All posts by Khabrain News

انٹر نیشنل, اہم خبریں

ایبٹ آباد آپریشن میں اسامہ بن لادن کو قتل کرنے والا امریکی فوجی نشے کی حالت میں گرفتار

ٹیکساس: ایبٹ آباد فوجی آپریشن کے دوران اسامہ بن لادن کو گولیاں مارنے کا دعویٰ کرنے والا امریکی بحریہ کا اہلکار نشے کی حالت میں توڑ پھوڑ کے الزام میں گرفتار کرلیا گیا۔

امریکی میڈیا کے مطابق ٹیکساس میں امریکی بحریہ کے سابق اہلکار رابرٹ او نیل کو عوامی مقام پر نشے کی حالت میں ہنگامہ آرائی کرنے اور ایک خاتون پر حملے کے الزام میں حراست میں لیا گیا۔

امریکی بحریہ کے سابق سیلر کو عوامی مقام پر نشہ کی حالت میں حملہ کرکے جسمانی چوٹ پہنچانے الزام میں کلاس A اور بدعنوانی کے الزام میں C کلاس کے مقدمے میں گرفتار کیا گیا۔

بعد ازاں امریکی بحریہ کے سابق اہلکار رابرٹ او نیل کو 3 ہزار 500 ڈالر کی ضمانت پر رہا کردیا گیا تاہم اب کیس عدالت میں چلے گا جہاں ممکنہ طور پر قید اور جرمانے کی سزا ہوسکتی ہے۔

یاد رہے کہ امریکی بحریہ کا یہ اہلکار اُس وقت توجہ کا مرکز بنا تھا جب اس نے اپنی شناخت کو خفیہ نہ رکھنے کا فیصلہ کرتے ہوئے فوکس نیوز پر ایک انٹرویو میں دعویٰ کیا کہ 2011 میں پاکستان کے علاقے ایبٹ آباد میں امریکی فوج کی کارروائی میں اُسامہ بن لادن کو گولیاں میں نے ہی ماری تھیں۔

امریکی بحریہ کے سابق اہلکار نے یہ کہانی اپنی 2017 کی یادداشت “دی آپریٹر” میں سنائی تھی  اور ’دی نیویارک پوسٹ‘ کے مطابق امریکی حکومت نے کبھی بھی اس کہانی کی تصدیق یا تردید نہیں کی۔

سابق امریکی اہلکار اس سے قبل بھی تنازعات کا شکار رہے ہیں اور 2016 میں بھی نشے کی حالت میں گاڑی چلانے کے الزام میں گرفتار ہوچکے ہیں۔

اہم خبریں, پاکستان

نگران وزیر اعظم کے کمرے کا AC بند کرنے سے غریب کے بل پر کوئی اثر نہیں پڑے گا، 13جماعتوں نے بجلی کے بلوں اور پٹرول کا IMFسےمعاہدہ کیاتھاکیا اس وقت انکی آنکھیں بند تھی،سابق وفاقی وزیر داخلہ شیخ رشید احمد

