لاہور ہائیکورٹ میں نجم سیٹھی بارے درخواست ،عدالت نے اہم ہدایت جاری کر دی

لاہور( خصوصی نامہ نگار)لاہور ہائیکورٹ کے جسٹس شمس محمود مرزا پاکستان کرکٹ ٹیم کے کھلاڑیوں کی تقریب تقسیم ایوارڈ کی کوریج کے حقوق ایک نجی ٹی وی کو دینے کے خلاف دائر درخواست پر درخواست گزار کو مزید دستاویزات لف کرنے کی ہدایت کر دی۔ فاضل عدالت نے فواد اختر کی درخواست پر سماعت کی۔ درخواستگزار نے اپنی درخواست میں نشاندہی کی کہ 15 ستمبر کو منعقدہ تقریب میں صرف ایک نجی ٹی وی کو کوریج کی اجازت دی گئی.پاکستان ٹیلی ویڑن کو بھی کوریج کی اجازت نہیں دی گئی.چیرمین پی سی بی اختیارات کا ناجائز استعمال کر رہے ہیں. درخواستگزار نے عدالت عالیہ سے استدعا کی کہ عدالت چیرمین پی سی بی کو اختیارات کا ناجائز استعمال کرنے سے روکے۔ عدالت نے درخواست کے قابل سماعت ہونے کے لیے درخواست گزار کو ضروری دستاویزات لف کرنے کی ہدایت کر دی۔