عمرے کی آڑ میں گداگری کے لیے سعودی عرب جانے والا گینگ بے نقاب خاتون سمیت 2مسافر آف لوڈ

ملتان(آئی این پی )ملتان میں عمرے کی آڑ میں
مبینہ گداگری کیلئے سعودی عرب جانے والے منظم گینگ کو بے نقاب کرتے ہوئے خاتون سمیت 2 مسافروں کو آف لوڈ کردیا گیا۔ملتان ایئرپورٹ پر ایف آئی اے امیگریشن نے کارروائی کرتے ہوئے عمرے کے ویزے پر مبینہ طور پر گداگری کیلئے سعودی عرب جانے والے ایک منظم گینگ کے 2 مسافروں کو پرواز سے آف لوڈ کر دیا۔ترجمان ایف آئی اے کے مطابق آف لوڈ کیے گئے مسافروں میں محمد وقاص اور نجمہ بی بی شامل ہیں، جن کا تعلق ضلع لودھراں سے ہے، دونوں مسافر پرواز PF-702 کے ذریعے ملتان سے سعودی عرب روانہ ہو رہے تھے۔ دورانِ تفتیش معلوم ہوا کہ دونوں مسافر اس سے قبل بھی متعدد بار سعودی عرب جا چکے ہیں، تاہم ان کے سابقہ سفری ریکارڈ اور ذرائع آمدن میں کوئی مطابقت نہیں پائی گئی۔ مسافر بیرون ملک روانگی اور امیگریشن کلیئرنس کے لیے 3 ایجنٹوں سے رابطے میں تھے۔