لاہور:سابق وفاقی وزیر داخلہ شیخ رشید کا اپنے ٹویٹ میں کہنا تھا کہ ریاست کو بچایا نہیں ریاست کو ڈوبویا ہے کیونکہ عوام کا نام ہی ریاست ہےاور عوام سیاست کے لئے نہیں اپنی بقاء کے لئے سڑکوں پر آئی ہےبجلی کا دگنا بل معاشی خودکشی ہونا ہے اگلے مہینے دیکھیں پٹرول اور بجلی کیا رنگ دکھاتی ہے وہ وقت آگیا ہے کہ ہمیں معاشی غلامی کی بیڑیاں توڑنی پڑیں گی سفید پوش معاشی طور پر زندہ مرگیا ہےصدر اور وزیر اعظم دونوں ٹویٹر پر آ گئے ہیں ملک اور غریب کو تباہی کی جانب ڈال کر اسحاق ڈار بھی لندن پہنچ گئے ہیں جہاں کا خمیر تھا وہیں پر سیاسی خاک پہنچ گئی ہے یہ سارے رشتے دار اپنی اصل پناہ گاہ پر پہنچ گئے ہیں لیکن وہاں بھی گھر سے باہر نکلنے کی پوزیشن میں نہیں پیپلز پارٹی بھی 90دن کے الیکشن پر آ گئی ہےاور دوسری پارٹیاں بھی سوائے ن لیگ کے عوام کے غیظ و غضب سے ڈر کے 90دن کے الیکشن پر آ جائیں گی مسلم لیگ ن سے اس کی اتحادی پارٹیاں بھی کنارہ کشی اختیار کریں گی ساری خرابی کا بوجھ اب ن لیگ کو ہی اٹھانا پڑے گا آہستہ آہستہ جے یو آئی ایم کیو ایم اور پیپلزپارٹی اس معاشی تباہی کی ذمہ داری نہیں لے گی نگران وزیر اعظم کے کمرے کا AC بند کرنے سے غریب کے بل پر کوٸی اثر نہیں پڑتاجب 13جماعتوں نے بجلی کے بلوں اور پٹرول کا IMFسےمعاہدہ کیاتھاکیا اس وقت انکی آنکھیں بند تھی پیپلز پارٹی نے CCI میں مردم شماری پر دستخط بھی کیے اور اب 90دن کے الیکشن پر بھی سٹینڈ لے لیا ہےجو IMF کی ڈیل پر مٹھائیاں بانٹتے تھے اب لندن میں پناہ لیے بیٹھے ہیں 85آدمی وزیر رکھےاور IMF کی شراٸط کو مان کر مٹھاٸیاں بانٹی گٸی اس مہنگاٸی اور بجلی کے بلوں پر نگران حکومت کا کوٸی کردار نہیں ہے سب کیا دھرا 16ماہ کی 13پارٹیوں کی حکومت کا ہے 180 روپے فی کلو آٹا اور 180 روپے فی کلو چینی اور دگنا بجلی کا بل عوام کہاں سے دیں گے
اہم خبریں, پاکستان, کھیل

ورلڈ ایتھلیٹکس چیمپئن شپ جیویلین تھرو، ارشد ندیم نے سلور میڈل جیت لیا

بڈاپسٹ : ورلڈ ایتھلیٹکس چیمپئن شپ میں جیلویلین تھرو کے فائنل میں پاکستانی ارشد ندیم نے سلور میڈل اپنے نام کرلیا۔ارشد ندیم نے تیسرے راؤنڈ میں سب سے لمبی 87.82میٹرتھروکی۔

بھارت کے نیرج چوپڑا نے جیولین تھرو رلڈاتھلیٹکس چیمپئن شپ میں گولڈ میڈل اپنے نام کیا،انہوں نے 88.17میٹر تھرو کے ساتھ گولڈ میڈل جیتا۔جمہوریہ چیک کے ویڈلچ نے 86.67میٹرتھروکے ساتھ کانسی کا تمغہ جیتا۔

اہم خبریں, پاکستان

سرکاری ملازمین کا سالانہ 34 کروڑ یونٹ مفت بجلی استعمال کرنیکا انکشاف

 اسلام آباد: سرکاری ملازمین کی جانب سے سالانہ 34 کروڑ یونٹ مفت بجلی استعمال کرنے کا انکشاف ہوا ہے۔

ذرائع کا کہنا ہے کہ پاور ڈویژن نے گریڈ 17 سے 21 تک کے سرکاری افسران کی مفت بجلی کے خاتمہ کی تجویز کا جھانسہ دے کر بڑی واردات چھپا لی ہے۔ ذرائع کا کہنا ہے کہ 15 ہزار ملازمین کی مفت بجلی ختم کرنے سے بڑا فرق نہیں پڑے گا بلکہ ٹیرف میں بڑے فرق کے لیے تمام ملازمین کی مفت بجلی سہولت ختم کرنا ضروری ہے۔

دستاویز میں انکشاف ہوا ہے کہ گریڈ 17 سے 21 کے 15 ہزار 971 ملازمین ماہانہ 70 لاکھ یونٹس مفت بجلی استعمال کرتے ہیں۔ اسکے مقابلے میں گریڈ ایک سے 16 تک کے ملازمین 33 کروڑیونٹ ماہانہ مفت بجلی استعمال کررہے ہیں جن کی تعداد 1 لاکھ 73 ہزار200 ہے، یہ سرکاری ملازمین سالانہ 10 ارب کی مفت بجلی استعمال کرتے ہیں۔

 

دستاویز کے مطابق گریڈ 17 تا 21 کے ملازمین سالانہ 1 ارب 25 کروڑکی بجلی مفت استعمال کر رہے ہیں جبکہ گریڈ 1 سے 16 کے ملازمین ماہانہ 76 کروڑ 43 لاکھ روپے کی مفت بجلی استعمال کرتے ہیں۔

