فیصل ہلز انتظامیہ تشدد معاملہ، مقدمہ درج نہ کئے جانے کیخلاف احتجاج کا فیصلہ

واہ کینٹ (نمائندہ خبریں )فیصل ہلز انتظامیہ کی جانب سے کوریج کے دوران صحافیوں پر تشدد کے حوالے سے مقدمہ کے اندراج کے لئے تھانہ ٹیکسلا میں دی گئی درخواست کو ایک ہفتہ گزر چکا ہے جبکہ اب تک واقعہ کا مقدمہ درج نہیں کیا گیا اس حوالے سے تحصیل یونین آف جرنلسٹس ٹیکسلا واہ کینٹ نے بھرپور احتجاج کا فیصلہ کیا ہے تحصیل یونین آف جرنلسٹس ٹیکسلا واہ کینٹ کا اس حوالے سے مشاورتی اجلاس بروز اتوار کو طلب کر لیا گیا ہے یونین نے اس حوالے سے ملک بھر کی صحافتی تنظیموں، شہر کی تاجر برادری، سیاسی و مذہبی جماعتوں سے روابط کا آغاز کردیا ہے اس حوالے سے یونین کی جانب سے پانچ اراکین پر مشتمل کمیٹی بھی قائم کی گئی ہے دوسری جانب ٹی یو جے کے صدر رشید مغل نے کہا ہے کہ ہم مظلوم لوگوں کی آواز ہیں دوسروں کے لئے انصاف کی جدو جہد کرتے ہیں افسوس یہاں قانون اتنا کمزور ہے جو بااثر لوگوں کے سامنے بے بس ہے وہ سمجھتے ہیں کہ وقت گزر جانے پر معاملہ ختم ہو جائے گا وقت تو ہم نے دیا ہے ہم انتظار میں ہیں کہ پولیس کیا کرتی ہے ہم پرامن احتجاج کا حق محفوظ رکھتے ہیں اتوار کو ہمارا مشاورتی اجلاس ہے اگر مقدمہ درج نہ کیا گیا ہمیں انصاف نہ دیا گیا اور ایسے ہی ٹال مٹول سے کام لیا گیا تو ہم بھرپور احتجاج کریں گے ہم نے ڈی ایس پی ٹیکسلا کو بھی درخواست دی ہے امید ہے ہماری درخواست پر مقدمہ درج کیا جائے گا اگر مزید تاخیر کی گئی تو ہم آئی جی پنجاب سمیت ہر دروازے پر دستک دیں گے خاموش نہیں بیٹھیں گے اس لئے تاکہ کل دوبارہ ایسا کوئی واقعہ نہ ہو