نارووال (بیورورپورٹ )الشفا انسٹی ٹیوٹ آف ہیلتھ سائنسز نارووال میں "ورلڈ فارماسسٹ ڈے ” کے حوالے سے تقریب کا انعقاد کیا گیا جس میں وفاقی وزیر منصوبہ بندی و خصوصی اقدامات پروفیسر احسن اقبال نے بطور ِ مہمان خصوصی شرکت کی۔ ایگزیکٹو ڈائریکٹر الشفا انسٹی ٹیوٹ سعید رسول چودھری ، نعیم رسول چودھری نے مہمانِ خصوصی کا پرتپاک استقبال کیا، وفاقی وزیر نے فیتہ کاٹ کر شعبہ فارمیسی کے طلبہ کی نمائش کا افتتاح کیا، موقع کی مناسبت سے کیک بھی کاٹا گیا، وفاقی وزیر پروفیسر احسن اقبال نے طلبہ اور فیکلٹی ممبران سے خطاب کرتے ہوئے شعبہ فارمیسی اور فارماسسٹ کی اہمیت اجاگر کرتے ہوئے کہا کہ دنیا بھر میں کسی مستند ڈاکٹر کے تجویز کردہ نسخہ کے بغیر دوا نہیں ملتی مگر پاکستان میں جس کا جو جی چاہتا ھے میڈیکل اسٹور سے دوا لیکر کھا لیتا ھے جس کے انتہائی بھیانک نتائج نکل رہے ہیں، احسن اقبال نے کہا کہ مسند ڈاکٹر ہمیشہ فارسسٹس کی بنائی گئی ادویات کو مدنظر رکھ کر ہی ادویات تجویز کرتے ہیں تاکہ سائیڈ افیکٹ نہ ہوں، وفاقی وزیر پروفیسر احسن اقبال نے الشفا انسٹی ٹیوٹ میں شعبہ فارمیسی کے طلبہ کی نمائش کو سراہتے ہوئے کہا کہ مجھے ہمیشہ الشفا آکر دلی خوشی ہوتی ھے کیونکہ فروغ تعلیم میں اِس ادارے کا بڑا اہم کردار ھے ۔قبل ازیں سعید رسول چودھری نے اپنے خیرمقدمی کلمات میں کہا کہ اس ادارے کی جب بنیاد رکھنی تھی تو میں احسن اقبال صاحب کے پاس رہنمائی کیلئے گیا تو انہوں نے کہا کہ میں اس شرط پر تعاون کرونگا اگر آپ تعلیم فروش کے بجائے خدمت خلق کے جذبہ سے قدم اٹھائیں گے اور مستحق طلبہ کا خیال رکھیں گے ؟ سعید رسول چودھری نے کہا کہ میں نے احسن اقبال صاحب سے جو وعدہ کیا تھا اسکا عملی ثبوت آج یہ ھے کہ اس ادارے میں ایک ہزار کے قریب طلبہ فری پڑھ رہے ہیں ، ہزاروں طلبہ سے فیس پبلک و پرائیویٹ سیکٹرز کی نسبت بہت کم لے رہے ہیں تاکہ فلاح انسانیت کا کام جاری رہے ، انہوں نے کہا کہ ہماری تجارت اللہ کیساتھ ھے اور خلق خدا کی دعاں کی برکت سے یہ ادارہ آج نارووال اور گردونواح کے اضلاع میں فروغ تعلیم میں اہم کردار ادا کررہا ھے اور اس صدقہ جاریہ کا سارا کریڈٹ پروفیسر احسن اقبال صاحب کو جاتا ھے۔علاوہ ازیں پروفیسر احسن اقبال وفاقی وزیر نے نارووال میں مقامی صحافیوں سے گفتگو کرتے ہوئے کہا کہ پاکستان سعودی عرب دفاعی معاہدہ کے بعد پاکستان آرمی ایک نئی طاقت بن کر ابھری ہے، ہمارا دشمن ملک کے اندر دہشت گردی، انتشار کے ذریعے اپنے مقاصد پورا کرنا چاہتے ہیں تمام سیاسی جماعتوں کے رہنماں کو سنجیدگی سے سوچنا چاہیے کہ اس وقت ملک میں انتشار، ہلڑ بازی پیدا کر کے ہم اس کے مقاصد کو کامیاب کریں گے؟ احسن اقبال نے کہا کہ پاکستان کا مفاد یہ تقاضہ کرتا ہے کہ اس وقت ملک میں استحکام ہو ملک میں امن ہو اگر ٹی وی اسکرینوں پر مارکٹائی ڈنڈے، ہلڑ بازی دکھائی جائے گی تو کون سا بین الاقوامی سرمایہ کار پاکستان آئے گا اگر کسی کی کوئی شکایات ہیں تو وہ پارلیمنٹ آئے، اس پر بحث ہونی چاہیے اگر کوئی قانونی جنگ لڑنی ہے وہ بھی عدالتوں کے اندر لڑنی چاہیے، احسن اقبال نے کہا کہ ہمارے چاروں طرف خطرات کے بادل ہیں اور دشمن دہشت گردی کے ذریعے پاکستان میں انتشار پیدا کرنا چاہتا ہے، ہم اسلام آباد کو سومنات قرار دیں میں سمجھتا ہوں کہ یہ نہایت ہی شرمناک طرز عمل ہے، جو لوگ ایسا سوچتے ہیں پاکستان کے عوام ان کی سیاست کا سومنات بنا دیں گے۔
