قومی اسمبلی اجلاس یکم اکتوبر کو طلب کرنیکا فیصلہ

اسلام آباد(آئی این پی )حکومت نے قومی اسمبلی کا اجلاس کل یکم اکتوبر کو شام 5بجے طلب کرنے کا فیصلہ کیا ہے ، اجلاس کی تاریخ اور وقت کو حتمی شکل دے دی گئی ۔ میڈیارپورٹ کے مطابق ذرائع کا کہنا ہے کہ قومی اسمبلی کا اجلاس اتحادی جماعتوں کی مشاورت سے طلب کیا جارہا ہے، جبکہ ایوان کی کارروائی کا باقاعدہ ایجنڈا بعد میں جاری کیا جائے گا۔ذرائع کاکہنا ہے کہ اجلاس کیدوران وزیراعظم اور اپوزیشن لیڈر کے درمیان ملاقات کا بھی امکان ہے،اجلاس میں قانون سازی کیلئیمختلف بلز ایوان میں پیش کیے جانے کا امکان ہے۔قائمہ کمیٹیوں کی رپورٹس،آرڈیننسز اوردیگر دستاویزات بھی ایوان میں پیش کی جائیں گی،اجلاس میں ملک کی مجموعی سیاسی اور معاشی صورتحال پر بھی بحث متوقع ہے۔