کراچی (خصوصی رپورٹ) کراچی شہر میں ایک بار پھر خون خرابے اور دہشت کا بازار گرم کرنے کیلئے دبئی، امریکہ، بنکاک، جنوبی افریقہ سے ”را“ کے خطرناک دہشت گرد کراچی پہنچ گئے، جن کا ہدف کراچی آپریشن میں اہم کردار ادا کرنے والے افسروں کو نشانہ بنانا اور شہر میں امن و امان کو تباہ کرنا ہے ۔ اس کے علاوہ سکیورٹی اداروں سے لڑنے کی اہم سازش بھی ہے۔ ”را“ کے سلیپر سیلز کی ٹیم کا سرغنہ آپریشن کمانڈر چیف نبیل بھائی عرف نبیل ٹینشن عرف وارثی بھائی عرف نبیل دادا ہے اور اس گروپ کے ہی تانے بانے صفورا واقعہ سے ملتے ہیں۔ امریکہ اور کینیڈا سے داعش کا اس گروپ سے رابطہ گیم مشینز کے ذریعے رکھا جا رہا تھا اور کروڑوں ڈالرز بھی ان کے اکاﺅنٹ میں منتقل کئے گئے تھے۔ یہ گروپ عام طور پر شناخت چھپانے کیلئے فوٹوشوٹ، ڈانس پارٹیاں، فنکشنز، فیملی پارٹیاں آرگنائز کر کے وہاں میٹنگز کرتے اور پلان بناتے ہیں۔ نبیل جس کے موبائل نمبرز 03350317636 03162425749 یہ ہیں، کی مدد کیلئے امریکہ سے دبئی کے راستے آنے والے احسن عامر کو ساﺅتھ افریقہ ٹیم اور بنکاک ٹیم نے اہم ٹارگٹ دے کر روانہ کیا ہے اور آج کل سکیورٹی اداروں کو جھانسہ دیکر فیملی پروگرام اور ڈانس پارٹیوں کی آڑ میں اسلحہ مطلوبہ جگہوں پر پہنچایا جا رہا ہے ، جس میں پولیس کا اہم افسر ارشد خان اپنی محبوبہ شازیہ قریشی کے ساتھ اس ٹیم کو مکمل سپورٹ کر رہا ہے، اسلحہ کی نقل و حمل سے لے کر دہشت گردوں کے آنے جانے کیلئے مذکورہ ارشد خان ایس ایچ او نے سرکاری گاڑیاں ان کو دی ہوئی ہیں۔ اس کام میں فارن سکیورٹی پر تعینات سلمان شریف اور اس کا بھائی فرحان جو پولیس کے ہیں اور ایم کیو ایم فور کے نارتھ کراچی کو دیکھتے ہیں، وہ ان کو سکیورٹی کے بارے میں باخبر رکھ رہے ہیں جو رپورٹس دہلی میں بیٹھے جاوید لنگڑا تک پہنچائی جارہی ہیں۔ پولیس میں موجود کالی بھیڑوں کو مکمل ”را“ کے سلیپر سیلز چلانے کے لائسنس دیئے ہوئے ہیں جو بھارتی ”را“ کے سلیپر سیلز کو سپورٹ کرنے کے ساتھ مکمل طور پر باخبر رکھ رہے ہیں اور عزیزآباد کے صفہ سکول کے قریب اسلحے کا اہم ذخیرہ نکالنے کی کوشش ہو رہی ہے اور یہ اسلحہ چھوٹے پیکٹس کی صورت میں محفوظ علاقوں میں پہنچایا جا رہا ہے اور یہ کام ارشد خان کی پرائیویٹ کار میں ہو رہا ہے اور اس کارروائی میں بھی ارشد خان اور اس کی محبوبہ مصروف ہیں۔ ان ٹیموں کی مدد کیلئے ملیر سیکٹر کا علی خانزادہ، کورنگی سیکٹر سے کاشف گنجا، ناظم آباد سیکٹر سے معظم ملا، نارتھ سے رحمان کیبل والا شامل ہیں اور یہ شہر میں دہشت گرد ی کی بڑی کارروائی کرنا چاہتے ہیں۔ ان کی نقل و حرکت بھی مشکوک ہے، مگر پولیس کے اہم افسر اس گھناﺅنے کھیل میں ان کا ساتھ دے رہے ہیں۔ اسلحے کا بڑا ذخیرہ لیاقت آباد میں شاہنواز کے گوداموں میں سکریپ کے روپ میں رکھا ہوا ہے۔ ان کو فوری طور پر روکا نہ گیا تو کراچی کا امن و امان تہس نہس ہو جائے گا۔
کراچی پہنچ گئے

راولپنڈی ( بشارت فاضل عباسی ، عکاسی الفت شاہ ) فوج اور حکومت کے حالات انتہائی کشیدہ ہیں، دونوں میں آنکھ مچولی جاری ہے، فوج نے مداخلت کی تو لو گ مٹھائیا ں تقسیم کریں گے ،فضل الرحمن کی طر ح کے لوگ اپنے ٹینکوں کے آگے نہیں کھڑے ہوں گے ۔ نواز شریف پہلے آرمی چیف کا اعلان کرنے والے تھے کہ اچانک رک گئے۔ آرمی چیف نے ابھی الوا داعی دورے بھی کرنے شروع نہیں کئے۔ ان خیالات کا اظہار سابق وزیر اطلاعات و عوامی مسلم لیگ کے سر براہ شیخ رشید احمد نے ”خبریں“ کو خصو صی انٹرویو دیتے ہوئے کیا۔ انہوں نے کہا نواز شریف کا جانا ٹہر گیا ہے، 2تاریخ سے پہلے بھی خبر آسکتی ہے، کاﺅنٹ ڈاﺅن شروع ہو چکا ہے۔ 28اکتوبر کو راولپنڈی میں بڑا جلسہ ہو گا اگر حکومت نے رکاوٹ ڈالی تو دمادم مست قلندر ہوگا ۔ اگر ہمیں گرفتار یا نظر بند بھی کر دیا گیا تو عوام خود آئیں گے۔ اب یہ حکومت کی مرضی ہے کہ وہ اسلام آباد بند کرنا چاہتی ہے یا سارا ملک۔ان کا کہنا تھا کہ 28کو کشتیوں میں سوار ہونگے اور 2نومبر کو کشتیاں جلا دیں گے ۔جلاﺅ گھیراﺅ ما رویا مر جاﺅ کے حوالے سے شیخ رشید نے کہا کہ اسی میں عظمت ہے جب گھی سیدھی انگلیوں سے نہ نکلے تو انگلیا ں ٹیڑھی کرنی پڑ جاتی ہیں ۔ نواز شریف کو تین سال تک غریب عوام کی حا لت پر رونا نہیں آیا اب جب وہ ہر طرف سے پھنس چکا ہے تو وہ جھوٹے ٹسوے بہا رہا ہے، عوام اسکی عکاری کو سمجھ چکے ہیں وہ اس کے رونے دھونے پر یقین نہیں کریں گے ۔( ن ) لیگ کی پارٹی الیکشن کے حوالے سے ایک سوال کے جواب میں انھوں نے کہا ان کے ووٹ بھی اپنے تھے نامزدگی میں خود کی پوری میاں فیملی ان کی مخالفت نہیں کی پھر وہ انسانی سخت مقابلے کے بعد بلا مقابلہ صدر مسلم لیگ (ن ) منتخب ہوگئے ۔یہی ان کی پارٹی کی جمہوریت ہے یہ بھی انہوں نے الیکشن کمیشن کی مجبوری سے کیا وگرنہ وہ یہ بھی نہ کرتے ۔اپنی پارٹی میں الیکشن کے حوالے سے انہوں نے کہا کہ 2نومبر کے بعد پارٹی الیکشن ہونگے اور جمہوری طریقے سے ہونگے۔ عمران خان کو کسی بھی اعتماد نہیں سوائے عوام کے۔ عوام عمران کے ساتھ ہے اس کا عملی مظاہرہ لوگ 2نومبر کو دیکھیں گے۔ 