لاہور (خصوصی رپورٹ) رائے ونڈ کا سالانہ تبلیغی اجتماع آج تین نومبر سے شروع ہوگا اور چھ نومبر تک جاری رہے گا۔ پہلے مرحلے کے اجتماع میں پندرہ اضلاع کے شرکاءشرکت کریں گے۔ دعا 6 نومبر اتوار کو ہوگی۔ تبلیغی مرکز میں شرکاءکی آمد کا سلسلہ گزشتہ رات سے ہی شروع ہوگیا تھا۔ پنڈال میں سکیورٹی کے لیے پولیس کی بھاری نفری تعینات کر دی گئی، سینکڑوں پولیس اہلکار چوبیس گھنٹے رائے ونڈ اجتماع میں ڈیوٹی سرانجام دیں گے۔ گزشتہ روز پولیس کے اعلیٰ افسران نے رائیونڈ تبلیغی مرکز کا دورہ کیا اور سکیورٹی کا جائزہ لیا۔

لاہور (خصوصی رپورٹ) لاہور سمیت پنجاب بھر میں فضا میں گردوغبار اور دھواں جمع ہونے سے فضا آلودہ ہوگئی جس کے باعث شہری نزلہ، زکام ، کھانسی ، بخار اور سانس کی بیماریوں کے ساتھ آنکھوں کی سوزش میں مبتلا ہوگئے۔ فضا میں گرد اور آلودگی کی وجہ سے دھند کی سی کیفیت پیدا ہوگئی جس کو ماہرین نے سموگ کا نام دیا ہے جبکہ حدنگاہ بھی کم ہوگئی۔ جبکہ مختلف شہروں میں ٹریفک حادثات کے دوران چار افراد جاں بحق اور کئی زخمی ہوگئے۔ رات گئے موٹروے کو بند کر دیا گیا۔ محکمہ موسمیات کے مطابق ”سموگ“ کا یہ سلسلہ صرف بارش یا تیز ہواﺅں کے چلنے سے ختم ہوسکتا ہے، تاہم آئندہ تین چار روز کے دوران بارش کا کوئی امکان نہیں جس کی وجہ سے سموگ کا سلسلہ جاری رہ سکتا ہے۔ محکمہ موسمیات نے سموگ کا سلسلہ نومبر میں جاری رہنے کی پیشگوئی کردی ہے۔ لاہور سمیت پنجاب کے میدانی علاقوں شاہ کوٹ، شیخوپورہ، ننکانہ صاحب، قصور، فیصل آباد، سیالکوٹ، گوجرانوالہ، کوٹ رادھا کشن، پھولنگر، کھڈیاں خاص، منڈی عثمان والا، ملتان کے علاقوں میں ہوا میں نمی کی وجہ سے گردوغبار اور دھواں جمع ہونا شروع ہوگیا جبکہ فیکٹریوں سے نکلنے والا زہریلا دھواں بھی فضا میں جمع ہو رہا ہے۔ تمام دن مطلع سموگ کی وجہ سے ابرآلود رہا اور سورج کی چمک بھی سموگ کو ختم نہ کرسکی۔ لاہور شہر کا زیادہ سے زیادہ درجہ حرارت 28 اور کم سے کم 15 سینٹی گریڈ درجہ حرارت ریکارڈ کیا گیا۔ ہوا میں نمی کا تناسب ساٹھ فیصد رہا۔ ماہر موسمیات شوکت علی اعوان نے بتایا کہ اکتوبر میں ویسے ہی ملک میں سب سے کم بارش ہوتی ہیں۔ نومبر میں فوری طور پر سموگ کے خاتمے کا امکان نہیں، اگر تیز ہوا چل پڑے تو سموگ میں کمی ہو سکتی ہے۔ طبی ماہرین نے خبردار کیا ہے کہ شہری باہر نکلتے وقت اپنا منہ ڈھانپ کر رکھیں اور موٹرسائیکل سوار عینک کا استعمال کریں۔ شہری آنکھوں کو بار بار پانی سے صاف کریں اور غرارے کریں۔ کنگ ایڈورڈ میڈیکل یونیورسٹی کے پروفیسر آف آپتھامالوجی پروفیسر ڈاکٹر اسد اسلم نے بتایا کہ شہری اینٹی بائیوٹک آئی ڈراپس کے استعمال سمیت آنکھوں کو ٹھنڈے پانی سے دھوئیں۔ علاوہ ازیں لاہور کے علاوہ بھارتی شہر امرتسر، لدھیانہ، دہلی میں بھی سموگ فضا میں موجود ہے، ڈی جی میٹ نے کہا ہے کہ دھند اگلے دو ماہ تک رہے گی اور بارش ہونے کے بعد ہی یہ ختم ہوگی، شیخوپورہ میں شدید دھند کے باعث تیس گاڑیاں آپس میں ٹکرانے سے دو افراد جاں بحق اور کئی زخمی ہوگئے ہیں ۔ جلالپور میں محمد ارشد الطاف کی موٹرسائیکل سامنے سے آنے والے موٹرسائیکل سوار قمر کے ساتھ ٹکر ہوگئی جس کے نتیجے میں ارشد اور قمردم توڑ گئے۔
لاہور (خصوصی رپورٹ) شہر کی فضاو¿ں نے دھندو گردوغبار کی سفید چادر اوڑھ لی، دھندلے موسم نے سردی کا ماحول بنادیا۔ درجہ حرارت کی شدت بھی کم ہوچکی ہے۔ شدید دھند وگردوغبار کی صورتحال پر چیف میٹرولوجسٹ محمد ریاض کہتے ہیں موسم کی یہ حالت ابھی چند روز برقرار رہے گی جس دوران درجہ حرارت اور بھی ہوگا۔ شہریوں نے موسم کی تبدیلی پر خوشی کا اظہار کیا ہے۔ باریک اور ٹھنڈے کپڑوں کی جگہ اب موٹے اور گرم کپڑوں نے لے لی ہے۔ یہی وجہ ہے کہ ہر طرف ماحول اب بدلا بدلا سا لگ رہا ہے۔ دھند، ٹھنڈی ہوا اور سورج کی مدھم کرنوں سے لگتا ہے موسم بدل رہا ہے۔ شہر میں دھند اور گردو غبار کے بادلوں کی وجہ سے آنکھوں کی الرجی کی شرح میں اضافہ ہوگیا۔ ماہرین امراض چشم کہتے ہیں آنکھ کا سرغ ہونا، سوزش اور پانی بہنا ڈسٹ الرجی کی علامت ہیں۔ موٹر سائیکل سوار عینک کا استعمال کریں۔ شہری گرد سے بچانے کیلئے پانی سے آنکھوں کو بار بار صاف کریں۔ سموگ کے باعث شہر کے تمام سرکاری اور نجی سکولوں میں آو¿ٹ ڈور سرگرمیاں روکنے کا فیصلہ کیا گیا ہے۔ تاحکم ثانی سرکاری اور نجی سکولوں میں آو¿ٹ ڈور سرمیاں بند کردی گئی ہیں۔ سکولوں میں تمام سرگرمیاں کا انعقاد صرف کلاس رومز میں کیا جائے گا۔ دھند نما گردوغبار کی وجہ سے ماحولیاتی صورتحال کا جائزہ لینے، بڑھتے امراض کی روک تھام اور احتیاطی تدابیر اختیار کرنے کیلئے وزیر اعلیٰ شہباز شریف نے اعلیٰ سطح کی کمیٹی تشکیل دے دی ہے۔ 20 رکنی کمیٹی کے کنویز مشیر صحت خواجہ سلمان رفیق ہونگے جبکہ صوبائی وزیر ماحولیات اور چیف سیکرٹری پنجاب زاہد سعید کمیٹی کے کنویز ہونگے۔ کمیٹی میں متعلقہ محکموں کے سیکرٹریز، ایڈیشنل آئی جی ٹریفک پنجاب، وائس چانسلر کنگ ایڈورڈ میڈیکل یونیورسٹی، ڈی جی پی ڈی ایم اے، چیف میٹرالوجسٹ لاہور اور ماہرین ماحولیات شامل ہیں۔ کمیٹی سموگ کے باعث پیدا ہونے والی صورتحال کے حوالے سے فوری ططور پر ہنگامی پلان مرتب کرے گی۔ کمیٹی سکول جانے والے بچوں کو موجودہ صورتحال میں محفوظ رکھنے، ٹریفک حادثات کے خطرات میں کمی لانے اور عوام میں احتیاطی تدابیر کے حوالے سے آگاہی پیدا کرنے کیلئے سفارشات پیش کرے گی۔ کمیٹی آج وزیراعلیٰ شہباز شریف کو اس ضمن میں اپنی سفارشات پیش کرے گی۔
