ایل ٹی وی’ ایچ ٹی وی لائسنس رکھنے والوں کا کریمینل ریکارڈ چیک کرنیکا فیصلہ

لاہور (کرائم رپورٹر) ایل ٹی وی’ ایچ ٹی وی’ پی
ایس وی لائسنسز رکھنے والوں کا کریمینل ریکارڈ چیک کرنے کا فیصلہ، شہر میں رجسٹرڈ کمرشل گاڑیوں’ ہیوی وہیکلز اور بسز کے ڈرائیورز کا ریکارڈ چیک کیا جائیگا۔ سی ٹی او کی جانب سے جاری مراسلے میں کہا گیا ہے کہ اے بس کے ڈرائیور کا کریمینل ریکارڈ سامنے آنے پر تمام کمرشل’ بسز اور ہیوی ٹریفک کے اڈوں سے ڈرائیورزکی تفصیلات حاصل کی جارہی ہیں۔ متعلقہ ڈرائیور پر27 ڈکیتی’ چوری اور مہلک حادثات کے مقدمات درج تھے۔کمرشل گاڑیوں کے ڈرائیورز کے لائسنسز کے ساتھ ساتھ سی آر او چیکنگ یقینی بنا رہے ہیں۔ تمام اڈا مالکان سے ڈرائیورز کی تفصیلات مکمل حاصل کرنے کے بعد کریمینل ریکارڈ ہولڈر ڈرائیورز کے ڈیٹا اپڈیٹ کیا جائیگا۔ کریمینل ریکارڈ ہولڈر ڈرائیورزکے لائسنسز منسوخ کئے جائیں گے۔ کریمنل ریکارڈ ہولڈرز ڈرائیورز کی گرفتاریاں بھی عمل میں لائی جائیں گی۔