ہنڈا اٹلس کارز پاکستان لمیٹڈ کا عوامی صحت کے فروغ کے عزم کا اعادہ

لاہور (کامرس رپورٹر)ہنڈا اٹلس کارز پاکستان لمیٹڈ نے گاں کیالہ، حویلیاں، ایبٹ آباد میں ایک روزہ مفت میڈیکل کیمپ کا انعقاد کیا، جہاں 464 سے زائد مریضوں کو مفت طبی معائنے اور ضروری ادویات کی سہولت فراہم کی گئی۔کمپنی نے 2014 میں مانگا منڈی میں اپنے پہلے مفت میڈیکل کیمپ کے انعقاد سے اب تک 51کیمپ منعقد کیے ہیں، جن سے 30,031 سے زائد افراد مستفید ہو چکے ہیں۔تجربہ کار ڈاکٹروں اور طبی عملے کی خدمات سے مستفید اس کیمپ کا مقصد مستحق افراد کو معیاری طبی سہولیات فراہم کرنا اور صحت مند معاشرے کے قیام میں اپنا کردار ادا کرنا تھا۔ہنڈا اٹلس کارزپاکستان لمیٹڈ عوامی فلاح و بہبود کے لیے پرعزم ہے اور معاشرے میں مثبت اور دیرپا تبدیلی لانے کے لیے مسلسل کوشاں ہے۔