اسلام آباد(نامہ نگار خصوصی، مانیٹرنگ ڈیسک ) وزیراعظم محمد نواز شریف نے قومی سلامتی سے متعلق خبر کے لیک ہونے کے معاملے پر وزیر اطلاعات پرویز رشید کو ان کے عہدے سے ہٹا دیا ہے۔ پرویز رشید کو خبر سے متعلق تحقیقات مکمل ہونے تک عہدے سے الگ رہنے کی ہدایت کی گئی ہے۔ انگریزی اخبار کے رپورٹر کو معلومات کی فراہمی کے معاملے کی تحقیقات کیلئے آئی ایس آئی، ایم آئی اور آئی بی کے سینئر افسروں پر مشتمل کمیٹی بھی بنا دی گئی ہے۔ کمیٹی معلومات کی فراہمی کے مقاصد کا تعین بھی کرے گی۔ گزشتہ روز وزیر اعظم ہاس کی جانب سے جاری ایک بیان میں کہا گیا ہے کہ چھ اکتوبر کو ایک ا نگریزی اخبار میں چھپنے والی خبر قومی سلامتی کے منافی تھی۔ اب تک کے شواہد کے مطابق اس سلسلے میں وزارت اطلاعات سے کوتاہی ہوئی ہے ۔ ۔ پرویز رشید کو معاملے کی تحقیقات مکمل ہونے تک عہدہ چھوڑنے کا حکم دیا گیا ہے۔ وزیر اعظم ہاﺅس کی طرف سے جاری ہونے والے اعلامیے میں کہا گیا ہے کہ پولیس، ایجنسیوں سمیت اعلیٰ سطح کی تحقیقاتی ٹیم بنائی جا رہی ہے، انکوائری کمیٹی خبر کے مفادات اور مقاصد کی نشاندہی کرے گی انکوائری کمیٹی الزامات کی تحقیقات کرے گی کمیٹی میں آئی ایس آئی، ایم آئی اور آئی پی کے سینئر افسران ہونگے۔ وزیر اطلاعات کو آزادانہ تحقیقات کیلئے عہدہ چھوڑنے کی ہدایت کی گئی۔ وزیر اعظم نے وزیر اطلاعات پرویز رشید سے وزارت واپس لے لی۔ دستیاب شواہد کے مطابق وزارت اطلاعات نے کوتاہی برتی، انگریزی اخبار میں شائع خبر قومی سلامتی کے منافی تھی۔وزیر اعظم کے دفتر سے جاری ہونے والے اعلامیے میں کہا گیا ہے کہ چھ اکتوبر کو نیشنل سکیورٹی کمپنی اور نیشنل ایکشن پلان کے متعلق ہونے والی میٹنگ سے متعلق خبر شائع ہونے سے قومی سلامتی خطرے میں ڈال دی گئی۔ وزیراعظم ہاﺅس کے ترجمان مصدق ملک نے پرویز رشید کو عہدے سے ہٹائے جانے کی تصدیق کرتے ہوئے بتایا کہ وہی ”نیوز گیٹ“ کے ذمہ دار ہیں۔ ایک بیان میں مصدق ملک نے بتایا کہ تحقیقات اہم موڑ پر ہیں۔ مزید تفصیلات وزیر داخلہ چودھری نثار علی خان خود بیان کریں گے۔ انہوں نے کہا کہ اب تک کسی تحقیقات کے مطابق پرویز رشید سے کوتاہی ہوئی ہے اور تحقیقات مکمل ہونے تک اُنہیں عہدہ چھوڑنے کا حکم دیا گیا۔ ترجمان نے کہا کہ انگریزی اخبار میں چھپنے والی خبر قومی سلامتی کے منافی ہے۔ ذرائع کا کہنا ہے کہ انکوائری کمیٹی ممکنہ طور پر پہلے مرحلے میں پانچ افراد سے تفتیش کرے گی۔ ان پانچ افراد میں وزیراعظم کے پرنسپل سیکرٹری فواد حسن فواد، سیکرٹری خارجہ اعزاز چوہدری، چیئرمین پیمرا ابصار عالم، صوبائی وزیر قانون ثناءاللہ اور وفاقی وزیر اطلاعات پرویز رشید شامل ہیں۔ ذرائع کا کہنا ہے کہ پرویز رشید کی برطرفی کا فیصلہ گزشتہ روز آرمی چیف سے کی گئی ملاقات میں کیا گیا۔ اس ملاقات میں وزیراعلیٰ پنجاب شہباز شریف،وفاقی وزیر خزانہ اسحاق ڈار سمیت ایک اور اہم حکومتی رکن شامل تھے۔خیال رہے کہ وزارت کا عہدہ واپس لینے کے بعد وفاقی پرویز رشید کو حاصل استثنیٰ ختم ہوگیا ہے اور اب ان کے خلاف تادیبی کارروائی کی جاسکے گی۔ واضح رہے کہ تحقیقاتی کمیٹی اس بات کا اختیار رکھتی ہے کہ تحقیقات کے لیے کسی کو بھی شخص کو طلب کرسکتی۔ اس حوالے سے مذکورہ پانچ اہم سرکاری شخصیات کے علاوہ تحقیقاتی کمیٹی آئی جی پنجاب مشتاق سکھیرا کو بھی بلا سکتی ہے۔

اسلام آباد (رپورٹنگ ٹیم) عمران خان نے کہا ہے کہ لوگ شریف خاندان سے چھٹکارا چاہتے ہیں۔ انصاف کے ادارے ایک شخص کے ہاتھ میں ہیں اور حکومت عدلیہ کے فیصلے نہیں مان رہی۔تاریخ ہے کہ عدلیہ نے ہمیشہ طاقت ور حکومت کا ساتھ دیا۔ملک کو خانہ جنگی کی طر ف لے جا یا جا رہا ہے۔ ہمارے پاس احتجاج کے علاوہ کوئی راستہ نہیں۔بنی گالہ میں میڈیا سے گفتگو کرتے ہوئے عمران خان کا کہنا تھا کہ ایک بزدل اور کرپٹ آدمی نے کرپسشن میں پکڑے جانے کے خوف سے راستے بند کیے۔پولیس نے ہمارا کھانا بند کر دیا ، کھانا آنے دے رہے ہیں نہ کوئی سامان۔ بتایا جائے یہ کون سی جمہوریت ہے ؟ جج کے فیصلے کی توہین پوری قوم کے سامنے ہو رہی ہے۔انہوں نے حکومت سے سوال کیا کہ کس قانون کے تحت کارکنوں کو گرفتار کیا جا رہا ہے۔”جسٹس شوکت عزیز صدیقی سے پوچھتا ہوں کیوں شہر بند ہوا ؟جسٹس شوکت عزیز نے کہا تھا کہ کنٹینر نہیں لگیں گے۔ کیا عدلیہ طاقت ور کے ساتھ ہوتی ہے ؟ سی پیک منصوبے میں صوبوں کوشامل نہیں کیا گیا۔ عمران خان نے حکومت کی جانب سے احتجاجی دھرنے کو روکنے کے لیے کیے جانے والے اقدامات کو تنقید کا نشانہ بناتے ہوئے کہا کہ اس وقت وزیراعظم نواز شریف پاکستان کے لیے سب سے بڑا سکیورٹی رسک بن گئے ہیں۔ عمران خان کا کہنا تھا کہ ’نواز شریف اپنی چوری چھپانے کے لیے پورے ملک کو داو¿ پر لگا رہے ہیں۔‘عمران خان نے کہا کہ ’خیبرپختونخوا میں یہ تاثر پھیلے گا کہ نہ تو انھیں حقوق دیے جا رہے ہیں، نہ پوری بجلی دی جا رہی ہے اور اب ان کا راستہ بھی بند کر دیا گیا ہے۔