لاہور: (ویب ڈیسک) حکومت کے خلاف فیصلہ کن مہم کے معرکہ کے لیے مسلم لیگ ن کے مہنگائی مارچ کا لاہور سے آغاز ہو گیا۔
لانگ مارچ سے قبل پاکستان مسلم لیگ ن کی نائب صدر مریم نواز اور پنجاب اسمبلی میں اپوزیشن لیڈر حمزہ شہباز میں ملاقات ہوئی، اس ملاقات کے دوران اہم امور پر تبادلہ کے ساتھ مختلف امور پر مشاورت کی گئی۔ اس دوران قافلے پہنچنے سے قبل کارکنوں کی تعداد اور روٹس سمیت دیگر معاملات پر تفصیلی بریفنگ دی گئی۔
بریفنگ میں بتایا گیا کہ لاہور میں کئی مقامات اور دیگر اضلاع سے ہزاروں کارکنان پہنچ چکے۔
قائدین کی طرف سے بتایا گیا کہ ہم نکلنے سے پہلے حکومت کو واضح بتاتے ہیں ہمارے کسی قافلے کو نہ روکا جائے اور نہ کوئی رکاوٹ ڈالی جائے ورنہ انجام بہت برا ہوگا۔
پاکستان مسلم لیگ ن کی نائب صدر مریم نواز نے کہا کہ اتنی بڑی تعداد سے سٹرکوں پر نکل کر یہ ثبوت دیدیا کہ یہ حکومت فیل ہوچکی، عمران نیازی اور ان کی ٹیم یہ ن لیگ کے شیروں کو دیکھ کر پریشان ہوچکی۔ اب یہ قافلے رکنے والے نہیں۔
مہنگائی مکاؤ مارچ میں عوام سے شرکت کی اپیل کرتے ہوئے انہوں نے کہا کہ مسلم لیگ ن کے قائد نوازشریف کی کال پر سب اپنے گھروں سے نکلیں اور مہنگائی کا عذاب نازل کرنے والوں کو آخری دھکا دیں، مریم نوازاور حمزہ شہبازکے ساتھ نکلو اور ظالم حکومت سے نجات حاصل کرو ، مہنگائی مکاؤ مارچ عوام کو ہر روز کی مہنگائی سے نجات دلائے گا۔
لیگی صدر کا کہنا تھا کہ عوام جان لیں، ان کا حق موجودہ کرپٹ نالائق حکمران کھا گیا، وہ نہ نکلے تو پورا پاکستان کھا جائے گا، عوام گھروں سے نکل کر جھوٹے حکمرانوں پر ثابت کردیں ان کی چالاکیاں اب نہیں چلیں گی، مہنگائی سچ ہے، کرپشن سچ ہے، نالائقی سچ ہے، اس سچ کے لئے عوام گھروں سے نکلیں۔
شہباز شریف کا کہنا تھا کہ ساڑھے 3 سال سے قوم سے جھوٹ پر جھوٹ بولنے والا، اب نئے جھوٹ بول رہا ہے، عوام اسے مسترد کریں، کرپٹ حکمران اپنی ڈوبتی سیاست کے لئے عوام کو گمراہ کررہا ہے، اس کے جھوٹ کے خلاف عوام گھروں سے نکلیں ، اپنی بھرپور شرکت سے عوام پیغام دیں وہ مہنگائی اور اسے لانے والی حکومت دونوں کو مسترد کرتے ہیں۔

