چشمہ شوگر ملز ٹو ڈیرہ کے 17 میں سے 11 مغوی ملازمین بازیاب

ڈیرہ غازی خان ( مانیٹرنگ ڈیسک) چشمہ شوگر ملز ٹو کے اغوا ہوئے 17ملازمین میں سے 11بازیاب، 5سکیورٹی گارڈز باقی ہیں۔ چشمہ شوگر ملز ٹو کے 21اکتوبر کو اغوا کیے گئے 17میں سے 11ملازمین واپس پہنچ گئے، پانچ سکیورٹی گارڈز تاحال بازیاب نہیں ہوسکے۔ذرائع کے مطابق اغوا ملازمین کو نامعلوم مقام پر منتقل کر دیا گیا تھا، آر پی او غلام مبشر میکن، ڈی پی او ضیا الدین اور سکیورٹی حکام کی کوششوں، سرچ آپریشنز اور متعلقہ حلقوں کی مشترکہ کاوشوں کے بعد 11ملازمین کی رہائی عمل میں آئی۔بازیاب ملازمین میں وحید اللہ (کیمیکل آپریٹر)، بلال (فلٹر آپریٹر)، نعمان اور عنصر (لیب اینالسز)، عبدالرشید (مالی)، خلیل (کیمیکل ملر)، سہیل (ٹیلیفون آپریٹر)، ثنا اللہ (ڈرائیور)، ذیشان(ہیلپر آپریٹر)، شعیب (سائلو ہیلپر)اور وقار اے سی ٹیکنیشن شامل ہیں۔پانچ سیکیورٹی گارڈز رحمت اللہ، اکرم، افتخار، عنایت اور مسئول حسین کی بحفاظت واپسی کے لیے کوششیں جاری ہیں۔
بازیاب