‘انھوں نے کہا کہ ’ہم سے کہا جا رہا تھا کہ اگر آپ نے شہر کو بند کر دیا تو تمام سکول کالج اور دفاتر وغیرہ بھی بند ہو جائیں گے لیکن اب حکومت نے خود ہی سب کچھ بند کر دیا ہے۔‘عمران خان نے اپنے کارکنوں کے بارے میں کہا کہ وہ دو نومبر تک نہ پکڑے جائیں دو کے بعد انھیں کوئی نہیں پکڑ پائے گا۔جب ان سے سوال کیا گیا کہ تمام راستے بند ہیں تو ان کا دس لاکھ لوگ جمع کرنے کا دعویٰ کیسے پورا ہو سکے گا؟ اس کے جواب میں انھوں نے کہا کہ ’دس لاکھ لوگوں کی سونامی چاروں جانب سے آئے گی۔‘اس سے قبل پاکستان تحریک انصاف کے سربراہ عمران خان نے کہا تھا کہ وہ تمام رکاوٹوں کو عبور کرتے ہوئے دو نومبر کو اسلام آباد ضرور جائیں گے اس سلسلے میں انھوں نے اپنی جماعت کے کارکنان کو ہدایت کی کہ وہ دو نومبر تک گرفتاریوں سے بچیں۔ عمران خان نے کہا کہ ہائی کورٹ کا حکم ہے کہ کوئی پی ٹی آئی کے کارکنوں کو گرفتار نہ کرے۔وزیراعظم کے نام پیغام میں انھوں نے کہا کہ وہ دو نومبر کو بتائیں گے کہ جہموریت کیا ہوتی ہے؟ جبکہ اپنے کارکنان کے نام پیغام میں عمران خان نے کہا کہ وہ دو نومبر تک گرفتاری سے بچیں۔ عمران خان نے کہا ہے کہ راولپنڈی ٹریلر تھا اصل میچ دو نومبر کو ہوگا۔ چیئرمین پی ٹی آئی نے اپنی رہائش گاہ کے باہر جمع کارکنوں کے عزم اور حوصلے کی تعریف کی اور ان سے خیریت بھی دریافت کی۔انہوں نے کارکنوں کو ہدایت کی کہ جتنے بھی لوگ اسلام آباد آرہے ہیں انہیں بتادیں کہ وہ کم تعداد میں اس راستے سے نہ آئیں کیوں کہ تھوڑی تعداد میں ہونے کی وجہ سے انہیں گرفتار کرلیا جاتا ہے۔انہوںنے کہاکہ اسلام آباد ہائی کورٹ کے واضح احکامات ہیں کہ گرفتاریاں نہ کی جائیں اور نہ ہی کنٹینر لگائے جائیں تاہم اس کے باوجود گرفتاریاں کی جارہی ہیں جو غیر قانونی ہیں۔انہوں نے کہا کہ یہ نواز شریف کی ڈکٹیٹر شپ ہے جمہوریت نہیں ¾ 2 نومبر کو وزیر اعظم کو بتائیں گے کہ جمہوریت کیا ہوتی ہے اور عوام کیا ہوتی ہے۔عمران خان نے کارکنوں سے کہا کہ وہ ڈٹے رہیں اور پر عزم رہیں، حکومت کچھ بھی کرلے،سونامی کو نہیں روک سکتی۔انہوں نے کارکنوں کو ہدایت کی کہ وہ گرفتار ہونے سے بچیں کیونکہ اصل ہدف 2 نومبر ہے، سونامی کوئی نہیں روک سکے گاانہوںنے کہاکہ کارکنوںسے کہاکہ آپ ادھر تھوڑے تھوڑے آتے ہیں پولیس گرفتار کرلیتی ہے آپ گرفتاریوں سے بچیں ۔عمران خان نے کہا کہ راولپنڈی میں نیٹ پریکٹس تھی، اصل میچ 2نومبر کو ہے۔ عمران خان نے کارکنوں کی گرفتاریاں روکنے کے حوالے سے حکمت عملی وضع کرنے کیلئے مرکزی لیگل کمیٹی کا ہنگامی اجلاس طلب کر لیا۔نجی ٹی وی کے مطابق عمران خان نے دو نومبر سے قبل کارکنوں کی گرفتاریوں کو روکنے کیلئے قانونی میدان میں بھی حکومت کو بھرپور جواب دینے کی تیاری کر لی ہے اور آج اس حوالے سے مرکزی لیگل کمیٹی کا ہنگامی اجلا س بھی طلب کر لیا ہے۔ اجلاس کی صدارت عمران خان کریں گے جس میں پی ٹی آئی کے وکیل حامد خان ، نعیم بخاری اور دیگر سینئر قانون دان شامل ہوں گے۔اس کے علاوہ عمران خان نے اسلام آباد ہائیکورٹ میں پیش ہونے سے متعلق حکمت عملی بنانے کیلئے پارٹی رہنماﺅں کا اہم اجلاس کل طلب کیا ہے جس میں قانونی معاملات زیر بحث لائے جائیں گے۔

قصور، پھولنگر (بیورو رپورٹ، نمائندہ خبریں) وزیراعظم میاں محمد نوازشریف نے کہا ہے کہ نوازشریف گھبرانے والا نہیں عوام اطمینان رکھیں منتخب حکومت اپنی مدت پوری کرے گی اور آئندہ 5سال بھی مسلم لیگ ن کی ہی حکومت ہوگی ، مخالفین نے کبھی جیل نہیں دیکھی، ہم نے جیل کاٹی ہے، کسی چیز سے مرعوب اور خوفزدہ ہونے والے نہیں۔ ملک میں ترقی کے عمل سے مخالفین خوفزدہ ہیں 2013میں مسترد ہونے والے آج عوام سے انتقام لینا چاہتے ہیں،2018کا پاکستان آج سے بہت بہتر اور خوشحالی ہوگا ۔ 2018 میں بجلی کی لوڈشیڈنگ صرف ختم ہی نہیں ہو گی بلکہ بجلی سستی بھی ہوگی، نوازشریف جو اعلان کرتا ہے اس پر عمل بھی کرتا ہے،پھول نگر میں جلسے سے خطاب کرتے ہوئے وزیراعظم نوازشریف پھول نگر میں سوئی گیس ٹیکنیکل کالج جدید ہسپتال کے قیام سمیت مختلف اربوں روپے کے ترقیاتی منصوبوں کا اعلان کیا ۔ پنجاب کے ضلع قصور کے پھول نگر(بھائی پیرو)میں مسلم لیگ )ن(کے جلسے سے خطاب کرتے ہوئے وزیر اعظم نواز شریف کا کہنا تھا کہ پھول نگر آنے کی میری بڑی دیر سے خواہش تھی یہ میری خوش بختی ہے کہ آج میں آپ کی خدمت میں حاضر ہوا ہوں اور آپ میرے سامنے موجود ہیں جتنے خوش آپ ہیں اس سے دوگنامیں خوش ہوں ۔ عوام کی خدمت میں حاضر ہونا میرے لیئے فخر کی بات ہے ۔میں اس لیئے بھی خوش ہوں کہ پھول نگر کی عوام نے کبھی ن لیگ سے بے وفائی نہیں کی ۔ ہمیشہ مسلم لیگ ن کا ساتھ دیا ہے ۔ جو لوگ آج پھر میدان میں جمع ہوئے ہیں ۔ آج تک پھول نگر کے لوگوں نے انہیں گھاس نہیں ڈالا ہمیشہ ن لیگ کا ساتھ دیا ہے اس لئے میں آپ پھول نگر کے لوگوں سے بہت خوش ہوں سوئی گیس تو دور کی بات ہے آپ جو مانگو گے اللہ تعالی آپ کو دے گا۔ یہاں آتے ہیں ہی مجھ سے پوچھا گیا کہ کیا سوئی گیس کا اعلان کریں گے ۔ جس پرمیں نے کہا کہ آج سوئی گیس نہیں جو کہوگے اس کا اعلان کروں گا۔ صرف اعلان ہی نہیں انشاءاللہ پورا بھی کرتاہوں وزیراعظم نے کہا کہ آواز خلق نقارہ خداہوتی ہے یعنی عوام کی آواز اللہ تعالی کا فیصلہ ہوتا آپ عوام اطمینان رکھیں ۔ آپ کی حکومت یہ 5سال بھی پورے کرے گی اور اس کے بعد اگلے 5سال پورے کرے گی آپ یہ جانتے ہیں کہ ہم کسی چیز سے خوفزدہ اور مرعوب ہونے والے نہیں ہیں ۔ ہم صرف اپنے اللہ سے ڈرتے ہیں نوازشریف گھبرانے والا نہیں ہے ۔ ہم نے اٹک قلعہ جیسے جیل کاٹی ہے جلاوطنی کاٹی ہے ہمارے مخالفین نے تو کبھی جیل کا دروازہ بھی نہیں دیکھا ۔ جب ہم فوجی آمروں کی جیلیں کاٹ رہے تھے ۔ یہ لوگ ان کے جعلی ریفرنڈم کے حق میں ہم چلارہے ہیں یہاں میں مشرف کی بات کررہا ہوں آج یہ جس جمہوریت کے مزے لوٹ رہے ہیں یہ سیاسی جماعتوں وکلاء، میڈیا سول سوسائٹی اورعوام کی قربانیوں کا نتیجہ ہے یہ آج اس عوامی مینڈیٹ کی بھی توہین کررہے ہیں ۔ جس نے انہیں کے پی کے کی حکومت دلوائی یہ آج آپ عوام سے انتقام لینا چاہتے ہیں کہ آپ نے انہیں 2013میں مسترد کردیا تھا لیکن ان کو معلوم نہیں لوگ انہیں 2018کو پھر مسترد کریں گے ۔ انہوںنے کہا کہ میں نے تین سال پہلے جو خواب دیکھا تھا الحمداللہ آج اس خواب کی تعبیر کا وقت آگیا ہے۔ آج طلوع سحر کے ایثار واضح دکھائی دے رہے ہیں ۔ جو آدمی اپنی آنکھوں سے دیکھتا ہے آج گواہی دے گاکہ 2016کا پاکستان 2013کے پاکستان سے کہیں بہتر ہے ۔ نوازشریف نے کہا کہ معاشی اقتصادی طور پر دہشت گردی کے حوالے سے بجلی کی لوڈ شیڈنگ کے حوالے سے آج پاکستان بہت بہتر ہے ۔ انشاءاللہ 2018کا پاکستان 2016سے بھی کہیں بہتر ہوگا۔ سب جانتے ہیں 2013میں بجلی کی لوڈ شیڈنگ کا کیا حال تھا اس وقت 18سے 20گھنٹے لوڈ شیڈنگ ہوئی تھی جبکہ آج کہیں کم ہوگئی ہے ۔ 2018میں لوڈ شیڈنگ کو ہمیشہ کیلئے ختم کردیا جائے گا۔ صرف لوڈ شیڈنگ ہی ختم نہیں ہوگی بلکہ بجلی سستی بھی ہوجائے گی ۔ پہلے 18روپے فی یونٹ تھی آج 10روپے فی یونٹ آچکی ہے ۔ 2018میں اس سے بھی زیادہ بجلی سستی کریں گے ۔ یہ سب کچھ کام کرنے سے ہوتا ہے ہم دن رات محنت کررہے ہیں ۔ وزیراعظم نے کہا کہ بھکی میں گیس بہت بڑا پاور پلانٹ لگ رہا ہے ۔ اس طرح کے کئی اور منصوبے لگ رہے ہیں ۔ پہلی دفعہ پاکستان کی تاریخ میں بجلی کے اتنے بڑے کارخانے لگ رہے ہیں میں پوچھتا ہوں پہلے کسی نے کیوں نہ کیا ۔ یہ منصوبے پچھلی حکومت نے کیوں نہ لگائے ۔ ہمیں پاکستان اور عوام کو درد ہے ۔ اس لیئے منصوبے لگ رہے ہیں ۔ ہمیں احساس ہے کہ کاشتکار صنعتکارگھریلوصارفین اتنی مہنگی بجلی کہاں سے خریدیں گے ہمارا قوم سے وعدہ ہے کہ ہم نہ صرف بجلی کی کمی کو پورا کریں گے بلکہ اسے بہت سستا بھی کریں گے وزیراعظم نے کہا کہ ہم موٹروے پشاور سے اسلام آباد پھر اسلام آباد سے لاہور لائے پھر اس نے ملتان جانا تھا مگر 1999میں ہماری حکومت ختم کردی گئی میں پوچھتا ہوں نوازشریف نے کیا قصور کیا تھا ۔ ہماری حکومت کرنے پر موٹروے لاہور میں رک گئی حالانکہ اس وقت اس نے کراچی تک جانا تھا۔اب دوبارہ ہماری حکومت آنے پر لاہو رسے ملتان اور ملتان سے کراچی بن رہی ہے ۔ وزیراعظم نے کہا کہ یہ کتنی زیادتی کی بات ہے کہ یہ موٹروے وہیں کھڑی رہی جہاں نوازشریف چھوڑ گیا تھا ۔ بلوچستان میںترقی کا ایک وسیع منصوبہ ہے وہاں بے حساب سڑکیں بن رہی ہیں گوادر نیا پورٹ بن رہا ہے ۔ آپ یہ بھی جانتے ہیں کہ میں نے دہشت گردی کا مقابلہ ہے اور یہ ختم ہونے کے بالکل قریب ہے ۔ اس کیلئے ہماری فوج نے بہت قربانیاں دیں ہیں ۔ آج پاکستان پرامن ہورہا ہے اور ترقی کے عروج کی طرف گامزن ہے جس کی گواہی دنیا دے رہی ہے ۔ وزیراعظم نے کہا کہ چین ہمارا عظیم دوست ہے چین نے پاکستان کے ساتھ مل کر پاکستان کے اندر ترقی کے جو منصوبے بنائے ہیں وہ بے مثال ہیں یہ ایک ایسا سورج طلوع ہورہا ہے جو آنے والی صدیوں میں پاکستان کو روشن ملک بنائے گا۔سی پیک سے چاروں صوبوں میں یکساں ترقی ہوگی یہ پاکستان کی تاریخ کے بہت بڑے منصوبے ہیں ۔ ہمارے سیاسی مخالفین اس ترقی کو روکنے کی کوشش کررہے ہیں ۔ وہ چاہتے ہیں یہ پروگرام آگے نہ بڑھے وہ سمجھتے ہیں کہ اگر یہ حکومت پاکستان کی ترقی کیلئے 2018تک اپنا کردار ادا کرتی ہے تو ان کا سیاسی مستقبل ختم ہے ۔ انشاءاللہ ان کاسیاسی مستقبل ختم ہوجائے گا۔ صرف چند دنوں کی ہی بات ہے آج پاکستان کی بھی پی آئی اے ریلوے ترقی کررہی ہے ۔ ہم نے بے شمار ترقیاتی کام شروع کررکھے ہیں جن میںکھیتوں سے لے کر منڈیوں تک سڑکیں ہیں ۔ پینے کے صاف پانی کا بھی انتظام کررہے ہیں وزیراعظم نے اس موقع پر حلقہ این اے 141کی گیس کیلئے 50کروڑ روپے اور لفٹ ایری گیس لفٹ کیلئے 30کروڑ روپے کا بھی اعلان کیا ۔ حلقہ 142-183-184پھول نگر کی سوئی گیس کیلئے 100کروڑ روپے کا بھی اعلان کیا سڑکوں ،پلوں ،سکولوں ،تحصیل ہیڈ کوارٹرہسپتال اور پینے کے صاف پانی کے منصوبوں کیلئے مزید 100کروڑ روپے دینے کا اعلان کیا ہے ۔ وزیراعظم نے کہا کہ پھول نگر کو موٹروے تک ملانے کیلئے نئی ہائی وے بنائی جائے گی ۔ وزیراعظم نے اس موقع پر پھول نگر کیلئے ٹیکنیکل انسٹی ٹیوٹ کا بھی اعلان کیا ۔ ٹیکنیکل کالج نوجوانوں کیلئے تحفہ ہے ۔ پھول نگر پاکستان کا ترقی یافتہ شہر بن جائے گا۔ پھول نگر کے بزرگوں نے بھی ن لیگ کا ساتھ دیا اور آئندہ نسلیں بھی ن لیگ کا ہی ساتھ دیں گی دعا کریں میں دوبارہ آﺅں تو آپ کو بتاﺅں کہ لوڈ شیڈنگ دہشت گردی ہمیشہ کیلئے ختم ہوچکی ہے ۔

نارووال، شکرگڑھ، لاہور (نمائندگان خبریں) وزیراعلیٰ پنجاب محمد شہباز شریف نے آج شکرگڑھ کا دورہ کیا اور بھارتی فوج کی ورکنگ باﺅنڈری پر مختلف مقامات پر بلااشتعال فائرنگ سے شہید ہونے والے شہریوں کے لواحقین سے ملاقات کی اور ان سے ہمدردی اور تعزیت کا اظہار کیا۔ وزیر اعلیٰ نے شہداءکے درجات کی بلندی، زخمیوں کی جلد صحت یابی اور ملک کی ترقی و خوشحالی اور سلامتی کیلئے دعا کی۔ وزیراعلیٰ نے بھارتی فوج کی فائرنگ سے شہید ہونے والے شہریوں کے لواحقین میں 5، 5 لاکھ روپے کے امدادی چیک تقسیم کئے اور پنجاب حکومت کی جانب سے شہداءکے اہل خانہ اور بچوں کیلئے علاج معالجے اور تعلیم کی سہولتوں کی مفت فراہمی کا اعلان کیا۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ وطن پر اپنی جانیں نچھاور کرنے والے پوری قوم کے ہیرو ہیں، شہداءکی قربانیاں رائیگاں نہیں جائیں گی۔ انہوں نے کہا کہ شہداءکے لواحقین اور بچوں کی ہر ممکن دیکھ بھال کی جائے گی- انہوں نے کہا کہ بھارت کی جانب سے پاکستان کے نہتے شہریوں کو نشانہ بنانا انتہائی قابل مذمت ہے- بھارت نہ صرف لائن آف کنٹرول کی خلاف ورزی کر رہا ہے بلکہ ورکنگ با¶نڈری کی بھی خلاف ورزی کر رہا ہے- پاکستان کی مسلح افواج بھارت کی جارحیت کا منہ توڑ جواب دینے کی پوری صلاحیت رکھتی ہیں اور پوری قوم پاک افواج کے ساتھ شانہ بشانہ کھڑی ہے- وطن عزیز پر جا نیں نچھا ور کر نے وا لے شہید ہیں اور شہید زند ہ ہو تے ہیں- ر ا تو ں کی تا ر یکی میں چھپ کر پیچھے سے وا رکر نا ہما رے از لی دشمن بھا رت کی پر ا نی عا د ت ہے ۔ ہما ر ے حو صلے ہما لیہ سے بھی زیا دہ مضبو ط اور بلند ہیں ، ہمیشہ کی طر ح شکست فا ش ہما رے ازلی دشمن کے مقد ر میں لکھی ہے۔