مولانا فضل الرحمان کیساتھ چلنے پر تحریک انصاف دو دھڑوں میں تقسیم

اسلام آباد (سٹاف رپورٹر) پاکستان تحریک انصاف کے اندر سیاسی حکمت عملی اور مولانا فضل
الرحمان کے ساتھ مل کر چلنے کے معاملے پر اختلافات شدت اختیار کرنے لگے، اپوزیشن اتحاد کو مضبوط بنانے اور حکومت مخالف تحریک میں جمعیت علمائے اسلام کے سربراہ مولانا فضل الرحمان کو ساتھ لے کر چلنے کے معاملے پر تحریک انصاف کی قیادت دو مختلف آرا میں تقسیم ہو گئی ہے۔ ذرائع کے مطابق پارٹی کے اندر اس معاملے پر خیبرپختونخوا کی صوبائی قیادت اور پنجاب کی قیادت کے درمیان واضح اختلافات سامنے آئے ہیں، جہاں ایک جانب خیبرپختونخوا کے سرکردہ رہنما مولانا فضل الرحمان کے ساتھ سیاسی تعاون اور مشترکہ جدوجہد کے حامی دکھائی دے رہے ہیں، وہیں دوسری جانب پنجاب کی قیادت اور مرکزی سطح پر موجود بعض سینئر رہنماں نے مولانا کی حالیہ بیان بازی کے باعث ان کے ساتھ غیر مشروط سیاسی اتحاد پر تحفظات کا اظہار کر دیا ہے۔ذرائع کا کہنا ہے کہ تحریک انصاف کے سینئر رہنما اسد قیصر، عاطف خان اور خیبرپختونخوا سے تعلق رکھنے والے دیگر اہم صوبائی رہنماں نے پارٹی قیادت کو مولانا فضل الرحمان کے ساتھ چلنے اور مشترکہ سیاسی جدوجہد جاری رکھنے کا عندیہ دے دیا ہے۔ خیبرپختونخوا کی قیادت کی رائے ہے کہ موجودہ سیاسی حالات میں اپوزیشن جماعتوں کے درمیان اتحاد اور مشترکہ حکمت عملی وقت کی اہم ضرورت ہے، اس لیے سیاسی اختلافات اور ماضی کی تلخیوں کو ایک طرف رکھتے ہوئے مولانا فضل الرحمان سمیت دیگر اپوزیشن جماعتوں کو ساتھ لے کر چلنا چاہیے۔ذرائع کے مطابق خیبرپختونخوا کی قیادت کا مقف ہے کہ ملک میں جاری سیاسی کشیدگی، حکومت مخالف سیاسی سرگرمیوں اور جمہوری حقوق کے حوالے سے مشترکہ جدوجہد کے لیے اپوزیشن جماعتوں کا ایک پلیٹ فارم پر اکٹھا ہونا ضروری ہے۔ اس تناظر میں جمعیت علمائے اسلام کے سربراہ مولانا فضل الرحمان کے ساتھ سیاسی تعاون کو اپوزیشن کی قوت میں اضافے کا ذریعہ سمجھا جا رہا ہے۔تاہم تحریک انصاف کی پنجاب سے تعلق رکھنے والی قیادت اور مرکزی سطح پر موجود بعض سینئر رہنماں نے مولانا فضل الرحمان کے حالیہ بیانات پر شدید تحفظات کا اظہار کیا ہے۔ ذرائع کے مطابق ان رہنماں کا مقف ہے کہ مولانا فضل الرحمان کی جانب سے ملکی اداروں کے خلاف کی جانے والی بیان بازی اور سخت تنقید کی کسی صورت حمایت نہیں کی جا سکتی۔ سیاسی اتحاد اپنی جگہ لیکن اداروں کے خلاف بیانات کو سیاسی اتحاد کا حصہ نہیں بنایا جا سکتا۔ذرائع کا کہنا ہے کہ مرکزی قیادت کی جانب سے یہ مقف سامنے آیا ہے کہ مولانا فضل الرحمان کو ملکی اداروں کے خلاف بیانات دیتے ہوئے محتاط رویہ اختیار کرنا چاہیے اور ایسی بیان بازی سے گریز کرنا چاہیے جس سے سیاسی ماحول مزید کشیدہ ہو۔ تحریک انصاف کے ان رہنماں کا خیال ہے کہ اپوزیشن جماعتوں کے ساتھ اتحاد کا مطلب یہ نہیں کہ کسی دوسری جماعت کے سربراہ کے ہر بیان اور سیاسی مقف کی بھی تائید کی جائے۔دوسری جانب خیبرپختونخوا کی قیادت مولانا فضل الرحمان کے ساتھ سیاسی معاملات کو الگ اور ان کی بیان بازی کو الگ دیکھنے کی حامی ہے۔ ان کے نزدیک کسی جماعت کے ساتھ انتخابی، پارلیمانی یا حکومت مخالف سیاسی تعاون کے لیے ضروری نہیں کہ اس جماعت کے ہر مقف سے اتفاق بھی کیا جائے۔ یہی وہ بنیادی نکتہ ہے جس پر تحریک انصاف کے اندر اختلافات نمایاں ہو رہے ہیں۔