کابل (نیوز ایجنسیاں )افغانستان منشیات سمگلنگ کے عالمی نیٹ ورکس کی آماجگاہ بن گیا ہے، جس کی وجہ سے پڑوسی ممالک کو سنگین خطرات لاحق ہو رہے ہیں۔افغانستان سے منشیات سمگلنگ کی ایک اور کوشش ناکام بنا دی گئی ہے۔ تاجکستان میں منشیات سمگلنگ کے عالمی نیٹ ورک کے 9کارندے گرفتار کر لئے گئے۔تاجک جریدے ایشیا پلس کے مطابق تاجک سرحدی فورسز نے کارروائی کے دوران افغانستان سے سمگل شدہ 24کلوگرام چرس برآمد کی۔ گرفتار افراد افغانستان سے منشیات سمگل کرکے دیگر ممالک پہنچانے والے بین الاقوامی نیٹ ورک کے کارندے ہیں۔ایشیا پلس کے مطابق نیٹ ورک کے سرغنہ مظفر اعظموف نے 2025سے اب تک 20سے 25 کارروائیوں میں 550سے 600کلوگرام چرس اسمگل کرنے کا اعتراف کیا ہے۔ نیٹ ورک کے ارکان کو منشیات کی ہر کھیپ سرحد پار پہنچانے کے عوض 2500ڈالر دئیے جاتے تھے۔تاجکستان کے ادار انسدادِ منشیات کے مطابق رواں سال کے پہلے 6 ماہ میں صرف افغان تاجک سرحد پر ڈیڑھ ہزار کلوگرام سے زائد منشیات ضبط کی جا چکی ہیں۔ماہرین کا کہنا ہے کہ افغانستان سے منشیات اسمگلنگ کے واقعات کے باعث پڑوسی ممالک کو سنگین خطرات لاحق ہیں۔
منشیات