وزارت توانائی حکام کا کہنا ہے کہ گریڈ 17 سے 21 تک ملازمین کی مفت بجلی ختم کرنے سے ماہانہ 19 کروڑ روپے بچت ہوگی۔ مفت بجلی یونٹ ختم کرکے مخصوص رقم تنخواہ میں شامل کرنے سے یہ فرق اور کم ہوجائے گا۔

اہم خبریں, پاکستان

وزیراعظم کی زیرصدارت اجلاس، بجلی بل کے ستائے عوام کو فوری طور پر ریلیف دینے کا فیصلہ نہ ہوسکا

نگران وزیراعظم انوار الحق کاکڑ نے عوام کو زیادہ سے زیادہ ریلیف دینے کیلئے اقدامات کی ہدایت کردی تاہم بجلی بل کے ستائے عوام کو فوری طور پر ریلیف دینے کا آج فیصلہ نہ ہوسکا۔

نگران وزیراعظم انوارالحق کی زیرصدارت بجلی کے بھاری بلوں کے خلاف ہونے والا اجلاس ختم ہوگیا اور یہ اجلاس دو گھنٹے سے زائد جاری رہا۔

اجلاس میں وزارت بجلی نے ترسیل اور نرخوں کے معاملے پر بریفنگ دی اور بتایاکہ بجلی کی قیمت کا تعین نیپرا کرتا ہے اور بجلی کی قیمتوں میں ردوبدل کنزیومرپرائس انڈیکس کے تحت ہوتا ہے۔

تقسیم کار کمپنیوں کی جانب سے بھی اجلاس میں تفصیلی بریفنگ دی گئی۔ اجلاس میں ملازمین کو مفت بجلی کی فراہمی کے معاملے پر بھی بریفنگ ہوئی اور حکام نے بتایاکہ ڈسکوز کے افسران کو فراہم کیے جانے والے بجلی کے مفت یونٹس ختم کر رہے ہیں، واپڈا کے پرانے ملازمین کے علاوہ کسی محکمے میں بجلی کے بلوں میں رعایت نہیں دی جا رہی، اس وقت یہ رعایت ڈسکوز کے ملازمین کو مل رہی ہے۔

حکام کا کہنا تھاکہ ایسا نہیں کہ تمام بوجھ بجلی کا بل ادا کرنے والوں پر ڈالا جا رہا ہے۔

ذرائع کے مطابق نگران وزیراعظم نے کہا کہ بجلی کی قیمتوں میں اضافےسے عوام مشکل صورتحال سے دوچار ہیں۔

انہوں نے عوام کو زیادہ سے زیادہ ریلیف دینے کیلئے اقدامات کی ہدایت کردی۔

ذرائع کے مطابق نگران وزیر اعظم نے مفت بجلی کی فراہمی کو روکنے اور بجلی کی چوری روکنے کیلئے ہنگامی اقدامات کی بھی ہدایت کردی۔

ذرائع کا کہنا ہے کہ بجلی بل کے ستائے عوام کو فوری طور پر ریلیف دینے کا آج فیصلہ نہ ہوسکا، بجلی کے نرخ اور بلوں پر کل دوبارہ اجلاس ہوگا۔

ذرائع نے بتایاکہ نگران وزیراعظم نے بجلی کے بلوں پر متعلقہ حکام سے رپورٹس مانگ لیں اور عوام کو ریلیف فراہم کرنے کیلئے تجاویز بھی طلب کرلیں۔

دوسری جانب ملک میں بجلی کے اضافی بلوں کے خلاف عوام کا احتجاج تیسرے روز بھی جاری ہے، مختلف شہروں میں بجلی کے بلوں کے خلاف لوگ سڑکوں پر نکل آئے اور احتجاجاً بل جلائے۔

اسلام آباد، پشاور اور ملتان کی بجلی کمپنیوں نے مظاہرین کے ڈر سے پولیس بھی بلالی اور متعلقہ حکام کو خط لکھ کر تحفظ کا مطالبہ کردیا۔

جماعت اسلامی نے بھی 2 ستمبر کو ملک گیر پہیہ جام ہڑتال کا اعلان کیا ہے۔

انٹر نیشنل, اہم خبریں, پاکستان

لیگی قائدین کی لندن میں بیٹھک،انتخابات میں جارحانہ انداز اپنانے کا فیصلہ

پاکستان مسلم لیگ (ن) کے قائدین کی لندن میں بیٹھک ہوئی جس میں انتخابات میں جارحانہ انداز اپنانے کا فیصلہ کیا گیا۔

