برازویلا(این این آئی)جمہوریہ کانگو میں فوجی طیارہ گر کر تباہ ہو گیا جس میں 2 اعلی فوجی افسران سمیت 14 افراد ہلاک ہو گئے۔ترجمان کانگو فوج کا کہنا تھا کہ ہلاک افراد میں سربراہ فوجی عدالت اور مسلح افواج کے آڈیٹر جنرل بھی شامل ہیں۔ترجمان نے بتایا ہے کہ طیارہ حادثے میں وفد کے 12ارکان اور طیارے کے عملے کے افراد بھی ہلاک ہوئے ہیں۔حادثے کی وجوہات جاننے کے لیے تحقیقات شروع کر دی گئی ہیں۔مقامی حکام کا کہناتھا کہ طیارہ شہر کِک وٹ سے دارالحکومت کنشاسا واپسی کے دوران فنی خرابی کے باعث گر تباہ ہوا۔
