المی کریڈٹ ریٹنگ ایجنسی موڈیز (Moody’s) نے پاکستان کی خودمختار کریڈٹ ریٹنگ بہتر کرتے ہوئے اسے B3 کردیا ہے، جو ملکی معیشت کے حوالے سے مثبت پیش رفت قرار دی جا رہی ہے۔
موڈیز کے مطابق پاکستان کی بیرونی مالی ضروریات میں کمی، زرمبادلہ کے ذخائر میں بہتری اور معاشی پالیسیوں میں استحکام نے ملک کی کریڈٹ پروفائل کو مضبوط کیا ہے۔ مالیاتی نظم و ضبط اور جاری اصلاحات بھی ریٹنگ میں بہتری کی اہم وجوہات میں شامل ہیں۔
ریٹنگ میں بہتری سے عالمی سرمایہ کاروں اور مالیاتی اداروں کا پاکستان کی معیشت پر اعتماد بڑھنے کی توقع ہے۔ اس پیش رفت سے مستقبل میں پاکستان کے لیے عالمی مالیاتی منڈیوں تک رسائی اور بیرونی سرمایہ کاری کے امکانات بھی بہتر ہوسکتے ہیں۔
ماہرین کے مطابق معاشی استحکام کو برقرار رکھنے کے لیے مالیاتی اصلاحات، برآمدات میں اضافہ، قرضوں کے بہتر انتظام اور زرمبادلہ کے ذخائر کو مزید مضبوط بنانا ضروری ہوگا۔