پارٹی ذرائع کے مطابق ن لیگ اپنے خلاف انتقامی کارروائیوں کو ڈاکومینٹری کی صورت میں سامنے لائے گی۔

انتخابی مہم میں اداروں کے بجائے سیاسی شخصیات کو ہدف تنقید بنایا جائے گا جبکہ معاشی، سیاسی ابتری کی ذمہ داری پاناما، سابق نیب چیئرمین، پی ٹی آئی پر عائد کی جائے گی

ن لیگ نے فیصلہ کیا کہ نواز شریف اور مریم نواز سازش کے پس پردہ محرکات کو سامنے لائیں گے،شہباز شریف اور حمزہ شہباز عوامی اجتماعات میں مصالحانہ رویہ اپنائیں گے۔

ذرائع کے مطابق شہباز شریف اور حمزہ شہباز اپنے دور کے ترقیاتی منصوبوں پر بات کریں گے،نواز شریف کی واپسی سے قبل سوشل میڈیا اور الیکٹرانک میڈیا پر مہم چلائی جائے گی۔

پارٹی ذرائع کا کہنا ہے کہ کسی بھی سیاسی جماعت سے اتحاد یا سیٹ ایڈجسٹمنٹ کا فیصلہ نواز شریف کریں گے۔

اہم خبریں, پاکستان

جے آئی ٹی کی اٹک جیل میں چیئرمین پی ٹی آئی سے 9 مئی کے واقعات سے متعلق 6 مقدمات میں تفتیش

لاہور(خبریں ڈیجیٹل )پاکستان تحریک انصاف (پی ٹی آئی) کے چیئرمین ایک بار پھر 9 مئی کے واقعات سے منحرف ہو گئے۔

جوائنٹ انویسٹی گیشن ٹیم (جے آئی ٹی) نے اٹک جیل میں چیئرمین پی ٹی آئی سے 9 مئی کے واقعات سے متعلق 6 مقدمات میں تفتیش کی۔

ذرائع کے مطابق ڈی آئی جی انویسٹی گیشن عمران کشور سمیت پوری جے آئی ٹی ٹیم نے سابق وزیر اعظم سے سوالات کیے۔

جے آئی ٹی نے پوچھا کہ 9 مئی کے بارے میں آپ کی جانب سے اشتعال دلانے کے شواہد موجود ہیں۔

چیئرمین پی ٹی آئی نے جواب دیا کہ میں گرفتار ہو گیا تھا، کسی کو فون کر کے اشتعال نہیں دلایا۔

ذرائع کا بتانا ہے کہ جے آئی ٹی نے سوال کیا کہ ایسی ویڈیوز اور کلپس ہیں جن میں مظاہرین آپ کا نام لیتے نظر آتے ہیں، جس پر سابق وزیر اعظم نے جواب دیا کہ کسی کو نہیں اکسایا سب اپنے طور پر کنٹونمنٹ کے علاقے میں گئے، جلاؤ گھیراؤ میں میری پارٹی کے کارکن نہیں، کوئی اور افراد تھے۔

جے آئی ٹی نے چیئرمین پی ٹی آئی سے جمعے کو 30 منٹ اٹک جیل میں ملاقات کی۔

واضح رہے کہ چیئرمین پی ٹی آئی پر 9 مئی سے متعلق دہشت گردی کے 6 مقدمات درج ہیں۔

اہم خبریں, پاکستان, کھیل

افغانستان کو 3 میچوں کی سیریز میں وائٹ واش پاکستان ٹیم ون ڈے میں دنیا کی نمبر ون ٹیم بن گئی

دبئی:(خبریں ڈیجیٹل) افغانستان کو تین میچوں کی سیریز میں وائٹ واش کرنے کے بعد پاکستان ٹیم ون ڈے میں دنیا کی نمبر ون ٹیم بن گئی۔

رینکنگ کے مطابق او ڈی آئی میں پاکستان 2725 پوائنٹس کے ساتھ پہلے اور آسٹریلیا 2714 پوائنٹس کے ساتھ دوسرے نمبر پر ہے۔

بھارت تیسرے، نیوزی لینڈ چوتھے، انگلینڈ پانچویں اور جنوبی افریقا چھٹے نمبر پر موجود ہے۔ بنگلہ دیش، سری لنکا، افغانستان اور ویسٹ انڈیز بالترتیب ساتویں، آٹھویں، نویں اور دسویں نمبر پر ہیں۔