افوا ج پا کستا ن ،پو لیس جو ا نو ں، طلبا ءاور ما ﺅ ں ،بہنو ں اور بیٹیو ں نے دہشت گر دی اور انتہا پسند ی کے خاتمے کے لیے قر با نیو ں کی نئی تا ر یخ رقم کی ہے۔ انہوں نے کہا کہ ایک طرف دشمن ورکنگ باﺅنڈری اور لائن آف کنٹرول کی خلاف ورزی کر رہا ہے تو دوسری طرف ملکی معیشت کے خلاف سازشیں کی جا رہی ہیں۔ 2014 میں دھرنے نہ دیئے جاتے تو آج ساہیوال میں 1320 میگاواٹ کا کول پاور پلانٹ کام کر رہا ہوتا اور اس سے توانائی حاصل ہو رہی ہوتی۔ انہوں نے کہا کہ جب الطاف حسین نے کراچی بند کرنے کی دھمکی دی تھی تو نیازی صاحب! آپ نے کہا تھا کہ الطاف حسین ملک دشمنی کر رہا ہے اور اب آپ نے جو پاکستان کے دارالحکومت کو بند کرنے کی کال دی ہے تو اسے کیا نام دیا جائے؟ اسلام آباد کو بند کرنے کی دھمکی پاکستان کی ترقی اور خوشحالی کے سفر کو بند کرنے کی دھمکی ہے۔ 20کر وڑ عوا م ملک کی خو شحا لی اور خو د کفا لت کے خلا ف سا ز شو ں کو نا کا م بنا دیںگے۔ انہو ںنے کہا کہ پہلے آپ سابق چیف جسٹس افتخار چوہدری کے گن گاتے تھے، پھر ان کے خلاف ہو گئے۔ اسی طرح سابق چیف جسٹس ناصرالملک پر آپ نے اعتماد کا اظہار کیا، فیصلہ خلاف آیا تو انہیں بھی برا بھلا کہنا شروع کر دیا۔انہوںنے کہا کہ آپ کی جماعت کا نام تو تحریک انصاف ہے لیکن آپ نے انصاف کے ہر فورم پر ہونے والے فیصلوں کو ماننے سے انکار کیا ہے – عدالت عظمی ہو، عدالت عالیہ یا الیکشن کمیشن ، آپ نے کوئی بھی فیصلے تسلیم نہیں کئے- وزیر اعلیٰ پنجاب محمد شہباز شریف نے راولپنڈی میں نومولود بچے کے جاں بحق ہونے کے واقعہ کے حقائق جاننے کیلئے انکوائری کمیٹی تشکیل دے دی ہے۔ کمیٹی کے کنوینر راولپنڈی میڈیکل کالج کے پرنسپل ڈاکٹر عمر ہوں گے جبکہ دیگر ارکان میں ممبر وزیراعلیٰ معائنہ ٹیم کوکب ندیم وڑائچ، سروسز انسٹی ٹیوٹ آف میڈیکل سائنسز کے ماہر اطفال ڈاکٹر ہمایوں اقبال اور ڈی سی او راولپنڈی شامل ہیں۔ وزیراعلیٰ پنجاب نے آئی جی ریلوے پولیس منیر احمد چشتی کی اہلیہ کے انتقال پر گہرے دکھ اور افسوس کا اظہار کیا ہے۔ وزیر اعلیٰ پنجاب نے دیوالی کے تہوار کے موقع پر ہندو برادری کو مبارکباد دےتے ہوئے کہا ہے کہ پاکستان مےں بسنے والی ہندو برادری ہمارے لئے قابل احترام ہے اور ہم آج ہندو برادری کی خوشیوں میں شریک ہیں۔ وزیر اعلی پنجاب محمد شہباز شریف نے کراچی کے علاقے ناظم آباد میں مجلس پر فائرنگ کے واقعہ کی شدید مذمت کی ہے – وزیر اعلی نے فائرنگ کے واقعہ میں قیمتی جانوں کے ضیاع پر گہرے دکھ اور افسوس کا اظہار کیا ہے –