بیرسٹر عقیل ملک سے یورپی یونین کے وفد کی ملاقات، علاقائی امور پر تبادلہ خیال

اسلام آباد (این این آئی)وزیر مملکت برائے قانون و انصاف بیرسٹر عقیل ملک سے یورپی ایکسٹرنل ایکشن سروس میں پاکستان کے لیے پالیسی افسر مسٹر کونراڈ ڈوڈا اور پاکستان میں یورپی یونین کے وفد کے شعبہ سیاسی، تجارت و ابلاغ کے سربراہ مسٹر پیوٹر بوسٹزا نے وزارتِ قانون و انصاف میں خیرسگالی ملاقات کی جس میں دونوں جانب سے باہمی دلچسپی کے مختلف امور پر تبادلہ خیال کیا گیا جبکہ پاکستان اور یورپی یونین کے درمیان سکیورٹی، انسدادِ دہشت گردی اور علاقائی امور کے شعبوں میں تعاون کو مزید مضبوط بنانے پر خصوصی توجہ دی گئی۔گفتگو میں علاقائی صورتِ حال، مشرقِ وسطیٰ میں امن اور مذاکرات کے فروغ کے لیے پاکستان کے تعمیری کردار اور یورپی یونین کے جنرلائزڈ اسکیم آف پریفرنسز پلس (GSP) فریم ورک سے متعلق امور بھی زیرِ بحث آئے۔