All posts by Khabrain News

اہم خبریں, پاکستان

انسداد دہشت گردی عدالت کا مریم اورنگزیب کو گرفتار کرکے پیش کرنے کا حکم

لاہور: انسداد دہشت گردی کی عدالت نے اشتعال انگیز گفتگو میں مریم اورنگزیب کو نو دسمبر کو گرفتار کر کے پیش کرنے کا حکم دے دیا۔

ایکسپریس نیوز کے مطابق انسداد دہشت گردی کی عدالت نے عدم پیشی پر مسلم لیگ (ن) کی رہنما مریم اورنگزیب کے ناقابلِ ضمانت وارنٹ گرفتاری جاری کردیے۔ وارنٹ گرفتاری جج عبہر گل نے جاری کیے اور متعلقہ ایس ایچ او کو وارنٹ کی تکمیلِ کرانے کی ہدایت دے دی۔

جج نے مریم اورنگزیب کو نو دسمبر کو گرفتار کر کے پیش کرنے کا حکم دیا ہے۔

واضح رہے کہ مریم اورنگزیب سمیت دیگر کے خلاف اشتعال انگیز گفتگو کا مقدمہ درج ہے، پولیس نے مریم اورنگزیب، جاوید لطیف سمیت دیگر کے خلاف مقدمہ درج کر رکھا ہے۔

انٹر نیشنل, اہم خبریں

بھارت میں آسمانی بجلی گرنے سے 24 افراد ہلاک اور 23 زخمی

نئی دہلی: بھارتی ریاست گجرات میں میں دو روز سے گرج چمک کے ساتھ بارش، طوفان اور کچھ علاقوں میں ژالہ باری کا سلسلہ جاری ہے۔ ان واقعات میں 2 درجن افراد ہلاک اور تقریباً اتنے ہی زخمی ہوچکے ہیں۔

بھارتی میڈیا کے مطابق ریاست گجرات میں 24 گھنٹوں میں 144 ملی میٹر بارش ریکارڈ کی گئی۔ طوفانی بارشوں نے کئی مکانات کو تباہ کردیا جب کہ مال مویشی کو بھی نقصان پہنچا۔

آج دوپہر کے بعد سے بارشوں کا سلسلہ تھم گیا ہے لیکن بھارتی محکمۂ موسمیات نے گجرات کے کچھ علاقوں میں بارشوں کا سلسلہ جاری رہنے کی پیشن گوئی کی ہے۔
آسمانی بجلی گرنے کے واقعات زیادہ تر کھیتوں اور میدانی علاقوں میں پیش آئے۔ ان علاقوں میں بارشوں کے دوران آسمانی بجلی گرنے کے واقعات عام ہیں تاہم پہلی بار اتنی ہلاکتیں ہوئی ہیں۔

ریاستی حکومت نے آسمانی بجلی گرنے کے واقعات میں جانی اور مالی نقصان کا اندازہ لگانے کے لیے سروے کمیٹی تشکیل دیدی ہے جس کی بنائی گئی رپورٹ کی بنیاد پر متاثرین کی مالی مدد کی جائے گی۔

یاد رہے کہ گجرات میں اگست 2020 میں موسلا دھار بارش اور سیلاب سے 14 افراد جب کہ اگست 2019 میں 31 افراد ہلاک ہوگئے تھے۔ ان دونوں واقعات میں آسمانی بجلی سے ہلاک ہونے والے بھی شامل تھے۔

شوبز

عمر شریف اور اُن کی بیٹی کی موت کا ذمہ دار بیٹا جواد ہے، اہلیہ کا حیران کُن انکشاف

پاکستان کے نامورکامیڈین عمر شریف کی اہلیہ زرین عمر ننے پہلی بیوی سے عمر شریف کی بیٹی حرا کے انتقال سے متعلق حیران کن انکشاف کیا ہے۔

حال ہی میں عمرشریف کی اہلیہ زرین عمر نے نجی چینل کے بیورو چیف نعیم حنیف کے ہمراہ ایک ٹی وی شو میں شرکت کی جہاں انہوں نے عمرشریف کے بیمار ہونے کی وجوہات پر روشنی ڈالی۔

انٹرویو میں نعیم حنیف کا کہنا تھا کہ عمر شریف کی بیماری کی وجہ ان کی بیٹی حرا عمر کی المناک موت تھی۔

