SIFC کی ون ونڈو سہولت کاری، معاشی ترقی کے نئے دورکا آغاز ڈیجیٹل ٹکٹنگ حب متعارف کرادیاگیا

اسلام آباد (آئی این پی) ایس آئی ایف سی کی ون ونڈو سہولت کاری سے سرمایہ کاروں کیلئے پاکستان میں کاروباری مواقع تک رسائی آسان بنائی جا رہی ہے۔ ایس آئی ایف سی مختلف شعبوں میں سرمایہ کاری کے مواقع، سہولیات اور معاونت سے متعلق جامع رہنمائی فراہم کر رہا ہے۔ سیکٹر اسپیسفک سپورٹ کے ذریعے سرمایہ کاروں کو موزوں مواقع سے منسلک کر رہا ہے، سرمایہ کاری کے عمل کو مزید آسان بنانے کیلئے ایس آئی ایف سی نے ڈیجیٹل ٹکٹنگ حب تعارف کرا دیا۔ سرمایہ کار ایس آئی ایف سی ویب سائٹ پر ٹکٹنگ حب کے ذریعے درخواست درج کرکے سہولت کاری حاصل کرسکتے ہیں، ڈیجیٹل سہولت کاری کے ذریعے ایس آئی ایف سی سرمایہ کاری کے عمل کو مزید آسان، شفاف اور موثر بنا رہا ہے۔ خواتین کاروباری افراد کیلئے آسان سہولیات، مواقع اور معاون ماحول فراہم کرنے پر بھی توجہ دی جا رہی ہے۔