لاہور (مانیٹرنگ ڈیسک) موٹروے ایم ٹو شدید دھند کے باعث لاہور سے سیال موڑ تک بند کردی گئی۔ موٹروے ایم تھری کو پنڈی سے فیصل آباد تک بند کردیا گیا۔ نیشنل ہائی وے پر لاہور سے پتوکی تک شدید دھند۔ موٹروے پولیس کے مطابق مسافر غیرضروری سفر اور تیز رفتاری سے اجتناب کریں۔ ڈرائیور حضرات فوگ لائٹس اور وائپرز کا استعمال کریں۔ کسی بھی ایمرجنسی کی صورت میں 130 پر کال کریں۔ پنڈی بھٹیاں کے شہر اور گردونواح میں شدید دھند کے باعث موٹروے ایم تھری کو پنڈی بھٹیاں سے فیصل آباد تک بند کردیا گیا۔ پنڈی بھٹیاں ایم ٹو پنڈی بھٹیاں سے لاہور تک بند۔ حد نگاہ پانچ میٹر رہ گئی۔

اسلام آباد (خصوصی رپورٹ) قومی اسمبلی کے تقریباً 50 فیصد ارکان نے 4 برس کے دوران اسمبلی کی کارروائیوں کے دوران ایک بھی سوال کرنے کی زحمت نہیں کی 159 ایم این اے کارروائیوں کے پہلے حصے میں شرکت کرنے میں ناکام رہے۔ پارلیمنٹ ہاو¿س میں وزراءاور وزرائے مملکت کی غیر حاضری کے باعث وفاقی حکومت کو اپوزیشن کی طرف سے تنقید کا سامنا کرنا پڑا 4 برس کے دوران پنجاب کے 100، سندھ کے 30، خیبر پی کے کے 15 ایم این اے نے سوالات میں کوئی دلچسپی نہیں لی جن 159 ارکان نے سوالات میں حصہ نہیں لیا ان میں سے 110 کا تعلق مسلم لیگ (ن) سے ہے پی پی کا دوسرا نمبر تحریک انصاف اور ایم کیو ایم کا تیسرا نمبر ہے۔

اسلام آباد(نامہ نگار خصوصی)خیبر پختوانخوا کے وزیراعلی پرویز خٹک کے خلاف تحریک عدم اعتماد پیش کرنے کے لیے حزب اختلاف سے تعلق رکھنے والی سیاسی جماعتوں مسلم لیگ (ن) ، اے این پی ، جے یو آئی (ف) کے رہنماو¿ں نے ایک دوسرے کے ساتھ رابطے کرنے شروع کر دئیے ہیں حزب اختلاف سے تعلق رکھنے والی جماعتوں کے قائدین نے صوبائی اسمبلی کے ممبران کے ساتھ سیاسی جوڑ توڑ کا آغاز کر دیا ہے جے یو آئی (ف) کے سربراہ مولانا فضل الرحمان اور اے این پی کے سربراہ اسفند یار ولی بہت متحرک ہو گئے ہیں اپوزیشن جماعتوں کے رابطو ں کی وجہ سے وزیراعلی کے پی کے پرویز خٹک خاصے پریشان ہو گئے ہیں کیونکہ تحریک انصاف خیبر پختوانخواہ میں پارٹی گروپنگ اور ارکان صوبائی اسمبلی کے پرویز خٹک کے ساتھ اختلافات کی وجہ سے تحریک انصاف کی قیادت کو یہ خدشہ ہے کہ اگر اپوزیشن کی طرف سے تحریک عدم اعتماد لائی گئی تو تحریک انصاف کے ناراض ارکان اپوزیشن کا ساتھ دے سکتے ہیں خیبر پختوانخواہ صوبائی اسمبلی میں اپوزیشن لیڈر مولانا لطف الرحمان نے” خبریں“ سے گفتگو کرتے ہوئے کہا کہ وزیراعلی کے پی کے خلاف تحریک عدم اعتماد لانا ہمارا جمہوری حق ہے متنازعہ تقریر کے بعد پرویز خٹک عہدے میں رہنے کا اخلاقی جواز کھو بیٹھے ہیں انہوں نے وفاق پر حملہ کرنے کی ناکام کوشش کی ہے جس کی جتنی مذمت کی جائے کم ہے اے این پی