گروپ کے بانی ہوئی کا یان کو مالی جرائم، فراڈ اور رشوت سمیت مختلف الزامات میں عمر قید کی سزا سنا دی۔ عدالت نے ان پر 1.31 ارب ڈالر جرمانہ عائد کرنے اور تمام جائیداد ضبط کرنے کا بھی حکم دیا۔ کمپنی 2023 میں دیوالیہ ہوگئی تھی، جس کے چینی معیشت اور مالیاتی مارکیٹس پر نمایاں اثرات مرتب ہوئے۔ کیس میں کمپنی سے وابستہ مجموعی طور پر 56 افراد کو سزائیں سنائی گئیں۔