نعیم حنیف نے عمر شریف کے بیٹے جواد عمر کو بہن کی موت کا ذمہ دار ٹھہرایا۔

انہوں نے انٹرویو میں اس حوالے سے متعدد انکشافات کرتے ہوئے کہا کہ ’ڈاکٹروں نے کڈنی ٹرانسپلانٹ کیلئے خونی رشتہ دار کے ہونے پر زور دیا تھا، لیکن جواد نے اپنی بہن کو گردے کا عطیہ نہیں دیا‘۔

انہوں نے مزید کہا کہ ’جواد عمر نے گردہ عطیہ کرنے کے بجائے غیر قانونی طریقے پر غور کیا۔ جواد نے یہ سب والد کی جانب سے حرا کے علاج کے لیے دی گئی رقم کا کچھ حصہ اپنے لیے بچانے کیلئے کیا‘۔

اہم خبریں, پاکستان

حسان نیازی کو فرارکروانے کا کیس، علی زیدی اشتہاری قرار

کراچی کی عدالت نے حسان نیازی کو فرار کرنے کے مقدمے میں استحکام پارٹی کے رہنما علی زیدی کو اشتہاری قرار دے دیا۔

کراچی سٹی کورٹ میں جوڈیشل مجسٹریٹ جنوبی کی عدالت کے روبروعدالت میں پیشی پر لائے گئے پی ٹی آئی کے رہنما حسان نیازی کو فرار کرانے سے متعلق درخواست کی سماعت ہوئی۔

جوڈیشل مجسٹریٹ جنوبی نے ملزم حسان نیازی کو فرار کرانے کے مقدمے میں استحکام پاکستان پارٹی کے رہنما علی زیدی کو اشتہاری قرار دیتے ہوئے خاکے آویزاں کرنے کا حکم دے دیا۔
عدالت نے تفتیشی افسر سے ملزم کی منقولہ اور غیر منقولہ جائیداد کی تفصیلات بھی طلب کرلیں۔ مقدمے میں نامزد حلیم عادل شیخ عدالت میں پیش ہوئے۔ عدالت نے حلیم عادل پر فرد جرم عائد کرنے کے لیے 9 دسمبر کی تاریخ مقرر کردی۔

انٹر نیشنل

بنگلادیش کرکٹ ٹیم کے کپتان شکیب الحسن کا الیکشن لڑنے کا فیصلہ

ڈھاکا: بنگلا دیش کرکٹ ٹیم کے کپتان شکیب الحسن نے الیکشن لڑنے کا اعلان کردیا۔

غیرملکی میڈیا کے مطابق کرکٹ ٹیم کے کپتان شکیب الحسن وزیراعظم حسینہ واجد کی حکمران جماعت عوامی لیگ کے ٹکٹ پرانتحابات میں حصہ لیں گے۔ شکیب الحسن 7 جنوری کو ہونے والے انتخابات میں اپنے آبائی ضلع ماگورا-1 حلقے سے الیکشن لڑیں گے۔

شکیب الحسن فی الحال ورلڈ کپ میں سری لنکا کے خلاف میچ کے دوران ہونے والی انجری سے صحت یاب ہو رہے ہیں اور ابھی یہ واضح نہیں کہ وہ کھیل کے میدان میں کب واپس آئیں گے۔ شکیب سے قبل بنگلا دیش کے سابق کپتان مشرفی مرتضیٰ گذشتہ انتخابات میں پارلیمنٹ کے رکن منتخب ہوئے تھے۔

اہم خبریں

190 ملین پاؤنڈ کیس؛ عمران خان کے مزید جسمانی ریمانڈ کی درخواست مسترد

راولپنڈی: احتساب عدالت نے عمران خان کے مزید جسمانی ریمانڈ کی درخواست مسترد کرتے ہوئے انہیں جوڈیشل ریمانڈ پر جیل بھیج دیا۔

احتساب عدالت اسلام آباد کے جج محمد بشیر نے اڈیالہ جیل راولپنڈی میں 190 ملین پاؤنڈ کیس کی سماعت کی۔ نیب حکام نے عمران خان کے مزید جسمانی ریمانڈ کی استدعا کی۔

