لندن’ چوری شدہ موبائل فون چین بھجوانے والا نیٹ ورک پکڑا گیا،3افراد کو قید کی سزا

لندن(آئی این پی )لندن کی میٹ پولیس نے چوری شدہ موبائل فون کو چین بھجوانے والے ایک
بڑے نیٹ ورک کا سراغ لگا کر تین افراد کو جیل کی سزا دلوا دی۔ پولیس کو شبہ ہے کہ یہ نیٹ ورک 2024 اور 25 کے دوران 40ہزار تک موبائل فونز کی سمگلنگ کا ذمہ دار ہے۔ یہ تعداد اس عرصے کے دوران لندن میں چوری ہونے والے تمام موبائل فونز کا تقریباً 40فیصد بنتی ہے۔ غیرملکی میڈیرپورٹس کے مطابق میٹ کمانڈر اینڈریو فیدر اسٹون کا کہنا ہے کہ نیٹ ورک سے وابستہ افراد سوشل میڈیا کے ذریعے موبائل فون چوری کرنے والے افراد کو بھرتی کرتے اور نیا فون چرانے کی صورت میں 500 پاونڈ تک ادا کیے جاتے۔ اس نیٹ ورک کا سراغ ایک مسروقہ فون کے مالک نے پولیس کو دیا تھا کیونکہ ہیتھرو کے قریب گودام میں کوریئر کمپنی کے پیکٹ میں فون کی گھنٹی بج رہی تھی۔ چور فون پر ایلومینیم فوائل نہیں لپیٹ سکے تھے جس سے سگنل بلاک ہو جاتا۔ پولیس کو طلب کرنے پر انہیں 800 سے زائد مسروقہ موبائل فون ملے۔