ممنوعہ غیر ملکی ادویات سمگل کرنے کی کوشش ناکام، خاتون گرفتار

کراچی(این این آئی) پاکستان کسٹمز نے جناح انٹرنیشنل ایئرپورٹ کراچی پر کارروائی کرتے ہوئے ممنوعہ غیر ملکی ادویات سمگل کرنے کی کوشش ناکام بنا دی اور مسقط سے آنے والی خاتون مسافر کو گرفتار کرلیا۔کسٹمز حکام کے مطابق خفیہ اطلاع پر ایئرپورٹ کے آمد کے حصے میں خاتون مسافر کے دو بڑے سفری بیگوں اور دستی بیگ کی تلاشی لی گئی، جس کے دوران فیورولین 100 ملی گرام کی 50 ہزار 340 گولیاں برآمد ہوئیں۔ ضبط شدہ ادویات کی تخمینہ مالیت 80 لاکھ 54 ہزار 400 روپے بتائی گئی ہے۔