اسلام آباد (ویب ڈیسک) وفاقی وزیر بین الصوبائی رابطہ ریاض پیرزادہ سے زمبابوے کے وزیر کھیل نے ملاقات کی جس میں دونوں ممالک کے درمیان کھیلوں کے فروغ کے لئے اقدامات اٹھانے پر اتفاق کیا گیا ۔ تفصیلات کے مطابق دونوں رہنماﺅں کے درمیان بدھ کے روز یہاں ہونے والی ملاقات میں زمبابوے کے وزیر کھیل نے پاکستان میں پی ایس ایل فائنل کے انعقاد پر خوشی کا اظہار کیا اور اس کے لئے بہتر سکیورٹی انتظامات پر حکومت کو مبارک باد دی ۔ وفاقی وزیر ریاض پیرزادہ کی جانب سے نہ صرف زمبابوے کی کرکٹ ٹیم کو باضابطہ پاکستان آنے کی دعوت دی گئی بلکہ اس حوالے سے مناسب اقدامات اٹھانے کی یقین دہانی کرائی گئی جبکہ پی ایس ایل فائنل کے انعقاد اور اس کے لئے حکومتی اقدامات کو سراہنے پر زمبابوے کے وزیر کا شکریہ ادا کیا گیا ۔

لاہور ( نیوز ڈیسک ) پی ایس ایل فائنل دیکھنے کیلئے قذافی اسٹیڈیم آنے والے شائقین کیلئے ہدایت نامہ جاری کیا گیا ہے جس پرعمل کرنا سب کیلئے لازم ہوگا۔کرکٹ کے شائقین کا جنون عروج پر پہنچ گیا ہے لیکن پی ایس ایل فائنل دیکھنے کیلئے قذافی اسٹیڈیم آنے والے شائقین کیلئے ایک ہدایت نامہ جاری کیا گیا ہے جس پرعمل کرنا سب کیلئے لاذم ہوگا۔ ہدایت نامے کے مطابق شائقین کو اپنے ساتھ صرف ٹکٹ ہی نہیں بلکہ اصل شناختی کارڈ بھی لانا ہوگا تاہم شناختی کارڈ کی فوٹو کاپی بھی نہیں قبول نہیں کی جائے گی۔ میچ دیکھنے آنےوالے شائقین اپنا موبائل گھرچھوڑکر آئینگے اورسگریٹ، ماچس، لائٹر اوربیٹری جیسی کوئی چیزاسٹیڈیم میں نہیں لائی جاسکے گی۔شائقین کومیچ کے دوران انجوائے کرنے کیلئے نعروں پرہی گزارا کرنا پڑے گا کیونکہ اسٹیڈیم میں ڈھول اورباجا لانے پربھی پابندی ہے جب کہ اسٹیڈیم میں سافٹ ڈرنکس، چپس یا کھانے کی کوئی دوسری چیز لے جانا بھی منع ہے۔میچ دیکھنے آنے والوں کوذہنی اورجسمانی طورپربھرپورتیاری سے آنے کی ہدایت کی گئی ہے، قذافی اسٹیڈیم کے قریب کہیں بھی پارکنگ کی اجازت نہیں ہوگی اورکینال روڈ پر ایف سی کالج میں گاڑیاں اورموٹرسائیکلیں پارک کرنا ہوں گی۔ لبرٹی مارکیٹ کی پارکنگ میں جانے کی اجازت ہوگی جب کہ ان دونوں مقامات سے پیدل مارچ کرتے ہوئے اسٹیڈیم پہنچنا ہوگا۔