عدالت نے مزید جسمانی ریمانڈ کی درخواست مسترد کرتے ہوئے چیرمین پی ٹی آئی کو 14روزہ جوڈیشل ریمانڈ پر جیل بھیج دیا۔

عدالت نے نیب کو 190 ملین پاؤنڈ کیس کا ریفرنس بھی پیش کرنے کا حکم دیا۔

واضح رہے کہ نیب نے عمران خان کو 190 ملین پاؤنڈ کیس میں گرفتار کیا ہے اور حکومت نے ان کے جیل میں ٹرائل کی منظوری دی ہے۔

اہم خبریں, پاکستان

سموگ کی روک تھام کیلئے مصنوئی بارش،جہازمیں خرابی کا انکشاف،منصوبہ کھٹائی میں پڑ گیا،ذرائع

پنجاب حکومت کا مصنوعی بارش کرنے کا منصوبہ کھٹائی میں پڑ گیا

29 نومبر کو ہونے والی مصنوعی بارش کی تیاریاں نہ ہوسکیں

ٹینکی والا جہاز خراب ، اڑان نہیں بھر سکتا – ذرائع

پنجاب کے پاس ایک ہی ٹینکی والا جہاز ہے – ذرائع

ٹڈی دل سے نمٹنے کے لئے جہاز استعمال ہوتا تھا – ذرائع

جہاز کے بغیر کوئی ٹیکنالوجی پاکستان کے پاس موجود نہیں – ذرائع

ترقی پذیر ممالک میں ڈرون بھی مصنوعی بارش کے لئے استعمال کئے جاتے ہیں-

پاکستان کے پاس کیمیکل برسانے والا ڈرون بھی موجود نہیں-

انٹر نیشنل

محبت کی پرواز: بوئنگ 747 میں 350 مہمانوں کے ساتھ انوکھی شادی

شادی کا دن یادگار بنانے کی خواہش ہر جوڑے کے دل میں ہوتی ہے اور مالی آسودگی کے حامل افراد باآسانی اسے پورا بھی کرلیتے ہیں۔ متحدہ عرب امارات سے تعلق رکھنے والے ایک جوڑے نے بھی اپنی شادی کچھ منفرد طریقے سے یادگار بنائی۔

اس جوڑے نے دوران پرواز ہوائی جہاز میں شادی کی۔ دلہن کے والد جو متحدہ عرب امارات ایک تاجر ہیں، شادی کو منفرد بنانے کے انتظامات کیے۔

دلیپ پوپلے نے بوئنگ 747 کرایہ پر لیا اور تین گھنٹے میں دبئی سے عمان کے لیے اڑان بھری۔ ان کی بیٹی ودھی پوپلے کی شادی اسی دوران ہردیش سائینی سے ہوئی ۔

میڈیا کے ارکان، قریبی دوستوں اور اہل خانہ سمیت تقریبا 350 مہمانوں نے اس شادی میں شرکت کی۔

بارات دبئی کے جیٹیکس وی آئی پی ٹرمینل پر پہنچی جو المکتوم ہوائی اڈے کے قریب ہے تو جشن کا آغاز ہو گیا۔

طیارے میں سوار ہونے سے قبل مسافروں نے اپنے بورڈنگ پاسز کے ساتھ تصاویر بنوائیں۔

ہوائی جہاز کو شادی کے مطاب اپنی مرضی سے سجایا گیا تھا۔ ہر سیکشن میں ایک چھوٹا سا پروٹیکٹر نصب کیا گیا تھا تاکہ مہمان رسومات دیکھ سکیں۔

پرجوش مہمان انوکھی شادی سے خاصے خوش دکھائی دہے اور بالی ووڈ گانوں پررقص بھی کیا۔

تقریب کے دوران مہمانوں کو روایتی بھارتی پکوان پیش کیے گئے جن میں مشروم پلاؤ، پالک پنیر اور دال مصالحہ سمیت دیگر شامل تھے۔

شوبز

وقار ذکا نے نِدا یاسر کو آڑے ہاتھوں لے لیا، کارٹون پروگرام شروع کرنے کا مشورہ

پاکستان کے معروف یوٹیوبر وقار ذکا نے مارننگ شو میزبان نِدا یاسر کی جانب سے عائد کیے جانے والے الزامات کا جواب دیا ہے۔

