لاہور: (ویب ڈیسک) پینٹس اور کوٹنگز کی دنیا میں صف اول کا درجہ رکھنے والی کمپنی ایگزونوبل پاکستان لمیٹڈ نے پاکستان میں پینٹ بنانے کیلئے ایک نئے پلانٹ کی تعمیر کا اعلان کیا ہے۔
علامہ اقبال انڈسٹریل سٹی فیصل آباد میں لگائے جانے والا یہ جدےد پلانٹ 25ایکڑ پر محیط ہوگا جس میں لائحہ عمل کے مطابق 2023َءمیں پینٹ بنانے کے عمل کا باقاعدہ آغاز کر دیا جائے گا۔
خوبصورت ڈیزائن اور جدید ٹیکنالوجی سے آراستہ پلانٹ ہر سال پیداوار کو بڑھانے کی بھرپور صلاحیت رکھتا ہے۔ جس کے تحت پانچ سال تک سالانہ پیداوار میں اضافے کا پلان بھی تیار کر لیا گیا ہے۔ اس منصوبے کے مطابق کمپنی نہ صرف تیزی سے ترقی کی راہ پر گامزن ہوگی، بلکہ اسکے ساتھ ساتھ صارفین کے لئے بلا تفریق بہترین مسابقت کے مواقع بھی فراہم کئے جائیں گے۔
ایگزونوبل کے چیف ایگزیکٹیو آفیسر مبشر عمر کا کہنا ہے کہ ادارے کی بین الاقوامی مڈٹرم کاروباری حکمت عملی کے مطابق پاکستان میں کاروبار کو ترقی دی جا رہی ہے۔ ایگزونوبل 2.75 ارب روپے کی براہ راست غیر ملکی سرمایہ سے پاکستانی مارکیٹ میں اپنا شیئر بڑھانے کا بھرپور عزم رکھتی ہے۔ انہوں نے کہا کہ فیصل آباد میں لگائے جانے والا یہ پلانٹ کمپنی کی مضبوط بنیادوں کو مزید مستحکم کرتے ہوئے نئے سنگ ِمیل طے کرتاچلا جائے گا۔ایگزونوبل کی جانب سے نئے پلانٹ میں کی گئی سب سے بڑی سرمایہ کاری درحقیقت پاکستانی مارکیٹ پر مکمل اعتماد اور بھروسے کی بھرپور عکاسی کرتی ہے۔
چیف ایگزیکٹو ایگزونوبل پاکستان لمیٹڈ کا مزید کہنا ہے کہ انہیں پاکستانی مارکیٹ میں پینٹس اور کوٹنگز کے کاروبار میں وسیع المدتی مواقع دکھائی دیتے ہیں۔ فیصل آباد کے انڈسٹریل ایریا میں قائم کیے جانے والا یہ ماحول دوست پلانٹ اس بات کا آئینہ دار ہے ،کہ نہ صرف مختلف اقسام کے پینٹس کی موجودہ طلب کو احسن طریقے سے پورا کیا جائے گا بلکہ اندازے کے مطابق مستقبل میں تیزی سے بڑھتی ہوئی طلب جیسے چیلنجز سے بھی باآسانی نمٹا جا سکے گا۔ پلانٹ کے تعمیراتی ڈھانچے میں پیداواری صلاحیت کے ساتھ ساتھ، سیفٹی کو بڑھانے، مزید م¶ثر پیداوار اور پراڈکٹس کو بہترین طریقے سے سنبھالنے کی بھرپور گنجائش بھی موجود ہے۔
پاکستان کے ماحول دوست کاروبار میں سب سے آگے:
People, Planet , Paint ہمارا مقصد ہے جو کہ ایگزونوبل کے اٹھائے گئے ہر قدم کے ساتھ مضبوطی سے جڑا ہوا ہے اور پاکستان میں مستحکم اور دور رس کاروبار کے حصول میں مسلسل رہنمائی فراہم کرتا ہے۔
ایگزونوبل پہلی پینٹس و کوٹنگز کمپنی ہے جسے ”سائنس بیسڈ ٹارگٹس اِنی شیٹیو” (SBTI) کی منظوری دی گئی ہے تاکہ 2030 ءتک کمپنی اپنی پوری ویلیو چین سے کاربن مادوں کے اخراج میں 50 فیصد کمی کرنے کے عزم کو پا ےہءتکمیل تک پہنچا سکے۔ ایک ذمہ دار کاروباری ادارے کے طور پر ایگزونوبل پاکستان اپنے تمام معزز صارفین کے لیے ماحول دوست پینٹ پروڈکٹس فراہم کرنے میں ہمہ وقت کوشاں ہے ،تاکہ ماحول کو کاربن کے مضر اثرات سے ممکنہ حد تک محفوظ رکھا جاسکے۔ فیصل آباد میں قائم ہونے والے نئے پلانٹ میں سولر پینل کے ذریعے ماحول دوست بجلی پیدا کرنا، استعمال شدہ پانی کو دوبارہ قابل استعمال بنانا اور توانائی کی بچت جیسے چند منصوبے عملی طور پر ایگزونوبل کی اولین ترجیحات کی ترجمانی کرتے ہیں۔
ایگزونوبل کا تعارف:
ہم ترجیحی بنیادوں پر ماحول دوست اور جدت سے بھرپور پینٹس اور کوٹنگز فراہم کرتے ہیں۔ جس کی بدولت دنیائے صارفین اور مختلف اداروں کے اعتماد میں مسلسل اضافہ ہوتا چلا جا رہا ہے۔ ہمارے پورٹ فولیو میں شامل ورلڈ کلاس برانڈز جیسا کہ Dulux, International, Sikkens and Interpon صارفین کے بھرپور اعتماد کی وجہ سے دنیا بھر میں جانے اور مانے جاتے ہیں۔ 150 ممالک میں سرگرم عمل یہ کمپنی People, Planet , Paint جیسے لازوال مقاصد کی روشنی میں، انڈسٹری لیڈر رہنے کے عزم کو برقرار رکھتے ہوئے ،سائنسی بنیادوں پر اہداف کے حصول اور آنے والی نسلوں کے روشن مستقبل کے لئے مسلسل اور عملی جدوجہد جاری رکھے ہوئے ہے۔
