شمالی کوریا نے جوہری حیثیت ختم کرنے کی عالمی قرارداد مستردکر دی

پیانگ یانگ (آئی این پی) شمالی کوریا نے عالمی جوہری توانائی ایجنسی کی جوہری پروگرام کےخلاف قرارداد مسترد کرتے ہوئے اپنی جوہری طاقت کی حیثیت کو ناقابلِ واپسی قرار دے دیا۔ شمالی کوریا کی وزارتِ خارجہ کے مطابق ملک کا جوہری دفاعی نظام مضبوط ہے اور دشمن قوتوں کی کوششوں سے اسے ختم نہیں کیا جاسکتا۔ کم جونگ ان کی بہن کم یو جونگ نے عالمی ادارے پر دہرے معیار کا الزام لگاتے ہوئے کہا ہے کہ آئی اے ای اے امریکہ اور جنوبی کوریا کی جوہری سرگرمیوں کو نظر انداز جبکہ شمالی کوریا کی دفاعی جوہری سرگرمیوں کے خلاف قرارداد منظور کر رہا ہے۔ شمالی کوریا کا کہنا ہے کہ امریکہ اور مغربی ممالک کی جانب سے پیش کی گئی قرارداد ہماری جوہری طاقت کی حیثیت پر کوئی اثر نہیں ڈال سکتی۔