متوسط طبقے کو اپنا گھر دینا حکومت کی ترجیح ہے: بلال یاسین

راولپنڈی(خصوصی رپورٹر)صوبائی وزیر ہاسنگ پنجاب بلال یاسین نے کہا ہے کہ متوسط طبقے کو اپنا گھر دینا حکومت کی ترجیح ہے اپنا گھر، اپنی چھت سکیم کے تحت 1 لاکھ 26 ہزار 239 گھر مکمل ہو چکے ہیں یہ بات انہوں نے گزشتہ روز راولپنڈی کے دورے کے دوران کہی اس موقع پر انہوں نیاپنا گھر، اپنی چھت منصوبے کا معائنہ کیا بلال
یاسین نے کہا کہ متوسط طبقے کو اپنا گھر دینا حکومت کی ترجیح ہے۔ حکومت پنجاب کے تعاون سے شہری گھروں کے مالک بن رہے ہیں۔ اپنا گھر، اپنی چھت کے تحت 2 لاکھ 17 ہزار 520 گھرانوں کو مالی معاونت کی گئی ہے جبکہاپنا گھر، اپنی چھت کے تحت 1 لاکھ 26 ہزار 239 گھر مکمل ہو چکے ہیں بعد ازاں صوبائی وزیر نے چہان ڈیم واٹر سپلائی منصوبے کا دورہ کیا اور چہان ڈیم فلٹریشن پلانٹ کی تعمیر کا جائزہ لیا۔ انہوں نے کہا کہ چہان ڈیم منصوبہ راولپنڈی کے لئے وزیر اعلی پنجاب کا تحفہ ہے۔ چہان ڈیم واٹر ٹریٹمنٹ پلانٹ اگلے سال مکمل ہوگا جس سے اڑھائی لاکھ سے زائد شہری مستفید ہوں گے اور چہان ڈیم سے راولپنڈی کے متعدد علاقوں کو صاف پانی فراہم ہوگا۔