لاہور (کورٹ رپورٹر)لاہور ہائیکورٹ کے جسٹس امجد رفیق نے قتل کیس میں عمر قید اور
15 لاکھ روپے جرمانے کی سزا پانے والے ملزم محمد بلال کی اپیل پر فیصلہ محفوظ کر لیا، اپیل میں موقف اختیار کیا گیا کہ ملزم کو مدعی نے دیگر ملزمان کے ساتھ جھوٹا ملوث کیا، پراسیکیوشن اس کے خلاف جرم ثابت کرنے میں ناکام رہی، اپیل کنندہ کے مطابق ٹرائل کورٹ نے اس کے حق میں موجود اہم شواہد کو نظرانداز کیا اور مقدمے کے ریکارڈ میں تضادات اور شکوک و شبہات کے باوجود سزا سنائی، ٹرائل کورٹ کا فیصلہ شواہد کی غلط تشریح اور قانون کے منافی ہے، سزا مقدمے کے حقائق کے مقابلے میں سخت ہے، استدعا ہے کہ ٹرائل کورٹ کا فیصلہ کالعدم قرار دے کر محمد بلال کو بری کیا جائے، ملزمان کے خلاف تھانہ تتلے عالی، ضلع گوجرانوالہ میں مقدمہ درج ہے۔
