سابق وزیراعظم راجہ پرویز اشرف نے شوکت علی عباسی کو لوکل باڈیز پریشن انیڈ مانیٹرنگ کمیٹی وسطی پنجاب کا اہم رکن نامزدکر دیا

لاہور (خبر نگار) پاکستان پیپلز پارٹی سنٹرل پنجاب کے صدر، سابق وزیراعظم مقتدر راجہ پرویز
اشرف نے ضلع راولپنڈی کے صدر شوکت علی عباسی کو ان کی بہترین تنظیمی صلاحیتوں اور پارٹی کے لیے گرانقدر خدمات کے اعتراف میں فوری طور پر ”لوکل باڈیز الیکشن پریپریشن اینڈ مانیٹرنگ کمیٹی سنٹرل پنجاب” کا اہم ممبر نامزد کر دیا ہے۔ پارٹی قیادت کو مکمل یقین ہے کہ شوکت علی عباسی صاحب کی متحرک قیادت، سیاسی بصیرت اور تنظیمی تجربے کی بدولت سنٹرل پنجاب کی یہ اہم کمیٹی بلدیاتی انتخابات کی تیاریوں اور مانیٹرنگ کے عمل کو انتہائی موثر طریقے سے پایہ تکمیل تک پہنچائے گی۔ پاکستان پیپلز پارٹی سنٹرل پنجاب کے صدر اور سابق وزیراعظم راجہ پرویز اشرف کی جانب سے راولپنڈی کے ضلعی صدر شوکت علی عباسی کو ”لوکل باڈیز الیکشن پریپریشن اینڈ مانیٹرنگ کمیٹی سنٹرل پنجاب” کا ممبر نامزد کیے جانے پر پارٹی کے حلقوں اور کارکنان میں خوشی کی لہر دوڑ گئی ہے۔ پارٹی کے ضلعی عہدیداران، تحصیل صدور اور کارکنوں کی جانب سے شوکت علی عباسی کو اس اہم ترین تنظیمی ذمہ داری پر دلی مبارکباد پیش کی گئی ہے اور اُمید ظاہر کی گئی ہے کہ ان کی بہترین صلاحیتوں کی بدولت انشاء اللہ پیپلز پارٹی ضلع راولپنڈی میں بلدیاتی انتخابات میں بھرپور اور تاریخی کامیابی حاصل کرے گی۔ اس موقع پر ضلعی قیادت کا کہنا ہے کہ صدر شوکت علی عباسی کی قیادت میں ضلع راولپنڈی کی پانچوں تحصیلوں میں بلدیاتی الیکشن کے حوالے سے تیاریاں پہلے ہی زور و شور سے جاری ہیں۔ اس نئی تنظیمی ذمہ داری کے بعد ان تیاریوں میں مزید تیزی آئے گی۔ ضلع راولپنڈی کی تمام پانچوں تحصیلوں کے صدور، تحصیل جنرل سیکرٹریز، تمام ضلعی باڈی اور سابقہ ٹکٹ ہولڈرز کی مکمل مشاورت اور باہمی اتحاد سے کام کا آغاز کر دیا گیا ہے۔ انشاء اللہ تعالیٰ ضلع کی ہر یونین کونسل، ہر وارڈ اور ہر سطح سے پارٹی کے نظریاتی، مضبوط اور بہترین امیدوار میدان میں اتارے جائیں گے اور پیپلز پارٹی راولپنڈی کے چپے چپے پر بلدیاتی انتخابات میں بھرپور طریقے سے حصہ لے کر فتح حاصل کرے گی۔