ملتان (نامہ نگار خصوصی) پٹرولیم ڈویژن کی جانب سے جاری اعلامیے کے مطابق پٹرول کی قیمت میں2روپے 02پیسے فی لٹراضافہ کردیا گیا ہے جس کے بعد پٹرول کی نئی قیمت 391 روپے 30 پیسے فی لٹر ہوگئی۔ ڈیزل کی قیمت میں 3 روپے 59 پیسے فی لٹر کمی کردی گئی جس کے بعد ڈیزل کی نئی قیمت 408 روپے 53پیسے فی لٹرہوگئی ہے۔ پٹرولیم ڈویژن کے مطابق پٹرول اور ڈیزل کی نئی قیمتیں 26ستمبر سے 29ستمبرکیلئے ہوں گی ۔ ادھر اوگرا نے ستمبر کیلئے لیکویفائیڈ نیچرل گیس کی قیمتوں کا نوٹیفکیشن جاری کر دیا۔ نوٹیفکیشن کے مطابق ایل این جی کی قیمت میں 3.91ڈالرز فی ایم ایم بی ٹی یو تک کمی کی گئی ہے۔نوٹیفکیشن کے مطابق سوئی ناردرن سسٹم پر ایل این جی کی قیمت میں 3.83ڈالرز فی ایم ایم بی ٹی یو کمی کی گئی ہے۔نوٹیفکیشن کے مطابق سوئی ناردرن سسٹم پر ایل این جی کی نئی قیمت 15.19 ڈالرز فی ایم ایم بی ٹی یو مقرر کی گئی ہے۔ نوٹیفکیشن کے مطابق سوئی سدرن سسٹم پر ایل این جی کی قیمت میں 3.91 ڈالرز فی ایم ایم بی ٹی یو کمی کی گئی ہے۔سوئی سدرن سسٹم پر ایل این جی کی نئی قیمت 14.22ڈالرز فی ایم ایم بی ٹی یو مقرر کی گئی ہے۔
