پنجاب پبلک سروس کمیشن کے تحت مختلف اسامیوں کے تحریری و حتمی نتائج جاری

لاہور(این این آئی)پنجاب پبلک سروس کمیشن نے پنجاب حکومت کے پانچ محکموں کی مختلف اسامیوں کے تحریری نتائج جبکہ پانچ محکموں کی مختلف  اسامیوں کے حتمی نتائج کا اعلان کر دیا ۔ سیکرٹری پنجاب پبلک سروس کمیشن افضال احمد نے کامیاب امیدواروں کے نتائج جاری کر دیئے ہیں۔ترجمان پنجاب پبلک سروس کمیشن کے مطابق: پنجاب انوائرنمنٹ پروٹیکشن اینڈ کلائمیٹ چینج ڈیپارٹمنٹ میں پرسنل اسسٹنٹ کی ایک آسامی کے لیے 9 امیدوار انگریزی شارٹ ہینڈ ٹیسٹ کے نتیجے میں انگریزی ٹائپنگ ٹیسٹ اور پروفیشنسی ٹیسٹ کے لیے کامیاب قرار پائے ہیں۔ محکمہ جیل خانہ جات پنجاب میں جونیئر کلرک کی 6 اسامیوں کے لیے 120 امیدوار تحریری امتحان کے نتیجے میں انگریزی ٹائپنگ ٹیسٹ اور پروفیشنسی ٹیسٹ کے لیے کامیاب قرار پائے ہیں۔ بورڈ آف ریونیو پنجاب، صوبائی ڈیزاسٹر مینجمنٹ ڈیپارٹمنٹ/پی ڈی ایم اے میں جونیئر کلرک کی 2 اسامیوں کے لیے 40 امیدوار تحریری امتحان کے نتیجے میں انگریزی ٹائپنگ ٹیسٹ اور پروفیشنسی ٹیسٹ کے لیے کامیاب قرار پائے ہیں۔ محکمہ جیل خانہ جات پنجاب میں جونیئر اکاؤنٹنٹ کی 3 اسامیوں کے لیے 17 امیدوار تحریری امتحان میں کامیاب قرار پائے ہیں۔ لاہور انڈسٹریز، کامرس اینڈ انویسٹمنٹ ڈیپارٹمنٹ کے ڈائریکٹوریٹ جنرل آف انڈسٹریز پنجاب میں انجینئر لیب کی ایک آسامی کے لیے 5 امیدوار تحریری امتحان میں کامیاب قرار پائے ہیں۔ محکمہ زراعت کے واٹر مینجمنٹ ونگ میں ڈپٹی ڈائریکٹر ایگریکلچر کی 8 اسامیوں کے لیے 7 امیدوار تحریری امتحان میں کامیاب قرار پائے ہیں پنجاب سمال انڈسٹریز کارپوریشن، انڈسٹریز، کامرس اینڈ انویسٹمنٹ ڈیپارٹمنٹ میں اسسٹنٹ ڈائریکٹر،، اکانومسٹ اور مینیجر (پی ایچ ایس) کی 2 اسامیوں کے لیے 10 امیدوار تحریری امتحان میں کامیاب قرار پائے ہیں، جن میں 5 امیدوار اسپیشل پرسنز کوٹے اور 5 امیدوار اقلیتی کوٹے کے لیے ہیں۔پنجاب پبلک سروس کمیشن نے مختلف محکموں کی اسامیوں کے حتمی نتائج کا بھی اعلان کیا ہے۔ ٹریفک انجینئرنگ اینڈ ٹرانسپورٹ پلاننگ ایجنسی، ایل ڈی اے، محکمہ ہاؤسنگ اربن ڈیویلپمنٹ اینڈ پبلک ہیلتھ انجینئرنگ میں سب انجینئر سول کی 10 اسامیوں کے لیے 10 امیدواروں کو حتمی طور پر کامیاب قرار دیا گیا ہے۔ ڈپٹی کمشنر آفس ساہیوال، بورڈ آف ریونیو پنجاب میں سٹینوگرافر کی 4 اسامیوں کے لیے 4 امیدواروں کو حتمی طور پر کامیاب قرار دیا گیا ہے۔محکمہ سپیشلائزڈ ہیلتھ کیئر اینڈ میڈیکل ایجوکیشن میں سینئر رجسٹرار پلمونولوجی کی 7 اسامیوں کے لیے 3 امیدواروں کو حتمی طور پر کامیاب قرار دیا گیا ہے، جبکہ 4 اسامیاں موزوں امیدواروں کی عدم دستیابی کی وجہ سے خالی رہ گئی ہیں۔ اسی محکمہ میں سینئر رجسٹرار سائیکاٹری کی 11 اسامیوں کے لیے 9 امیدواروں کو حتمی طور پر کامیاب قرار دیا گیا ہے، جبکہ 2 اسامیاں موزوں امیدواروں کی عدم دستیابی کی وجہ سے خالی رہ گئی ہیں۔ محکمہ سپیشلائزڈ ہیلتھ کیئر اینڈ میڈیکل ایجوکیشن میں ایسوسی ایٹ پروفیسر آرتھوپیڈک سرجری کی 4 اسامیوں کے لیے 4 امیدواروں کو حتمی طور پر کامیاب قرار دیا گیا ہے۔ خواتین کوٹے کی ایک آسامی پر خاتون امیدوار دستیاب نہ ہونے کے باعث اسے اوپن میرٹ میں تبدیل کیا گیا ہے۔ پنجاب پولیس میں انسپکٹر لیگل (سپیشلسٹ کیڈر) کی 235 اسامیوں کے لیے 222 امیدواروں کو حتمی طور پر کامیاب قرار دیا گیا ہے، جبکہ اقلیتی کوٹے کی 12 اسامیاں امیدواروں کی عدم دستیابی کی وجہ سے خالی رہ گئی ہیں۔ محکمہ ایکسائز، ٹیکسیشن اینڈ نارکوٹکس کنٹرول، ڈائریکٹوریٹ جنرل آف نارکوٹکس کنٹرول/پنجاب کاؤنٹر نارکوٹکس فورس میں ڈپٹی ڈائریکٹر لیگل کی 2 اسامیوں کے لیے 2 امیدواروں کو حتمی طور پر کامیاب قرار دیا گیا ہے۔تحریری امتحان میں کامیاب امیدواروں کے لیے ٹائپنگ ٹیسٹ، پروفیشنسی ٹیسٹ اور انٹرویو کے کال لیٹرز پنجاب پبلک سروس کمیشن کی ویب سائٹ پر مقررہ شیڈول کے مطابق اپ لوڈ کیے جائیں گے، جبکہ امیدواروں کو ایس ایم ایس اور ای میل کے ذریعے بھی آگاہ کیا جائے گا۔ امیدواروں کے لیے ضروری ہے کہ وہ ٹیسٹ یا انٹرویو کے وقت اصل تعلیمی اسناد اور دیگر متعلقہ دستاویزات ہمراہ لائیں۔ کامیاب امیدواروں کی فہرستیں پنجاب پبلک سروس کمیشن کی ویب سائٹ پر بھی دستیاب ہیں۔