اوپن یونیورسٹی میں بچوں کی ذہنی صحت اور ڈیجیٹل ماحول پر سیمینار

اسلام آباد(پ ر)علامہ اقبال اوپن یونیورسٹی اور روپانی فانڈیشن نے وزارت منصوبہ بندی، ترقی و خصوصی اقدامات کے مینٹل ہیلتھ اسٹریٹجک پلاننگ اینڈ کوآرڈینیشن یونٹ کے اشتراک سے "ڈیجیٹل ماحول میں بچوں اور نوجوانوں کی ذہنی صحت” کے موضوع پر سیمینار کا انعقاد کیا جس میں ماہرین تعلیم، ماہرین نفسیات، پالیسی سازوں، اساتذہ، اور طلبہ نے شرکت کی۔۔ ڈین فیکلٹی آف سوشل سائنسز، پروفیسر ڈاکٹرسید محمد عامر شاہ نے وائس چانسلر اوپن یونیورسٹی، پروفیسر ڈاکٹر ناصر محمود کی نمائندگی کرتے ہوئے افتتاحی خطاب کیا۔پروفیسر ڈاکٹر عامر شاہ نے کہا کہ ڈیجیٹل ٹیکنالوجی سیکھنے کے مواقع فراہم کرتی ہے، لیکن اس کے بے جا اور غیر منظم استعمال سے بچوں میں بے چینی، ڈپریشن، سائبر بلیئنگ، نیند کی خرابی اور تنہائی جیسے مسائل بڑھ رہے ہیں۔ انہوں نے ڈیجیٹل لچک اور مشترکہ کوششوں کی ضرورت پر زور دیا۔ سیمینار میں وزارت منصوبہ بندی اور روپانی فانڈیشن کے نمائندگان نے بھی خطاب کیا اوربچوں کی ذہنی صحت کے تحفظ کے لیے مشترکہ کوششوں کی اہمیت پر زور دیا۔ اس موقع پر یونیسکو رپورٹ "ڈیجیٹل ماحول میں نوجوانوں کی ذہنی صحت کے لیے اخلاقی تحفظات” پر کلیدی پریزنٹیشن دی گئی جس میں ڈیجیٹل پلیٹ فارمز سے پیدا ہونے والے اخلاقی چیلنجز، بچوں کے ڈیٹا کے تحفظ، نقصان دہ مواد کے اثرات اور بچوں پر مرکوز ڈیجیٹل پالیسیوں کی ضرورت پر روشنی ڈالی گئی۔سیمینار کے دوران ایک پینل ڈسکشن بھی منعقد ہوئی جس میں وزارت انفارمیشن ٹیکنالوجی و ٹیلی کمیونیکیشن، نیشنل کمیشن آن دی رائٹس آف چائلڈ، پاکستان ڈیجیٹل اتھارٹی، پاکستان ٹیلی کمیونیکیشن اتھارٹی، نیشنل سائبر ایمرجنسی ریسپانس ٹیم اور یونیسیف پاکستان کے نمائندگان نے شرکت کی۔ پینل کے شرکا نے کہا کہ بچوں کے لیے محفوظ ڈیجیٹل ماحول پیدا کرنے کے لیے مثر ضابطہ کاری، ڈیجیٹل لٹریسی، والدین کی رہنمائی، آن لائن حفاظت اور ذہنی صحت کی سہولیات کی فراہمی ناگزیر ہے۔ انہوں نے اس بات پر بھی زور دیا کہ بچوں کو سوشل میڈیا کے محفوظ استعمال، سائبر بلیئنگ سے بچا اور آن لائن دبا سے نمٹنے کے حوالے سے آگاہی دی جائے۔ سیمینار کے اختتام پر سوال و جواب کی نشست ہوئی جس میں شرکا نے اپنے تجربات اور تجاویز پیش کیں۔