لاہور(سپورٹس ڈیسک)پاکستان نے سہ فریقی سیریز کے دوسرے میچ میں پاکستان نے عرفات منہاس کی آل رانڈ پرفارمنس کی بدولت انگلینڈ کو 87 رنز سے شکست دے دی۔ پاکستان کی جانب سے دیے گئے 303 رنز کے ہدف کے تعاقب میں انگلینڈ کی ٹیم 215 رنز پر آل آٹ ہوگئی۔ عرفات منہاس نے 6 وکٹیں لیں اور ایک رن آٹ کیا۔راولپنڈی میں کھیلے جانے والے میچ میں انگلینڈ نے پاکستان کے خلاف ٹاس جیت کر پہلے بولنگ کا فیصلہ کیا۔ پاکستان نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 302 رنز کا ٹوٹل بورڈ پر سجایا۔ اننگز کے آغاز میں ہی قومی ٹیم کو جارح مزاج بلے فخر زمان پہلی ہی گیند پر جبکہ 8 رنز بنانے کے بعد دوسرے اوپنر صائم ایوب بھی آٹ ہوگئے۔ بابر اعظم 34، سعد بیگ 35 اور گزشتہ میچ کے سنچورین سلمان علی آغا 16 رنز بنا کر آٹ ہوئے۔ 133 کے مجموعے تک قومی ٹیم 5 وکٹوں سے محروم ہوئی۔ ایسے میں حسن نواز نے 79، عرفات منہاس نے 59 اور فہیم اشرف نے 39 رنز بنا کر ٹیم کو 300 کے ہندسے کے قریب پہنچایا جبکہ اختتامی لمحات میں شاہین آفریدی کے 10 اور حارث رف کے 4 رنز کی بدولت قومی ٹیم نے 302 رنز بنائے۔انگلینڈ کی جانب سے سونی بیکر نے 3، گٹ ایٹکنسن نے 2 جبکہ ول جیکس، جمی اوورٹن، عادل رشید اور سیم کرن نے ایک ایک وکٹ لی۔ہدف کے تعاقب میں انگلینڈ نے شاندار آغاز کیا اور پہلی ہی وکٹ پر 91 رنز بنا ڈالے، یہاں حارث رف نے پاکستان کی جانب سے پہلی وکٹ لی خطرناک نظر آنے والے بین ڈکٹ کو پویلین بھیج دیا۔ تاہم اس کے بعد شاہین شاہ آفریدی نے بائیں ہاتھ کے اسپنر عرفات منہاس کو متعارف کروایا جنہوں نے اپنی شاندار بولنگ کا مظاہرہ کرتے ہوئے انگلینڈ کے لیے جیت کو خواب بنادیا۔ عرفات منہاس نے 8.4 اوورز میں 40 رنز دے کر 6 کھلاڑیوں کو آٹ کیا جبکہ اننگز کے دوران انہوں نے ایک رن آٹ بھی کیا۔انگلینڈ کی جانب سے سب سے زیادہ رنز ٹام بیٹنگ نے 57 بنائے جبکہ بین ڈکٹ نے 45، جو روٹ نے 33، سیم کرن نے 27، ول جیکس نے 19 اور جارڈن کوکس نے 18 رنز کی اننگز کھیلی جبکہ ان کے علاوہ دیگر کوئی کھلاڑی ڈبل فیگر میں بھی داخل نہ ہوسکے۔عرفات منہاس کے علاوہ حارث رف نے 2 جبکہ نسیم شاہ نے ایک وکٹ لی۔
سہ فرقی سیریز پاکستان کی انگلینڈ کو 87رنز سے شکست
