ناروے کے اسٹار فٹبالر ارلنگ ہالینڈ نے ایئرلائن کمپنی نارویجین ایئر شٹل کے خلاف مبینہ طور پر ان کی شناخت اور برانڈ کو غیر مجاز طور پر تشہیری مہم میں استعمال کرنے پر مقدمہ دائر کردیا ہے۔ ہالینڈ کے وکیل تھامس ہیگن نے مقدمے کی تصدیق کرتے ہوئے کہا کہ کمپنی نے ورلڈ کپ کے دوران ٹکٹوں کی مارکیٹنگ میں ہالینڈ کی شناخت اور مخصوص علامات استعمال کیں۔
تنازع کی وجہ نارویجین ایئرلائن کی سوشل میڈیا پر شیئر کی گئی ایک تصویر بنی، جس میں کمپنی کے طیارے پر ہالینڈ کے مشہور سنہرے بالوں اور پونی ٹیل کو ایڈیٹ کرکے دکھایا گیا تھا۔ تصویر کے ساتھ تحریر تھی: “We’ve never looked more Norwegian”۔ بعد ازاں یہ پوسٹ سوشل میڈیا سے ہٹا دی گئی۔
ہالینڈ کی قانونی ٹیم کے مطابق معاملہ مارکیٹنگ قوانین کی خلاف ورزی سے متعلق ہے۔ مقدمہ ہالینڈ اور ان کی کمپنی York Promotions Ltd. کی جانب سے دائر کیا گیا ہے۔ اوسلو ڈسٹرکٹ کورٹ میں کیس سے متعلق ابتدائی آن لائن سماعت 9 اکتوبر کو مقرر ہے۔
