لاہور: (ویب ڈیسک) لاہور ہائیکورٹ نے سموگ کی روک تھام کیلئے فصلوں کی باقیات جلانے والے کسانوں کو 2 لاکھ روپے جرمانہ کرنے کا حکم دے دیا۔
لاہور ہائیکورٹ کے جسٹس شاہد کریم نے متفرق درخواستوں پر سماعت کی، درخواست گزاروں نے موقف اختیار کیا کہ حکومت سموگ کی روک تھام کے لئے اقدامات نہیں کر رہی، عدالت حکومت کو سموگ کی روک تھام کے لئے حکومت کو اقدامات کرنے کا حکم دے۔
دوران سماعت چار اضلاع کے ڈی سیز عدالت میں پیش ہوئے، جسٹس شاہد کریم نے عدالتی حکم پر عملدرآمد نہ کرنے پر ڈی سیز پر اظہار ناراضگی کیا۔
عدالت نے ریمارکس دیئے کہ چیف سیکرٹری کو بتایا جائے کہ یہ ہے آپ کے ڈی سیز کی کارکردگی ہے؟، عدالت نے کارروائی کرتے ہوئے ڈی سیز کو متعلقہ اضلاع میں فصلوں کو جلانے والوں کے خلاف کارروائیاں تیز کرنے کا حکم دے دیا عدالت کے روبرو گوگل میپ کی فصلوں کی باقیات جلانے کے حوالے سے رپورٹ بھی پیش کر دی گئی۔
عدالت نے فصلوں کی باقیات جلانے والے کسانوں کے خلاف مقدمات درج کرنے کا حکم دیا، عدالتی احکامات نظر انداز کرنے والے کسانوں کی زمینیں بھی انتظامیہ کو قبضے میں لینے کی ہدایت کر دی۔

اسلام آباد : (ویب ڈیسک) رہنما تحریک انصاف فواد چودھری کا کہنا ہے کہ عوام کا مطالبہ ہے کہ ملک عوام کو واپس کیا جائے۔
فواد چودھری نے اپنے آفیشل ٹوئٹر اکاونٹ پر ٹوئٹ کرتے ہوئے لکھا کہ امپورٹڈ حکومت کا بستر گول ہو اور ملک نئے انتخابات کی طرف بڑھے،ان حکمرانوں کا پاؤں عوام کی گردن پر ہے اور سانس لینا مشکل ہو چکا ہے۔
انہوں نے کہا کہ اسٹیبلشمنٹ اپنی پالیسیوں پر نظرثانی کرے غیرمقبول حکومت کیلئےغیر مقبول ہونا اداروں کیلئے مناسب نہیں۔

اسلام آباد : (ویب ڈیسک) سپر یم کورٹ نے شاہ زیب قتل کیس کے ملزم شاہ رخ جتوئی کو بری کردیا، شاہ زیب قتل کے دیگر ملزمان بھی بری کر دئیے گئے, ملزمان نے عمر قید کے خلاف سپریم کورٹ میں اپیلی دائر کی تھی.
کیس کی سماعت جسٹس اعجاز الاحسن کی سربراہی میں تین رکنی بینچ نے کی، وکیل لطیف کھوسہ نے کہا کہ فریقین کا پہلے ہی راضی نامہ ہوچکا ہے، ملزمان کی دہشت پھیلانے کا کوئی ارادہ نہیں تھا، قتل کے واقع کو دہشگردی کا رنگ دیا گیا۔
ٹرائل کورٹ نے شاہ رخ جتوئی اور نواب سراج تالپور کو سزاے موت سنائی تھی جبکہ نواب سجاد غلام مرتضی کو عمر قید سنائی گئی تھی۔
سندھ ہائیکورٹ نے ٹرائل کورٹ کا فیصلہ تبدیل کرتے ہوے اے ٹے اے کے تحت چاروں ملزم ان کو عمر قید سنا دی تھی، ملزمان نے عمر قید کے خلاف سپریم کورٹ میں اپیلیں دائر کی تھی۔

کراچی: (ویب ڈیسک) چیئرمین پیپلزپارٹی بلاول بھٹو نے سانحہ کارساز کے شہدا کوخراجِ عقیدت پیش کرتے ہوئے کہا کہ جمہوریت کی بحالی اور مضبوطی کے لیے پیپلزپارٹی نے گھناؤنی سازشوں کا مقابلہ کیا ہے۔
بلاول بھٹو کا کہنا تھا کہ جمہوریت کےلیے جدوجہد کے دوران قیادت اور کارکنان نےخون کے دریا پار کیے ہیں، ہمیں نوجوان نسل کو اپنی تاریخ اور جدوجہد و قربانیوں سے آگاہ کرنا چاہیے، ہمیں نوجوان نسل کو یہ سکھانا ہے کہ ذاتیات پر نہیں اترنا سیاست نہیں ہے۔
پیپلز پارٹی ملک میں جمہوریت کو مضبوط بنانے کی جدوجہد کو آگے بڑھاتی رہے گی، شہدا کی قربانی اور اہل خانہ کی آنکھوں سے گرنے والے آنسووَں کا ازالہ مضبوط جمہوریت کے قیام میں پنہاں ہے۔

کراچی: (ویب ڈیسک) سابق وزیراعظم بے نظیر بھٹو 15 سال پہلے آج ہی کے دن 8 برس کی جلاوطنی کے بعد وطن واپس آئیں تو کراچی میں عوام کے سمندر نے ان کا استقبال کیا، کارساز کے مقام پر ان کے استقبالی جلوس میں ہونے والے بم دھماکوں میں 177 افراد جاں بحق اور 600 سے زائد زخمی ہوگئے تھے۔
بے نظیر بھٹو کی 18 اکتوبر 2007 کو کراچی آمد پر پیپلز پارٹی کے جیالے ملک بھر سے اپنی قائد کے استقبال اور ایک جھلک دیکھنے کے لئے پہنچے، جہاز سے باہر آتے ہی بے نظیر بھٹو نے پیار کرنے والوں کا جم غفیر دیکھا تو اپنے جذبات پر قابو نہ رکھ سکیں۔
پیپلز پارٹی کی خصوصی سکیورٹی ’’جاں نثاران بے نظیر بھٹو‘‘ کے حصار میں سابق وزیراعظم کا استقبالی جلوس چند کلومیٹر کا راستہ گھنٹوں میں طے کر کے جب شارع فیصل پر کارساز کے مقام پر پہنچا تو بینظیر بھٹو کے بلٹ پروف ٹرک کے قریب 2 دھماکے ہوئے جن میں وہ خود تو محفوظ رہیں لیکن کارکنوں سمیت 180 سے زائد افراد جاں بحق جبکہ 600 سے زائد زخمی ہوگئے۔
پیپلز پارٹی کی حکومت کی جانب سے سانحے میں جاں بحق ہونے والوں کے لواحقین کو مالی امداد کے ساتھ سرکاری ملازمتیں اور مفت رہائشی فلیٹس بھی دیئے گئے، واقعے کی 2 ایف آئی آرز درج ہونے کے باوجود تاحال ملزمان نہ پکڑے جا سکے۔
سانحہ کارساز میں جاں بحق ہونے والوں کی 15 ویں برسی پر پیپلزپارٹی کے رہنماؤں نے شہداء کی قبروں پر حاضری دی اور فاتحہ خوانی کی۔