اسلام آباد (ویب ڈیسک) صدر مملکت ممنون حسین نے کہا ہے کہ یوم پاکستان پریڈ نے قوم کے جذبوں کو جلابخشی ، دشمن پر دھاک بیٹھ گئی اور ثابت ہو گیا کہ پاکستان ملک کے دفاع کے لئے سینہ سپر ہے ۔پاکستان کی عزت اور سربلندی کے لئے اپنے جذبے بلند رکھیں ۔ پاک فوج کو جدید خطوط سے آراستہ کر کے اندرونی و بیرونی سازشوں کو ناکام بنائیں گے ۔ ان خیالات کا اظہار انہوں نے ہفتے کے روز یہاں یوم پاکستان پریڈ کے منتظمین کو اعزازات دینے کے حوالے سے منعقدہ تقریب سے اپنے خطاب میں کیا ۔ صدر مملکت نے کہا کہ 23 مارچ کو یوم پاکستان کے موقع پر شاندار پریڈ کے انعقاد پر مسلح افواج سمیت پوری قوم کو مبارکباد پیش کرتا ہوں۔ یوم پاکستان پریڈ دفاع ، استعداد کار اور نظم و ضبط کی بہترین مثال ہے جس نے قوم کے جذبون کو جلا بخش دی ہے پریڈ میں قوم کا وہی جذبہ ہوتا ہے جو قیام پاکستان کے وقت ہمارے بزرگوں کا ہونا تھا ۔ پریڈ می ایک طرف چین ، سعودی عرب اور ترکی کی شرکت نے ہماری خوشیوں کو دوبالا کر دیا ہے تو دوسری طرف اس میں بھرپور قوت کے استعمال سے نہ صرف دشمن پر دھاک بیٹھ گئی ہے بلکہ ان کی آنکھیں بھی خیرہ ہو گئی ہیں اور یہ بھی ثابت ہو گیا کہ پاک فوج وطن کے دفاع کے لئے سینہ سپر ہے ۔ انہوں نے کہا کہ افواج پاکستان نے ہر مشکل گھڑی میں قوم کی خدمت کی ہے آپریشن ”ردالفساد “ بھی پاک فوج کی قومی خدمت اور دہشتگردی کے خلاف ہمارے عزم کا بھرپور اظہار ہے تاہم دفاع وطن کے لئے پاک فوج کو جدید تقاضوں سے ہم آہنگ کرنے کی ضرورت ہے جس کے لئے حکومت پرعزم ہے اور سنجیدگی کے ساتھ کام کر رہی ہے کیونکہ پاک فوج کو جدید خطوط سے آراستہ کر کے ہی دشمن کو زیر اور اندرونی و بیرونی سازشوں کو بے نقاب کیا جا سکتاہے ۔ صدر ممنون حسین نے دہشتگردی کے خلاف جنگ میں جان کی قربانیاں دینے والوں کو خراج تحسین پیش کیا اور کہا کہ پاکستان کی عزت اور سربلندی کے لئے مسلح افواج اور تمام پاکستانی اپنے جذبے اسی طرح جوان رکھی۔ انشاءاللہ بہت جلد پاکستان مسائل پر قابو پا کر ایک مضبوط اور ناقابل تسخیر ملک بن جائے گا ۔ صدر مملکت نے اس موقع پر 23 مارچ کو یوم پاکستان پریڈ کے منتظمین کو اعزازات سے نوازا اور قومی دن پر عوام میں قومی جذبہ اجاگر کرنے کے لئے کردار ادا کرنے پر ان کو مبارکباد اور خراج تحسین پیش کیا ۔

