لاہور (سٹی رپورٹر) انٹرنیشنل ختم نبوت موومنٹ کے زیراہتمام پریس کلب لاہور میں تحفظ حرمین شریفین سیمینار رکن صوبائی اسمبلی پنجاب وہ امیر انٹرنیشنل ختم نبوت موومنٹ پاکستان مولانا محمد الیاس چنیوٹی کی زیرصدارت منعقد ہوا جس میں مختلف دینی و مذہبی رہنمائوں اور جید علماء کرام نے شرکت کی، سیمینار سے چیئرمین مرکزی رویت ہلال کمیٹی و خطیب بادشاہی مسجد لاہور مولانا سید عبد الخبیرآزاد، مولانا محمد الیاس چنیوٹی، شیخ الحدیث مولانا قاری محمد رفیق وجھوی، مولانا عبدالرف فاروقی، مشیر مذہبی امور گورنر صوبہ خیبر پختونخواہ سید اسامہ اجمل قاسمی مفتی شاہد عبید، مولانا مجیب الرحمن، مولانا ڈاکٹر سرفراز اعوان، مولانا سید فہیم الحسن تھانوی، مولانا حافظ حسین احمد، مولانا نعمان حامد، مولانا عبداللہ مدنی، مولانا عتیق الرحمن اور دیگر علماء کرام نے خطاب کرتے ہوئے کہا کہ حرمین شریفین مسلمانوں کے لیے انتہائی مقدس مقامات ہیں اور ان کی حرمت و تقدس کے تحفظ کے لیے امت مسلمہ متحد ہے، ہم حرمین شریفین کے تحفظ کے لیے ہر طرح کی قربانی دینے کے لیے تیار ہیں اور کسی بھی قوت کو حرمین شریفین کی حرمت و تقدس پامال کرنے کی اجازت نہیں دی جائے گی۔ انہوں نے کہا کہ حرمین شریفین کے تحفظ کے لیے ہم پاک فوج کے شانہ بشانہ ہر محاذ پر کھڑے ہوں گے اور اس مقصد کے لیے ہر طرح کی قربانی دینے سے بھی دریغ نہیں کیا جائے گا مقررین نیمکہ دفاعی معاہدہ کو سراہتے ہوئے کہا کہ اس معاہدے کو عالم اسلام کے اتحاد اور باہمی تعاون کا ذریعہ بنایا جانا چاہیے انہوں نے کہا کہ پوری امت مسلمہ حرمین شریفین کے دفاع کے لیے اپنا کردار ادا کرنے کو تیارہے،مقررین نے کہا کہ حرمین شریفین کی حفاظت صرف کسی ایک ملک یا خطے کی ذمہ داری نہیں بلکہ پوری امت مسلمہ کی ذمہ داری اور ایمان کا حصہ ہے انہوں نے مسلم ممالک کے درمیان باہمی تعاون اور اتحاد کو مزید مضبوط بنانے کی ضرورت پر زور دیا،سیمینار میں مولانا محمد شفیق وجھوی، مولانا نوفل ربانی، مولانا عامر مقصود، مولانا سلیم اللہ عبید، مولانا احسان اللہ، حافظ احمدالحسینی، اویس رسول علوی، ناصر محمود، محمد اکرم، طارق مخدوم، حافظ ریحان، شیخ طیب شہزاد، حافظ حذیفہ شہزاد،محمد ابراہیم اور سمیت دیگر علما اور دینی رہنمائوں نے بھی شرکت کی۔ سیمینار کے اختتام پر پیر رضوان نفیس نے حرمین شریفین کے تحفظ، پاکستان کی سالمیت وترقی اور امت مسلمہ کے اتحاد کے لیے خصوصی دعا کرائی۔