اہم خبریں, پاکستان

اگلے مہینے پیٹرول اور بجلی کا بل آگ پر پیٹرول ڈالے گا،وگ بغیر کسی لیڈر اور جماعت کےسڑکوں پر آگئے ہیں،عوام سول نافرمانی کی طرف بڑھ رہے ہیں،سابق وفاقی وزیر داخلہ شیخ رشید احمد

لاہور (خبریں ڈیجیٹل )سابق وفاقی وزیر داخلہ شیخ رشید احمد کا کہنا ہے کہ  بڑے لوگ بجلی چوری کرتے ہیں اور بوجھ سارا غریبوں کے بلوں پر ڈال دیا جاتا ہےاگلے مہینے پیٹرول اور بجلی کا بل آگ پر پیٹرول ڈالے گاالیکشن وقت پر ہونگے یا نہیں اس سے زیادہ اہم اور سنگین مسئلہ اگلے مہینےلوگوں کے لئے پیٹرول اور بجلی کا بل ادا کرنا ہےلوگ بغیر کسی لیڈر اور بغیر کسی جماعت کےسڑکوں پر آگئے ہیں اور ستمبر ستمگر ثابت ہو سکتا ہے 16 مہینے موج میلہ کرنے والے اور کپڑے بیچ کر ریلیف دینے والے عوام کو تکلیف دے کر لندن بھاگ گئے ہیں نگران حکومت کیا کرے گی عوام کا نام ہی ریاست ہے عوام سول نافرمانی کی طرف بڑھ رہے ہیں بجلی کا بل دوگنا ہو گیا ہے اور اگلے مہنیے شائد یہ مسئلہ سنگین ہو جائے عوام کا رد عمل سیاسی نہیں قدرتی ہے کیونکہ ان کے پاس وسائل ہی نہیں کہ وہ آٹا خریدیں بجلی کا بل بھی دیں مکان کا کرایہ اور بچے کی فیس بھی دیں یہ ممکن نہیں ساری الیکٹرک کمپینوں نےاپنی گاڑیوں کی نمبر پلیٹیں بھی خوف کے مارے ہٹا دی ہیں فائلر اور نان فائلر میں کوئی فرق نہیں رہا دونوں کو کسی نا کسی طریقے سے ٹیکس دینا پڑھ رہا ہےبھوک سے مارے لوگ ریسکیو 15پر کال کر رہے ہیں جتنا روپیہ گرے گا وہ سارا بوجھ عام آدمی پر پڑے گا
اہم خبریں, پاکستان

مسلم لیگ ن کاآئندہ عام انتخابات میں جارحانہ انداز اپنانے کا فیصلہ

لاہور: (خبریں ڈیجیٹل) مسلم لیگ ن کی لندن میں بڑوں کی بیٹھک، عام انتخابات میں ن لیگ کی جانب سے مصالحانہ کی بجائے جارحانہ انداز اپنانے کا فیصلہ کیا گیا ہے ۔

ذرائع کے مطابق آئندہ عام انتخابات میں ن لیگ انتخابی مہم میں اپنے ساتھ ہونے والی انتقامی کارروائیوں کو ڈاکومینٹری کی صورت میں سامنے لائے گی ، انتخابی مہم میں سابقہ چند اہم شخصیات کو ہدف تنقید بنایا جائے گا۔

پارٹی ذرائع کاکہنا ہے کہ مریم نواز انتخابی مہم میں بڑی اہم شخصیات کی خفیہ آڈیوز اور نوازشریف کے خلاف کی گئی سازش کو بے نقاب کریں گی نواز شریف اور مریم نواز اپنے ساتھ ہونے والی سازش کے پس پردہ محرکات کو سامنے لائیں گے۔

مسلم لیگ ن نے فیصلہ کیا ہے کہ شہباز شریف اور سابق وزیراعلیٰ پنجاب حمزہ شہباز عوامی اجتماعات میں مصالحانہ رویہ اپنائیں گے، شہباز شریف اور حمزہ شہباز اپنے دور کے ترقیاتی منصوبوں پر بات کریں گے۔

ذرائع کے مطابق نواز شریف کی وطن واپسی سے قبل سوشل میڈیا اور الیکٹرانک میڈیا پر بھرپور بھرپور مہم چلائی جائے گی ، کسی بھی سیاسی جماعت سے اتحاد یا سیٹ ایڈجسٹمنٹ کا فیصلہ نواز شریف کریں گے۔