پنجاب بار کونسل کا وکلاء ،خاندانوںکو مالی تحفظ فراہم کرنیکا اعلان

لاہور(آئی این پی)پنجاب بار کونسل نے وکلا ء برادری اور ان کے خاندانوں کو مشکل حالات میں مالی تحفظ فراہم کرنے کیلئے اہم فلاحی اقدامات کا اعلان کرتے ہوئے کہا ہے کہ وکلا ء کی فلاح و بہبود اور ان کے اہل خانہ کی مالی معاونت ترجیحات میںشامل ہے ۔پنجاب بار کونسل کے وائس چیئرمین چودھری قیصر نذیر ساہی اور چیئرمین ایگزیکٹو کمیٹی چودھری ارشد علی ہنجرا نے بتایا کہ یکم جولائی 2026 کے بعد وفات پانے والے وکلا ء کے لواحقین کو ایک لاکھ روپے اضافی امدادی رقم دی جائے گی جوبینوولنٹ فنڈاور گروپ انشورنس سکیم کے تحت ملنے والی امداد کے علاوہ ہوگی۔ ممبران کیلئے میڈیکل ریلیف فنڈ کی حد بھی50 ہزار سے بڑھا کر ایک لاکھ 50 ہزار روپے کردی گئی ہے ۔لائف انشورنس سکیم میں شامل وکیل کی حادثاتی موت کی صورت میں متعلقہ بار ایسوسی ایشن کو ایک لاکھ جبکہ مرحوم کے پسماندگان کو اخراجاتِ تدفین کیلئے 50 ہزار روپے فوری امداد دی جائے گی۔