کاہنہ،گھریلو جھگڑے پر بیٹے نے ماں کو فائرنگ کر کے قتل کر دیا

لاہور( این این آئی)کاہنہ میں گھریلو جھگڑے کے دوران بیٹے نے فائرنگ کر کے ماں کو موت کے گھاٹ اتار دیا ۔ پولیس کے مطابق گھریلو تنازعہ پر بیٹے عرفان نے اپنی 42 سالہ ماں عذرا پر فائرنگ کر دی جس سے وہ موقع پر ہی دم توڑ گئی ۔ بتایا گیا ہے کہ خاتون کو پانچ گولیاں لگیں۔واقعے کی اطلاع ملنے پر پولیس اور تحقیقاتی ٹیمیں جائے وقوعہ پر پہنچ گئیںاور شواہد اکٹھے کرنے کے بعد لاش کو مردہ خانے منتقل کر دیا گیا۔پولیس نے مقتولہ کے بھائی کی مدعیت میں مقدمہ درج کر لیا ہے جس میں سابق سسر، تایا، چچا، سابق شوہر اور بیٹے سمیت پانچ افراد کو نامزد کیا گیا ہے۔پولیس نے مقتولہ کے بیٹے عرفان کو اسلحے سمیت حراست میں لے لیا ہے۔