لاہور (جنرل رپورٹر)جنرل ہسپتال کی نیورو سرجری آئوٹ ڈور میں جلدی سی ٹی سکین کرانے کے نام پر مریض سے 3500روپے وصول کرنے والے
نوسرباز کو پرائیویٹ سکیورٹی گارڈ سمیت پولیس کے حوالے کردیا گیا۔جنرل ہسپتال انتظامیہ کے مطابق نوسرباز احمد تصور نے مریض سے جلدی سی ٹی سکین کرانے کے نام پر 3500روپے وصول کیے، تاہم مریض کا سی ٹی سکین ایمرجنسی میں مفت کیا گیا۔ واقعے کا علم ہوتے ہی ہسپتال انتظامیہ نے نوسرباز احمد تصور اور پرائیویٹ سکیورٹی گارڈ کو پولیس کے حوالے کردیا۔ جبکہ پولیس نے گروہ کے سرغنہ احسان کی تلاش شروع کردی ہے۔