28اکتوبر کے جلسے میں بھی پی ٹی آئی کی ساری قیادت کے ساتھ ساتھ عوام کا ایک ٹھاٹھیں مارتا ہوا سمندر ہوگا ۔ مقامی اخبار کی خبر کے حوالے سے انہوں نے کہا کہ 2سینئر تر ین بیورو کریٹ سلطانی گواہ کےلئے تیار ہیں حکومت بکروں کی قربانی دے کر جان چھڑا نا چاہتی ہے لیکن بکروں کی نہیں بلکہ ساری حکومت کی قربانی ہوگی۔ حکومت اور تحریکِ انصاف میں مک مکاﺅ کے حوالے سے ایک سوال کے جواب میں انہوں نے کہا کہ یہ غلط فہمی دور ہوجائے گی ۔سی پیک کے منصو بہ کے حوالے سے ایک سوال کے جواب میں شیخ رشید نے کہا کہ یہ بہت اچھا منصوبہ ہے چین ہمارا دوست ہے اس نے ہر مشکل وقت میں ہمارا ساتھ دیا ہے نوازشریف کے دور میں یہ منصو بہ سخت روی کا شکار ہے لیکن یہ منصو بہ ہر صورت میں مکمل ہوگا کیونکہ اس کی تکمیل اور سیکورٹی کی ذمہ داری فوج نے لی ہے ۔ میاں نواز شریف ساڑھے تین سال تک کیا کرتے رہے اب انہیں ملک میں 50ہسپتال بنانے کا خیال آیا ۔ یہ سب جھوٹے وعدے ہیں عوام ان کے جھوٹے وعدوں پر یقین نہیں کریں گے ۔انہوں نے الیکشن سے پہلے جو چھ ماہ اور دو سال میں انرجی کرائسس ختم کرنے کے وعدے کیے تھے وہ کیوں نہیںپورے کیے ۔ راولپنڈی کی عوام کے ساتھ اس سے بڑی زیادتی کیا ہوگی کہ راولپنڈی میں زچہ بچہ سینٹر کا80%کا کام ہو چکاہے لیکن اس کو مکمل نہیں کررہے ۔راولپنڈی کے الائیڈ ہسپتالوں میں ایک ایک بیڈ پر دو، دو عورتیں ڈلیوری کےلئے لیٹی ہوتی ہیں انکو زچہ بچہ ہسپتال کی سہولت میسر نہیں ہے ۔ جمہوریت ڈی ریل ہونے کے حوالے سے ایک سوال کے جواب میں انھوں نے کہا کہ ان کے دھرنے سے کرپٹ جمہوریت دم توڑ جائیگی جبکہ اصل جمہوریت پروان چڑھے گی۔ سیاسی پارٹیاں ہمارے دھرنے میں شریک ہوں یا نہ ہوں عوام کی بہت بڑی تعداد شریک ہو گی ۔

اسلام آباد(این این آئی)پیپلز پارٹی کے سینیٹر سعید غنی نے عمران خان کو خود کش بمبار قرار دیتے ہوئے کہا ہے کہ عمران خان کے مطالبات جائز ہیں لیکن طریقہ کار غلط ہے ¾ پیپلز پارٹی حکومت کی حامی نہیں مگر آنکھیں بند کر کے عمران کا ساتھ نہیں دے سکتے۔میڈیا سے گفتگو کرتے ہوئے سعید غنی نے کہاکہ عمران خان خود کش بمبار کی طرح حکومت پر حملہ آور ہونا چاہتے ہیں تاہم اکیلی پی ٹی آئی کچھ حاصل نہیں کر سکتی۔سینیٹر سعید غنی نے کہاکہ عمران خان میں سیاسی پختگی نہیں، پیپلز پارٹی کسی غیرجمہوری اقدام کی حمایت نہیں کرےگی۔ سعید غنی نے کہا کہ نواز شریف چیئرمین پیپلز پارٹی کے چار مطالبات پورے کر دیں تو پی ٹی آئی کے غبارے سے ہوا نکل جائےگی۔