مراکش کے بادشاہ نے فاطمہ زہرا کو ملک کی پہلی خاتون وزیر اعظم مقرر کردیا

لاہور(مانیٹرنگ ڈیسک)مراکش کے شاہ محمد ششم نے فاطمہ زہرا المنصوری کو ملک کی پہلی خاتون وزیر اعظم مقرر  کردیا۔غیر ملکی میڈیا کے مطابق ان کی جماعت نیگزشتہ ہفتے ہونے والے پارلیمانی انتخابات میں کامیابی حاصل کی تھی۔395 رکنی اسمبلی میں صداقت اور جدیدیت پارٹی ( Authenticity and Modernity Party ) نے97 نشستیں جیتیں، جو دوسرے نمبر پر آنے والی جماعت سے 31 نشستیں زیادہ ہیں، جس نے 66 نشستیں حاصل کیں۔ پارلیمنٹ میں واضح اکثریت نہ ہونے کے باعث ان کی پارٹی کو دوسری جماعتوں کے ساتھ اتحاد کرنا ہوگا۔شاہی کابینہ کے مطابق شاہ محمد ششم نے 50 سالہ فاطمہ زہرا المنصوری جو اس سے قبل وزیر ہاسنگ بھی رہ چکی ہیں اور مراکش شہر کی میئر بھی ہیں، کو نئی حکومت تشکیل دینیکی ذمہ داری سونپی ہے۔ فاطمہ زہرا المنصوری اس سے قبل 2009 میں بھی مراش کی میئر منتخب ہوئی تھیں، وہ اس عہدے پر براجمان ہونے والی پہلی خاتون تھیں۔ فاطمہ زہرا المنصوری مراکش کی پہلی اور عرب دنیا کی دوسری خاتون وزیراعظم ہیں۔