پی آر اے نے اکتوبر میں 33 ارب سے زائد محصولات اکٹھے کیے

لاہور( این این آئی)پنجاب ریو نیو اتھارٹی نے رواں مالی سال کے ماہ اکتوبر میں 33 ارب سے زائد محصولات اکٹھے کیے جبکہ گزشتہ مالی سال ماہ اکتوبر میں 26 ارب سے زائد اکٹھے کئے گئے تھے ۔ مجموعی طور پر رواں مالی سال میں پنجاب ریونیو اتھارٹی کا گروتھ ریٹ 30فیصد ریکارڈ کیا گیا۔ چیئرمین پنجاب ریونیو اتھارٹی معظم اقبال سپرا کی زیر صدارت ماہانہ اہداف بارے اہم اجلاس ہوا جس میں سیکٹر وائز مقررہ اہداف، ٹیکس رجسٹرڈ کاروباروں اور افسران کی کارکردگی کا جائزہ لیا گیا۔معظم اقبال سپرا نیکہا کہ 16 سیکٹرز میں ای آئی ایم ایس اور بذریعہ بینکس ٹیکس کولیکشن کے ریکارڈ کی چھان بین کی جائے،ڈیجیٹل مانیٹرنگ سسٹم سے ٹیکس ریٹرنز میں جعلسازی کرنے والے عناصر کی نشان دہی ازحد ضروری ہے۔ چیئرمین پی آر اے نے کہا کہ لارج ٹیکس پیئر کمشنریٹ مزید نئے سیکٹرز کی تشکیل پر فوری کام کا آغاز کرے گا اور صوبہ بھر میں جعلی رسیدوں کے خلاف کارروائیوں کا دائرہ مزید وسیع کیا جائے گا۔ ا