کے مرکزی رہنماءسینیٹر افراسیاب خٹک نے” خبریں “سے گفتگو کرتے ہوئے کہا کہ وزیر اعلی کے پی کے خلاف جلد صوبائی اسمبلی میں تحریک عدم اعتماد لائی جائے گی اور اس تحریک کو کامیاب بنانے کے لیے ہم نے سیاسی رابطے شروع کر دئیے ہیں پرویز خٹک نے پنجابی اور پختونوں کو لڑانے کی کوشش کی ہے انہوں نے جو متنازعہ تقریر کی ہے اس پر پختونوں میں شدید ردعمل پایا جاتا ہے تحریک انصاف اسمبلی میں اپنی اکثریت سے جلد محروم ہو جائے گی تحریک انصاف پختونوںکی نمائندہ جماعت نہیں ہے ایک وزیراعلی کو کیا حق پہنچتا ہے کہ وہ وفاق پر یلغار کرے اور مسلح جتھوں کی قیادت کرے آئندہ انتخابات میں پی ٹی آئی کے امیدواروں کی ضمانیں ضبط ہو جائیں گی۔

لاہور (خصوصی رپورٹ) سی پیک کنٹینرز کو راستہ دینے کے لئے فوری طور پر عمران خان کے دھرنے کو ختم کرایا گیا۔ ذرائع کے مطابق عمران خان کے دھرنے کو مو¿خر کرانے میں عسکری ادارے نے اہم کردار ادا کیا۔ حکومتی ذرائع نے بتایا کہ عسکری ادارے کی جانب سے موٹروے کو خالی کرانے کی ہدایت چیئرمین تحریک انصاف کو ملی جبکہ سپریم کورٹ کی جانب سے کمیشن کے قیام کا فیصلہ آنے پر اپنے سیاسی رفقاءسے مشاورت کے بغیر ہی فوری طور پر دھرنا مو¿خر کردیا۔ ذرائع کے مطابق خنجراب سے سی پیک کے کنٹینرز نے ایبٹ آباد سے ہوتے ہوئے برہان انٹرچینج سے گزرنا تھا اور اس کی منزل گوادر تھی جس کے باعث کسی قسم کی رکاوٹ کے بغیر روٹ کو خالی کرایا گیا۔ ذرائع کا یہ بھی کہنا تھا کہ چینی سفیر نے عمران خان کے ساتھ اپنی ملاقات میں مذکورہ روٹ پر کسی قسم کی رکاوٹ نہ لانے کی یقین دہانی مانگی تھی جسے خان صاحب نے قومی مفاد میں پورا کیا۔ دوسری جانب بعض سیاسی حلقوں کا کہنا ہے کہ عمران خان توقع سے کم کارکنوں کی آمد کے باعث لاک ڈاﺅن کی کال کو واپس لینے پر پہلے ہی غور کررہے تھے اور سپریم کورٹ کا فیصلہ آنے پر انہوں نے دھرنے کو یوم تشکر میں تبدیل کردیا۔

اسلام آباد (مانیٹرنگ ڈیسک) شیخ رشید کا کہنا تھا کہ عمران خان گرفتار ہو جاتے تو وہ دس نفل پڑھتے لیکن ان کے پاس دھرنا ختم کرنے کے سوا کوئی راستہ نہیں تھا۔ انہوں نے کہا کہ عمران خان کے پاس کوئی آپشن نہیں تھا، پی ٹی آئی کے سارے انجن بنی گالا میں بیٹھے تھے مگر ڈبے پٹ رہے تھے۔ شیخ رشید تبدیلی کے لئے اب بھی پرامید ہیں، کہتے ہیں اگلے دو ماہ بہت اہم ہیں۔ ان کا کہنا تھا کہ ابھی بھی اس مہینے کو بہت اہم سمجھتا ہوں، اسی سال کچھ ہو گا، سپریم کورٹ سے فیصلے کی امید رکھتا ہوں۔ شیخ رشید کا کہنا تھا کہ ان کی حکمت عملی چلتی تو طاہر القادری کو بھی لے آتے۔ شیخ رشید نے یہ بھی بتایا کہ انہیں عمران خان سے کوئی احتلاف ہو تو وہ ان سے اس کا ذکر تنہائی میں کر لیتے ہیں۔ شیخ رشید احمد نے کہا کہ عمران خان ضرورت سے زیادہ جمہوری شخص ہیں۔ میں نے سوچا تھا کہ 2 نومبر سے پہلے معاملات طے ہو جائیں گے۔ سپریم کورٹ میں پانامہ لیکس کے حوالے سے وقت کا تعین کل ہو جائے گا۔ مجھے یقین ہے ہمیں سپریم کورٹ سے انصاف ملے گا۔ کارکنان کے خلاف پنجاب میں کریک ڈاﺅن بہت بھرپور تھا۔ عمران کو جیل بھیجا جاتا تو پورا اسلام آباد سڑکوں پر آ جاتا۔ حکومت نے کمیشنز کھانے کے لئے پراجیکٹس کا میلہ لگا دیا۔ میرا خیال تھا پانامہ لیکس کے حوالے سے میرا کیس سپریم کورٹ میں بالکل کلیئر ہے۔ حکمرانوں نے میرے ترقیاتی پراجیکٹس خاک میں ملا دیئے۔ کل دوپہر تک میں بہت مایوس تھا۔ جہانگیر ترین ملے تو کہا کہ یوم تشکر میں نہیں آﺅں گا۔ دھرنا ختم کرنے کی بات مجھے ایک دوست سے معلوم ہوئی۔ نوازشریف نے میرے 20 ہزار روپے واپس کرنے ہیں۔ میں نے عمران خان سے کہا کہ دھرنا ختم کرنے کی بات آپ نے مجھ سے نہیں کی۔ جہانگیر ترین بہت محنتی ہیں۔ بہت متاثر ہوا ہوں۔ کنٹینرز سے عوام کو بہت پریشانی ہوئی۔ دھرنا ختم ہونے کا سنا تو بالٹی گوشت لیا دو گولیاں کھائیں اور سو گیا۔ عمران خان نے جو فیصلہ بدلا اُس کے پیچھے کچھ نہ کچھ ضرور ہے۔ خبر لیکس پر قربانی دینے کے حوالے سے حکومت پریشان تھی۔ میں عمران کی طرح یہ نہیں کر سکتا آج لڑائی کروں اور کل صلح۔ عمران میری غلط بات بھی سن لیتے ہیں۔ اسی لئے اچھے لگتے ہیں۔ ممکن ہے۔ نوازشریف نے پانامہ لیکس کے کاغذات بدل لئے ہوں۔ نوازشریف کی وزارت عظمیٰ کا ہر دور پریشانیوں والا دور ہے۔ دفتر خارجہ میں نوازشریف کی نہںی چلتی۔ نوازشریف کا منگل بدھ بھاری ہے۔ پیپلزپارٹی اور دوسری چور پارٹیاں نوازشریف سے ملی ہوئی تھیں۔ کیس مختلف ہے۔ نوازشریف نے اثاثے ظاہر نہیں کئے۔ نوازشریف کو سپریم کورٹ سمیت ہر جگہ مشکل میں دیکھتا ہوں۔ تحقیقات شفاف ہوئیں تو نوازشریف پکڑے جائیں گے۔ آئندہ الیکشن میں کے پی کے میں جماعت اسلامی اور جے یو آئی (ف) کو دھچکا لگے گا۔ نوازشریف گئے تو موجودہ صدر جیسا وزیراعظم آ جائے گا سپریم کورٹ کے فیصلے کے دوررس نتائج ہوں گے۔ پنجاب میں پیپلزپارٹی کے لوگ تحریک انصاف میں جا رہے ہیں۔ ڈاکٹر طاہر القادری پاکستان میں ہوتے تو صورتحال مختلف ہوتی۔ پیچھے کچھ نہیں رہا۔ نومبر اور دسمبر بہت اہم ثابت ہوں گے۔ مجھے پتا چلا ہے کہ خبر لیکس معاملے میں پرویز رشید ملوث ہے۔ پرویز رشید نے دو ادارو ںکو خبر دی۔ ایک نے انکار کر دیا۔ خبر لیکس کا فائدہ پاکستان دشمنوں نے اٹھایا۔ خبر لیکس کے معاملے کو نمٹا دینا چاہئے۔ سپریم کورٹ ضرور جاﺅں گا۔ مارکیٹ اور سیاسی پارٹیوںکے چور رہنماﺅں سے عمران خان بہت بہتر وزیراعظم ہو گا۔ انہوں نے کہا وہ عمران سے ناراض تھے لیکن باہر نکلے تو سمجھ آیا کہ فیصلہ درست تھا۔