سماجی رابطے کی ویب سائٹ ایکس پر وقار ذکا نے اس حوالے سے ایک ویڈیو شیئر کی جس میں انہوں نے نِدا یاسر سے متعلق الزامات کی تردید کی ہے۔

وقار ذکا نے ویڈیو میں کہا کہ انہوں نے نِدا یاسر کو ایک معقول وجہ کے سبب نجی چینل سے نکلوانے کیلئے کہا تھا۔

وقار ذکا نے نِدا یاسر کے بیان پر ردِعمل دیتے ہوئے ان کے 2020 میں آن ائر ہونے والے ایک شو کا حوالہ دیا ہے۔

نِدا یاسر نے 2020 میں کراچی میں ریپ کا نشانہ بننے والی 5 سالہ بچی کے والدین کو اپنے مارننگ شو میں مدعو کیا تھا، شو کے دوران پوچھے گئے نامناسب سوالات پر صارفین نے انہیں شدید تنقید کا نشانہ بنایا تھا۔

جس کے بعد نِدا یاسر نے جھوٹ بولتے ہوئے کہا تھا کہ انہوں نے متاثرہ بچی کے والدین سے خود رابطہ نہیں کیا تھا بلکہ ایک سماجی تنظیم کے تحت ان والدین نے ان سے رابطہ کیا تھا۔

وقار ذکا نے ویڈیو میں نِدا یاسر کو شدید تنقید کا نشانہ بناتے ہوئے میزبانی چھوڑنے کا مشورہ دیتے ہوئے کارٹون جیسا کوئی پروگرام شروع کرنے کا کہا ۔

واضح رہے کہ نِدا یاسر نے ایک شو میں وقار ذکا سے متعلق کہا تھا کہ انہوں نے مجھے چینل سے نکلوانے کی کوششیں کی تھیں۔

نِدا یاسر کا شمار پاکستان کی مشہور مارننگ شو کی کامیاب ترین میزبان میں ہوتا ہے۔ وہ تقریباً 14 سال سے شو کی میزبانی کر رہی ہیں۔

سوشل میڈیا پران کے شو سے آئے دن ویڈیوز وائرل ہوتی رہتی ہیں، جن پر صارفین کی جانب سے مزاحیہ تبصرے سامنے آتے ہیں۔

اہم خبریں, پاکستان

نیب نے احد چیمہ کو آمدن سے زائد اثاثوں کے ریفرنس میں کلین چٹ دیدی

احد چیمہ کی بریت کی درخواست پر نیب کی جمع کرائی گئی رپورٹ خبریں نے حاصل کرلی

احد چیمہ کے خلاف آمدن سے زائد اثاثوں کانیب ریفرنس نہیں بنتا۔ نیب رپورٹ

احد چیمہ کے تمام اثاثے انکی آمدن سے مطابقت رکھتے ہیں۔نیب رپورٹ

احد چیمہ کے مبینہ بے نامی داروں نے اپنی ذاتی انکم سے پراپرٹیز بنائیں۔رپورٹ

احد چیمہ کے مبینہ بے نامی داروں کی پراپرٹیز کو احد چیمہ سے لنک نہیں کیا جا سکتا۔ رپورٹ

احد چیمہ کے رشتہ داروں سعدیہ منصور،منصور احمد اور نازیہ اشرف کے اکاونٹس احد چیمہ کے بے نامی اکاونٹس نہیں۔رپورٹ

ری انوسٹی گیشن کے مطابق احد چیمہ کی کل آمدن 213 ملین اور اخراجات 131 ملین ہیں۔رپورٹ

احد چیمہ کے بنائے گئے اثاثے انکی آمدن کے مطابق ہی ہیں۔رپورٹ

ری انوسٹی گیشن کے دوران احد چیمہ نے اپنی انکم اور منافع سے متعلق ریکارڈ نیب کو فراہم کیا۔رپورٹ

احد چیمہ کی جانب سے جمع کرائے گئے ریکارڈ کی تصدیق کی گئی، ریکارڈ درست ثابت ہوا۔ رپورٹ

احد چیمہ کے اثاثے انکی آمدن سے مطابقت رکھتے ہیں،نیب کیس نہیں بنتا۔ نیب رپورٹ

نیب نے احتساب عدالت سے احد چیمہ کی بریت کی درخواست پر قانون کے مطابق فیصلہ کرنے کی استدعا کردی