لاہور(کرائم رپورٹر)نواب ٹائون پولیس نے باپ بیٹے کے مبینہ اغوا کیس میں مرکزی ملزم کو گرفتار کر لیا۔ ترجمان ڈی آئی جی آپریشنز کے مطابق ملزم کی شناخت صاحب کے نام سے ہوئی جو ضلع جھنگ کا رہائشی ہے۔ ابتدائی تحقیقات میں فریقین کے باہمی رشتہ دار ہونے کا انکشاف ہوا۔ دونوں فریقین کے درمیان ذاتی لین دین کا معاملہ بھی سامنے آیا۔ ترجمان نے کہا کہ پولیس اغوا کے مقدمے میں مختلف پہلوئوں سے واقعہ کی چھان بین کر رہی ہے۔ ملزم کو مزید کارروائی کیلئے انویسٹی گیشن ونگ کے حوالے کر دیا گیا۔ انکوائری مکمل ہونے پر حقائق سامنے لائے جائیں گے، قانون کے مطابق میرٹ پر کارروائی عمل میں لائی جائے گی۔