پاکستان مسلم لیگ (ن)کے صدر اور قائد حزب اختلاف شہبازشریف نے عوام سے مہنگائی مکاﺅ مارچ میں بھرپور شرکت کی اپیل کرتے ہوئے کہا ہے کہ نوازشریف کی کال پر سب اپنے گھروں سے نکلیں اور مہنگائی کا عذاب نازل کرنے والوں کو آخری دھکا دیں ، اپنے ایک بیان میں شہباز شریف نے کہا کہ مریم نوازاور حمزہ شہبازکے ساتھ نکلو اور ظالم حکومت سے نجات حاصل کرو ،مہنگائی مکاﺅ مارچ عوام کو ہر روز کی مہنگائی سے نجات دلائے گاعوام جان لیں، ان کا حق موجودہ کرپٹ نالائق حکمران کھاگیا، وہ نہ نکلے تو پورا پاکستان کھا جائے گا عوام گھروں سے نکل کر جھوٹے حکمرانوں پر ثابت کردیں کہ ان کی چالاکیاں اب نہیں چلیں گی، شہباز شریف نے کہا کہ مہنگائی سچ ہے، کرپشن ایک سچ ہے، نالائقی ایک سچ ہے، اس سچ کے لئے عوام گھروں سے نکلیں ساڑھے تین سال سے قوم سے جھوٹ پہ جھوٹ بولنے والا، اب نئے جھوٹ بول رہا ہے، عوام اسے مسترد کریں ،کرپٹ حکمران اپنی ڈوبتی سیاست کے لئے عوام کو گمراہ کررہا ہے، اس کے جھوٹ کے خلاف عوام گھروں سے نکلیں اپنی بھرپور شرکت سے عوام پیغام دیں کہ وہ مہنگائی اور اسے لانے والی حکومت دونوں کو مسترد کرتے ہیں، انہوں نے کہا کہ مہنگائی مکاﺅ مارچ ملک سے نالائقی، نااہلی، کرپشن ، مہنگائی جیسے مسائل کے خاتمے کی تحریک کا آغاز ہے، ملک آج جن سنگین مسائل، خطرات اور خدشات میں گھرا ہوا ہے ، ان سے نجات میں عوام کو کردار ادا کرنا ہوگا تاریخ کی اس فیصلہ کن گھڑی عوام کا فرض ہے کہ وہ جھوٹ، کرپشن اورمہنگائی کے ظلم پر حکومت کے خلاف نکلے، یاد رکھیں کہ کرپشن سے آپ اور آپ کے بچے غریب ہورہے ہیں، مہنگائی سے آپ کی زندگی اس حکومت نے حرام کی ہے پورے ملک اور عوام کی بربادی اس حکومت نے کی ہے، بھرپور شرکت کرکے ظالم حکمرانوں کے خلاف کلمہ حق کہیں ان شااللہ، ہم سب مل کر اس ظالم، آٹا چینی بجلی گیس دوائی کھاد چور حکومت سے پاکستان کو نجات دلائیں گے۔

چیئرمین پیپلزپارٹی بلاول بھٹو نے کہا ہے کہ مدینہ کی ریاست تو اخلاقیات پر مبنی تھی لیکن عمران کی ریاست گالی اور جادو پر مبنی ہے۔

پاراچنار میں پیپلزپارٹی کے جلسے سے خطاب کرتے ہوئے انہوں نے کہا کہ عمران خان مدینہ کی ریاست کی باتیں کرتا ہے، یہ مدینہ کی ریاست کے نام کی توہین ہے، ریاست مدینہ کا نام لینے والے وزرا اپنی زبانوں سے گالیاں بھی نکلاتے ہیں، مدینہ کی ریاست تو اخلاقیات پر مبنی تھی لیکن عمران کی ریاست گالی اور جادو پر مبنی ہے، مدینہ کی ریاست میں یہ ممکن ہی نہیں کی ریلیف صرف امیروں کے لیے ہو اور غریوبں کو محنت کا صلہ نہ ملے۔

انہوں نےکہا کہ ہم شہید ذوالفقار علی بھٹو کے فلسفے پر سیاست کرنا چاہتے ہیں، میں اپنی شہید والدہ کے مشن کو آگے لے کر چلنا چاہ رہا ہوں۔

ان کا کہنا تھا ہم ملک بھر کے شہدا کےوارث ہیں، اور ہم اپنے شہدا کے خون پر سودا نہیں کر سکتے، دہشتگردوں کے سامنے جھک نہیں سکتے، پی پی پی ضیاالحق کے دور میں اور مشرف دور میں بھی کسی کی سامنے نہیں جھکے، نا اب اس سلیکٹد حکومت کے سامنے جھکیں گے۔

