چیف سیکرٹری پنجاب کی چیف جسٹس ہائیکورٹ عالیہ نیلم سے ملاقات

لاہور( کورٹ رپورٹر) لاہور ہائیکورٹ ، چیف سیکرٹری پنجاب زاہد اختر زمان نے چیف جسٹس عالیہ نیلم سے چیمبر میں ملاقات کی، چیف
جسٹس کو جوڈیشل اکیڈمی کالا شاہ کاکو منصوبے کی پیش رفت پر بریفنگ دی گئی، فیروز والا جوڈیشل کمپلیکس سمیت پنجاب بھر کے منصوبوں پر تبادلہ خیال کیا گیا،پنجاب بھر میں زیر تعمیر جوڈیشل کمپلیکس کی پیش رفت کا جائزہ لیا گیا، جوڈیشل اکیڈمی کالا شاہ کاکو کی تعمیر جلد مکمل کرنے پر بھی تبادلہ خیال کیا گیا،ضلعی عدالتوں کو سولر سسٹم پر منتقل کرنے کے منصوبے پر پیش رفت کا جائزہ لیا گیا،پنجاب بھر میں لیڈی بار رومز کی تکمیل سے متعلق بھی تبادلہ خیال ہوا ، چیف جسٹس عالیہ نیلم کو عدالتی انفراسٹرکچر کے منصوبوں پر بریفنگ دی گئی، چیف سیکرٹری اور ایم ڈی ہاوسنگ عمر فاروق علوی نے چیف جسٹس کو بریفنگ دی، بریفنگ میں منصوبوں کی موجودہ پیش رفت اور تعمیراتی معیار سے آگاہ کیا گیا، عدالتی انفراسٹرکچر کے منصوبوں کو بروقت مکمل کرنے کے اقدامات پر غور کیا گیا ، چیف سیکرٹری نے منصوبوں کی بروقت اور معیار کے مطابق تکمیل کی یقین دہانی کرائی، ملاقات میں عدالتی انفراسٹرکچر کی بہتری سمیت مختلف انتظامی امور پر تبادلہ خیال کیا گیا ۔