شہری کے نام کی نمبر پلیٹ لگا کر پولیس اہلکاردنرناتاپھراشہری کو 80 ہزار روپے کے چالان موصول

لاہور(رپورٹ :آصف مغل )قانون کے رکھوالے ہی قانون کی خلاف ورزیوں کے الزامات
کی زد میں آنے لگیں تو عام شہری انصاف کے لیے کہاں جائے؟ لاہور میں ایک شہری نے الزام عائد کیا ہے کہ اس کے نام پر رجسٹرڈ موٹر سائیکل کی نمبر پلیٹ ایک پولیس اہلکار مبینہ طور پر اپنی موٹر سائیکل پر لگا کر شہر میں گھومتا رہا، جس کے نتیجے میں ٹریفک قوانین کی خلاف ورزیوں کے چالان اصل مالک کے نام پر جاری ہوتے رہے اور شہری کے ذمہ مبینہ طور پر 80 ہزار روپے کے چالان چڑھ گئے۔ متاثرہ شہری کے مطابق اسے اس وقت شدید پریشانی کا سامنا کرنا پڑا جب ٹریفک خلاف ورزیوں کے متعدد چالان اس کے نام پر سامنے آئے، حالانکہ مذکورہ موٹر سائیکل اس کے استعمال میں نہیں تھی۔ معاملے کی حقیقت جاننے پر شہری کو مبینہ طور پر معلوم ہوا کہ اس کے موٹر سائیکل رجسٹریشن نمبر کی نمبر پلیٹ ایک پولیس اہلکار استعمال کر رہا ہے۔ شہری نے معاملے کی قانونی کارروائی اور تحقیقات کے لیے تھانہ ٹائون شپ میں درخواست بھی دی، تاہم شہری کا دعوی ہے کہ درخواست جمع کروانے کے باوجود تاحال کوئی مثر کارروائی عمل میں نہیں لائی گئی۔ کارروائی نہ ہونے کے باعث متاثرہ شہری ایک طرف ہزاروں روپے کے چالانوں کا بوجھ اٹھانے پر مجبور ہے جبکہ دوسری جانب اپنی بے گناہی ثابت کرنے کے لیے پولیس کے دفاتر کے چکر کاٹ رہا ہییہ صورتحال پولیس کے نظامِ احتساب پر بھی سنگین سوالات اٹھاتی ہے۔ اگر کوئی عام شہری کسی دوسرے شخص کے نام پر رجسٹرڈ نمبر پلیٹ استعمال کرے تو اس کے خلاف قانونی کارروائی عمل میں لائی جاتی ہے، لیکن اگر الزام کسی پولیس اہلکار پر عائد ہو تو متعلقہ تھانے کی جانب سے درخواست پر کارروائی میں مبینہ تاخیر کیوں ڈی آئی جی آپریشنز کے لیے بھی امتحان یہ معاملہ ڈی آئی جی آپریشنز لاہور فیصل کامران کے لیے بھی ایک اہم امتحان بن گیا ہے۔ شہری کا الزام درست ہے یا غلط، اس کا فیصلہ کسی افسر یا تھانے کی صوابدید پر نہیں بلکہ شفاف انکوائری اور دستیاب شواہد کی بنیاد پر ہونا چاہیے۔ اعلی پولیس حکام کو چاہیے کہ معاملے کا فوری نوٹس لیتے ہوئے درخواست، موٹر سائیکل کا رجسٹریشن ریکارڈ، چالانوں کا ڈیٹا، چالان کے وقت بننے والی تصاویر یا دیگر دستیاب شواہد اور مبینہ طور پر نمبر پلیٹ استعمال کرنے والے اہلکار کا ریکارڈ چیک کرائیں اگر تحقیقات میں یہ ثابت ہوجاتا ہے کہ واقعی شہری کے نام کی نمبر پلیٹ کسی پولیس اہلکار نے استعمال کی تو یہ صرف ایک شہری کو پریشان کرنے کا معاملہ نہیں ہوگا بلکہ پولیس کے محکمانہ نظم و ضبط اور قانون کی پاسداری پر بھی سنگین سوال اٹھے گا۔ ایسے اہلکار کے خلاف قانون اور محکمانہ قواعد کے مطابق کارروائی ضروری ہوگی تاکہ پولیس فورس کے اندر احتساب کا عمل مضبوط ہوسکیغلط چالانوں کا ذمہ دار کون دوسری جانب شہری کے نام پر جاری ہونے والے مبینہ غلط چالان بھی فوری توجہ کے متقاضی ہیں۔ اگر چالانوں کے ریکارڈ میں ایسی موٹر سائیکل دکھائی گئی ہے جو حقیقت میں شہری کے زیر استعمال نہیں تھی تو متعلقہ اداروں کو شواہد کی بنیاد پر چالانوں کا جائزہ لینا چاہیے اور شہری کو غیر ضروری مالی و قانونی مشکلات سے نکالنا چاہییمتاثرہ شہری کا کہنا ہے کہ وہ پہلے ہی شدید ذہنی اذیت اور پریشانی کا شکار ہے۔ اس کے مطابق اگر پولیس اہلکار کے خلاف دی گئی درخواست پر بروقت کارروائی کی جاتی تو معاملہ اتنا سنگین نہ ہوتا اور اسے 80 ہزار روپے کے مبینہ چالانوں کی صورت میں مشکلات کا سامنا نہ کرنا پڑتااب اصل سوال یہ ہے کہ تھانہ ٹان شپ میں دی گئی درخواست پر کارروائی کیوں نہیں ہوئی کیا متعلقہ پولیس اہلکار کے خلاف محکمانہ انکوائری کی گئی کیا چالانوں کے وقت کی تصاویر اور دیگر ڈیجیٹل شواہد چیک کیے گئے اور اگر شہری کا الزام درست ثابت ہوتا ہے تو اس کے نام پر جاری ہونے والے غلط چالان ختم کرنے اور ذمہ دار اہلکار کے خلاف کارروائی کی ذمہ داری کون لے گاپولیس حکام کے لیے ضروری ہے کہ معاملے کو دبانے یا فائلوں میں دفن کرنے کے بجائے شفاف تحقیقات کرائیں، کیونکہ ایک شہری کے نام کی نمبر پلیٹ کے مبینہ غلط استعمال کا معاملہ معمولی نوعیت کا نہیں۔ قانون سب کے لیے برابر ہے تو پھر قانون کے محافظ بھی اسی قانون کے تابع ہونے چاہیے