انہوں نے کہا کہ ہمنے پہلے دن سے اس دھاندلی زدہ سلیکٹڈ حکومت کو تسلیم نہیں کیا، جب ہم نے پارلیمنٹ میں اس کو سلیکتد کا نام دیا تو یہ خود تالیان بجا رہا تھا، یہ آپ کا نہیں کسی اور کا وزیراعظم ہے۔

انہوں نے کہا کہ ایک کروڑ نوکریوں کا وعدہ کہا گیا؟ پڑھے لکھے نوجوان 2،2 ڈگریاں لے کر دھکے کھا رہے ہیں لیکن روزگار نہیں مل رہا، 50 لاکھ گھروں کا بھی وعدہ کیا گیا، آئی ایم نہ جانے کا دعویٰ کیا گیا اور کہا تھا کہ خودکشی کرلوں گا لیکن آئی ایم نہیں جاؤں گا، ان کا ہر وعدہ جھوٹ نکلا، انہوں نے آئی ایم ایف معاہدے میں ملک کی خودمختاری کا سودہ کیا۔

انہوں نے کہا کہ حکومت کی ناکامی کا بوجھ عوام مہنگائی کی صورت میں اٹھا رہے ہیں، ان کی معاشی پالیسیوں کی وجہ سے پاکستان معاشی بحران کا سامنا کررہا ہے، ریلیف کا مطالبہ کریں تو کہتے ہیں پیسہ نہیں ہے لیکن اپنی اےٹی ایم مشینوں کو ایمنیسٹی اسکیم دیا جارہا ہے، بجٹ میں پسندیدہ لوگوں کو ریلیف دیا جارہا ہے۔

انہوں نے سوال کیا کہ جب جنگ ہار رہے ہوں تو کیا گالی دینا اچھی بات ہے؟ میں نے کبھی پارلیمان میں کھڑے ہوکر کسی کو گالی نہیں دی۔

