اسلام آباد(نمائندہ خصوصی)پاکستان اور آئی ایم ایف کے درمیان 7 ارب ڈالر کے قرض پروگرام کے چوتھے جائزے پر مذاکرات جاری ہیں۔ذرائع کے مطابق آئی ایم ایف مشن کو سرکاری ملازمین کے اثاثے ظاہر کرنے پر حکام نے بریفنگ دی، ایف بی آر، اسٹیبلشمنٹ ڈویژن اور فنانس ڈویژن کے حکام نے آئی ایم ایف وفد سے ملاقاتیں کیں۔ذرائع نے بتایا کہ ایف بی آر کی جانب سے کسٹمز اور انکم ٹیکس سے متعلق بریفنگ دی گئی، کسٹمز اور انکم ٹیکس پالیسی ونگز کی جانب سے بھی آئی ایم ایف کو بریفنگ دی گئی۔ذرائع کے مطابق سرکاری ملازمین کے اثاثے ظاہر کرنے کے قانون پر آئی ایم ایف کو بریفنگ دی گئی، حکومت سرکاری ملازمین کے مالی طرز عمل کو ریگولیٹ اور مانیٹر کر سکے گی۔بریفنگ میں بتایا گیا کہ گریڈ 17 سے 22 تک کے افسران اثاثے ظاہر کرنے کے پابند ہوں گے، سرکاری افسران کے اثاثوں کی تفصیلات ویب سائٹ پر دستیاب ہوں گی۔ذرائع کے مطابق سیکرٹری اسٹیبلشمنٹ ڈویژن اور سیکرٹری فنانس ڈویژن مذاکرات میں شریک ہوئے، آئی ایم ایف کو سول سرونٹس کے اثاثوں سے متعلق قانون سازی سے بھی آگاہ کر دیا گیا۔