لاہور (کرائم رپورٹر) مانگا منڈی کے علاقے میں تیز رفتار مزدا نے سڑک کنارے کھڑی خاتون کو کچل دیا جس کے نتیجے میں وہ موقع پر دم توڑ گئی’ پولیس نے ڈرائیور کو گرفتار کرکے قانونی کاروائی کا آغاز کر دیا۔ تفصیلات کے مطابق مانگامنڈی کے
علاقے ملتان روڈ ستارہ حلال ہوٹل پٹرول پمپ کے قریب تیز رفتار مزدا نے خاتون کو کچل دیا جس کے نتیجے میں وہ زخموں کی تاب نہ لاتے ہوئے موقع پر ہی جاں بحق ہو گئی۔ اطلاع ملنے پر پولیس نے لاش مردہ خانے منتقل کرکے ڈرائیور بابر کو گرفتار کر کے قانونی کاروائی کا آغاز کر دیا’ ابتدائی تفتیش کے مطابق خاوند موٹر سائیکل میں پٹرول ڈلوانے کے لیے پمپ کے اندر گیا جبکہ بیوی باہر کھڑی تھی اس دوران تیز رفتار مزدا نے خاتون کو ٹکر مار دی، جس کے نتیجے میں وہ شدید زخمی ہو کر موقع پر ہی دم توڑ گئی۔