اسلام آباد: (ویب ڈیسک) وزیر داخلہ شیخ رشید احمد نے کہا ہے کہ وزیر اعظم اور کابینہ کی منظوری سے فوج بھی طلب کی جا سکتی ہے، دھرنا دینے والوں کو دھر لیا جائے گا۔
وزیر داخلہ شیخ رشید احمد نے پریس کانفرنس کرتے ہوئے کہا کہ سیاسی جماعتوں کو جلسوں کی اجازت دی گئی ہے اور کل تحریک انصاف کا تاریخی جلسہ ہو گا۔ اسلام آباد ہائی کورٹ میں پٹیشن بھی جمع کرائی ہے۔
انہوں نے کہا کہ لوگ کل اسلام آباد آ رہے ہیں اس میں رکاوٹ ڈالنے کی کوشش کی جا رہی ہے اس لیے سری نگر ہائی وے رینجرز اور ایف سی کے حوالے کر دی ہے۔ امن و امان کے لیے 15 ہزار اہلکار تعینات کیے گئے ہیں۔
شیخ رشید احمد نے کہا کہ ن لیگ نے سری نگر ہائی وے کی درخواست دی جسے ہم نے مسترد کیا ہے اور جمعیت علمائے اسلام (جے یو آئی) ف کے سینیٹر نے کہا ہے کہ ہم قانون کی پاسداری کریں گے۔ عدالت کے احکامات پر ہم سختی سے عمل کریں گے تاہم اسپیشل برانچ سے اطلاعات ہیں اپوزیشن بوکھلاہٹ کا شکار ہے۔
انہوں نے کہا کہ تحریک انصاف کی ریلیوں میں رکاوٹ ڈالی جارہی ہے تاہم 2 ہزار رینجرز، 2 ہزار ایف سی اور 2 ہزار دیگر اہلکار سرینگر ہائی وے پر تعینات ہوں گے۔ اسلام آباد میں جلسے کی سب کو اجازت ہے تاہم دھرنے کی اجازت کسی کو نہیں۔ جے یو آئی کو اگر کل بھی جلسہ کرنا ہے تو نئی درخواست دینی ہوگی اور ایچ نائن گراؤنڈ جے یو آئی کو دیا ہے۔
وزیر داخلہ نے کہا کہ اپوزیشن کی تمام جماعتوں اور اراکین کو تحفظ دیں گے۔ منحرف لوگ اسلام آباد کے فائیو اسٹار ہوٹلوں میں مزے کر رہے ہیں تاہم اللہ کو منظور ہوا تو اتحادی ہمارے ساتھ ہوں گے۔ ساری دنیا کی نظریں پاکستان کی جانب مبذول ہیں۔ اگر کسی نے قانون کو ہاتھ میں لیا تو قانون ان کو ہاتھ میں لے گا۔
موجودہ صورتحال پر مزید بات کرتے ہوئے انہوں نے کہا کہ ملک میں غیر یقینی کی صورتحال سے دشمن فائدہ اٹھا سکتا ہے۔ اہم دن ہے اس لیے سیاسی جماعتوں کو ذمہ داری کا مظاہرہ کرنا ہو گا اور میں بتا نہیں سکتا کہ ملک دشمنوں کا ایجنڈا کیا تھا تاہم عدم اعتماد کی تحریک ختم ہونے کے بعد بریکنگ دوں گا۔ وزارت داخلہ وزیر اعظم اور کابینہ کی منظوری سے فوج بھی طلب کر سکتی ہے۔
شیخ رشید احمد نے کہا کہ اللہ نہ کرے کہ ایسی صورتحال پیدا ہوجائے کہ فوج بلانی پڑے اسی لیے اپوزیشن والوں سے کہہ رہا ہوں ٹکراؤ سے گریز کریں اور ہماری کوشش ہے کہ یہ 7دن خوش اسلوبی سے گزریں۔ عمران خان ان دنوں بہت مقبول ہوئے ہیں جبکہ وزیر اعظم کو گورنر راج کی تجویز دی تھی جو مسترد کر دی گئی۔ میری رائے ہے کہ وقت سے پہلے انتخابات کی طرف جانا چاہیے۔
انہوں نے کہا کہ عمران خان میری رائے سے اتفاق کرتے ہیں تو صحیح ہے۔ عمران خان کو کہا ہے بجٹ کے بعد الیکشن کی جانب جانا چاہیے۔ میں عمران خان کے ساتھ کھڑا ہوں اور میں جس شخص کو جانتا ہوں ان کا نام عمران خان ہے۔ امتحان کے وقت دوست ساتھ کھڑا ہوتا ہے۔
وزیر داخلہ نے کہا کہ سپریم کورٹ نے کہا ہے کہ امن و امان کو برقرار رکھیں اور ہم امن و امان برقرار رکھنے کے پابند ہیں۔ ریڈ زون میں کسی کے داخلے کی اجازت نہیں ہو گی اور راولپنڈی کی ریلی سب سے بڑی ریلی ہو گی۔ دبئی میں جو بیٹھا ہے ہم اسے گرفتار کریں گے۔
انہوں نے کہا کہ ڈی جی ایف آئی کو کہا ہے جو پاک فوج کے خلاف مہم چلا رہے ہیں ان کو گرفتار کریں۔ کسی نے دھرنا دیا تو ہائیکورٹ سپریم کورٹ کے احکامات پر عمل کریں گے اور دھرنا دینے والے دھر لیے جائیں گے۔ کہاں گیا ان کا ووٹ کو عزت دو کا بیانیہ ؟ اسلام آباد کی فضاعمران خان کے حق میں بدل چکی ہے اور حالات بہتری کی جانب دیکھ رہا ہوں۔
انہوں نے کہا کہ ناظم جوکھیو کے قتل میں نامزد ملزم دبئی سے آ رہے ہیں اور جام عبد الکریم کو گرفتار کر کے سندھ پولیس کے حوالے کیا جائے گا۔ دیکھیں گے کہ جام عبد الکریم کا نام انٹرپول اورای سی ایل میں کیسے ڈالا جائے۔