فیصل آباد(ویب ڈیسک)سکیورٹی خدشات صدر مملکت کا دورہ فیصل آباد ملتوی ۔تفصیل کے مطا بق صدر مملکت ممنون حسین نے آج 2مارچ کو ایک روزہ دورے پر فیصل آباد آنا تھا یہاں انہوں نے نیشنل یو نیورسٹی آف ٹیکسٹا ئل ا نجینرنگ کے کا نو کیشن میں شرکت کر نا تھی جس کو سکیورٹی خدشات کی وجہ سے ملتوی کر دیا گیا۔ یو نیورسٹی کا کا نوکیشن بھی ملتوی کر دیا گیا ۔نئے شیڈول کا اعلان بھی نہیں کیا گیا۔ صدر پا کستان کا متوقع دور پی ایس ایل کے لا ہور میں ہو نے والے فا ئنل کے بعد متوقع ہے۔

اسلام آباد (ویب ڈیسک) صدر مملکت ممنون حسین نے کہا ہے کہ دہشتگردی کی بزدلانہ کارروائیوں سے قوم کے حوصلے پست نہیں ہوں گے ۔ دہشتگردی کے خلاف قربانیاں دینے والوں کو ہمیشہ یاد رکھا جائے گا اور توقع ہے کہ طلبا مستقبل کی روشنیوں کے چراغ روشن کریں گے ہم اپنی ذمہ داری اس وقت پوری کر سکتے ہیں جب ہمارے بچوں کو مستقبل کا شعور ہو ۔ان خیالات کا اظہار انہوں نے فیڈرل بورڈ کے پوزیشن ہولڈرز کی تقریب تقسیم انعامات کے موقع پر کیا انہوں نے کہا کہ لاہور دھماکے نے ہماری آج کی خوشی کو گہنا دیا ہے اور ہم سانحہ لاہور کے شہداءکے خاندانوں کے غم میں برابر کے شریک ہیں اور شہداءکی مغفرت اور بلندی درجات کے لئے دعاگو ہیں ۔ صدر مملکت نے کہا ہے کہ دہشتگردوں کے بزدلانہ کارروائیوں سے قوم کے حوصلے پست نہیں ہوں گے اور دہشتگردوں کے مکمل خاتمے تک آپریشن ضرب عضب سمیت تمام کارروائیاں جاری رہیں گی۔ دہشتگردی کے خلاف قربانیاں دینے والے قوم کے محسن ہیں اور انہیں ہمیشہ یاد رکھا جائے گا پورا پاکستان سکیورٹی فورسز کے شانہ بشانہ کھڑا ہے انہوں نے کہا کہ توقع ہے کہ طلباءمستقبل کی روشنیوں کے چراغ روشن کریں گے ۔ وقت کے تقاضوں کے مطابق تعلیم حاصل کرنے والی قومیں بھی ترقی کرتی ہیں اور ہمیں ترقی کی منازل حاصل کرنے کے لئے علم و تحقیق پر خصوصی توجہ دینا ہو گی آج کے دور میں جدید ٹیکنالوجی کے بغیر علم کا اصول ممکن نہیں رہا اور ہم اس وقت تک اپنی ذمہ داری پوری کر سکتے ہیں جب ہمارے بچوں کو مستقبل کا شعور ہو ۔انہوں نے مزید کہا کہ پاک چین راہداری منصوبے سے پید اہونے والے امکانات سے فائدہ اٹھانے کا انحصار طلبہ پر ہے کہ وہ اس سے کتنا فائدہ حاصل کر سکتے ہیں پاکستان کے پاس بہترین افرادی قوت ہے اور وسائل کے درست استعمال اور شفافیت کی اہمیت بھی بڑھ گئی ہے جبکہ گزشتہ چند برسوں میں پاکستان کے حالات بہتر اور بدعنوانی میں کمی ہوئی ہے ہمیں چاہئے کہ روحجان کو برقرار رکھیں اور حالات مزید بہتر کریں انہوں نے کہا کہ پاکستان کی آبادی خواتین پر مشتمل ہے ان کی تعلیم پر خصوصی توجہ دینا ہو گی اور یہ بات خوش آئند ہے کہ 90 فیصد ایوارڈ بچویوں نے حاصل کئے ہیں انہوں نے مزید کہا کہ نئی نسل کو چاہئے کہ وہ بدعنوانی کے خلاف جہاد میں ہر اول دستے کا کردار ادا کریں ۔