All posts by Daily Khabrain

شریف فیملی کیخلاف نیب ریفرنسز میں اہم پیش رفت

اسلام آباد(ویب ڈیسک) سابق وزیراعظم بیٹی اورداماد کے ہمراہ احتساب عدالت میں پیش ہوگئے۔ سابق وزیر اعظم نواز شریف بیٹی مریم نواز اور داماد کیپٹن (ر) صفدر کے ہمراہ احتساب عدالت میں پیش ہوگئے۔ احتساب عدالت کے جج محمد بشیر شریف فیملی کے خلاف دائر 3 نیب ریفرنسز کی سماعت کررہے ہیں۔ سماعت کے لیے عدالت نے آفاق احمد، عذیرریحان اور غلام مصطفی کو بطور گواہ طلب کررکھا ہے اوروکیل خواجہ حارث گواہوں پر جرح بھی کریں گے۔دوسری جانب احتساب عدالت کے باہرڈیلی ویجزملازمین نے نوازشریف کی گاڑی روکی اورمستقلی اور تنخواہوں کی ادائیگی کے خلاف احتجاج کیا، مظاہرین نے وزیر مملکت طارق فضل چودہری کے خلاف نعرہ بازی کی جب کہ نوازشریف مظاہرین پر نظر ڈال کر بات کئے بغیر اندر چلے گئے۔

زینب قتل کیس , ڈی این اے رپورٹ نے بھانڈا پھوڑ دیا

لاہور(ویب ڈیسک) زینب قتل کیس میں پولیس اور مشترکہ تحقیقاتی ٹیم (جے آئی ٹی) کی جانب سے پیش کردہ اصل ملزم کو ڈی این اے ٹیسٹ نے بے قصور ثابت کردیا، جس کے بعد قاتل کی تلاش میں سرگرداں جے آئی ٹی زینب قتل کیس میں ایک مرتبہ پھر اندھیری گلی میں آ کھڑی ہوئی ہے اور اس کے پاس ملزم کا کوئی سراغ نہیں۔پولیس نے 23 سالہ عمر فاروق کو حراست میں لیا تھا جس کے بارے میں پولیس کو یقین تھا کہ وہ ہی زینب قتل کیس کا اصل ملزم ہے تاہم پیر کو آنے والی ڈی این اے رپورٹ نے عمر فاروق کو بے قصور ثابت کردیا۔معاملے کی تحقیقات کے لیے حکومت پنجاب کی جانب سے تشکیل کردہ جے آئی ٹی نے مشتبہ ملزم کے ڈی این اے کے نمونے ایک ہفتہ قبل پنجاب فارنسک سائنس ایجنسی میں بھیجے تھے۔جے آئی ٹی کی رپورٹ میں کہا گیا کہ پنجاب فرانزک سائنس ایجنسی (پی ایف سی اے) نے پیر (23 جنوری) مشتبہ شخص عمر فاروق کی زینب قتل کیس میں تصدیق نہیں کی۔

 

اللہ نہ کرے , آرمی چیف کے حوالے سے ڈی جی آئی ایس پی آر کا اہم بیان

لاہور (مانیٹرنگ ڈیسک، آئی این پی) ڈی جی آئی ایس پی آر آصف غفور نے کہا ہے کہ بھارت نے 2017میں سب سے زیادہ سیز فائر کی خلاف ورزیاں کیں بھارت نے سیز فائر معاہدے کی خلاف ورزیاں کیں۔ اور مسئلہ کشمیر سے ہماری توجہ ہٹانے کیلئے بھارت خلاف ورزی کرتا ہے۔ بھارت کو سرحد پر بھرپور جواب دیا جارہا ہے ملک میں استحکام بہت ضروری ہے ہم دہشتگردی کے خلاف جنگ لڑ رہے ہیں۔ پاکستان سے حقانی نیٹ ورک کے حملوں کا الزام بے بنیاد ہے حقانیوں کا تعلق افغانستان سے ہے آرمی چیف ملکی تاریخ میں پہلی بار سینیٹ میں گئے وہ قانون کی پاسداری پر یقین رکھتے ہیں جمہوریت کو کوئی خطرہ نہیں ہے ملک میں جمہوریت کا چلنا بہت ضروری ہے آرمی چیف جمہوریت کا احترام کرتے ہیں۔ اور اس کے ثمرات عوام تک پہنچتے رہنے چاہیے حقانی افغان ہیں اور وہی کارروائیاں کررہے ہیں۔ حقانی نیٹ ورک کیخلاف آپریشن کیا اور وہ افغانستان بھاگ گئے ضرب عضب میں حقانیوں کے ٹھکانے بھی تباہ کردیئے گئے بھارتی جارحیت کا مقصد ہماری توجہ دہشتگردی سے ہٹانا ہے پاک فوج عوام کی فوج ہے۔ جمہوریت کو فوج سے نہیں بلکہ غیر جمہوری ہتھکنڈوں سے خطرہ ہے اللہ نہ کرے کہ وہ وقت آئے کہ آرمی چیف الیکشن کا اعلان کریں۔ دوسری منتخب حکومت اپنی مدت پوری کررہی ہے اور دوسری طرف فوج کی طرف سے بھارت کو ایل او سی پر پھر جواب دیا جارہا ہے۔ میجرجنرل آصف غفور نے کہا ہے کہ آرمی چیف نے اپنے پیغام میں واضع کردیا ہے کہ ہم جنگ کیلئے اپنی طرف سے ابتداءنہیں کریں گے بھارت کی جانب سے حملے کی صورت میں ہم بھرپور جوابی کاروائی کریں گے ملک میں اندرونی استحکام بہت ضروری ہے غیر مستحکم حالات سے دشمن فائدہ اٹھاتے ہیں، استحکام کی صورت میں دشمن کو جواب دینا آسان ہوتا ہے، جمہوریت کو ہم سے کوئی خطرہ نہیں ، انتخابات مقررہ وقت پر الیکشن کمیشن نے کروانے ہیںہمیں الیکشن سے متعلق جو بھی حکم ملا تو اس پر عمل کریں گے، ملک میں جمہوریت کا چلنا بہت ضروری ہے ، آرمی چیف بھی جمہوریت کے حامی ہیں، آرمی چیف ملکی تاریخ میں پہلی بار سینیٹ میں گئے ، بھارت مسئلہ کشمیر دبانے کیلئے سیزیز فائر کی خلاف ورزی کررہا ہے، جمہوریت کے ثمرات عوام تک پہنچتے رہنے چاہیے، حقانی افغان ہیں اور ان کا تعلق افغانستان ہی سے ہے اور وہی کاروائیاں کررہے ہیں، یہاں حقانی نیٹ ورک کے خلاف آپریشن کیا گیا تو وہ واپس افغانستان بھاگ گئے، آپریشن ضرب عضب سے دہشتگردوں کے تمام ٹھکانے تباہ کردئیے تھے۔

 

گلوکارہ رابی پیرزادہ پشتو گانے کی تیاریوں میں مصروف

لاہور (شوبز ڈیسک)گلوکارہ و اداکارہ رابی پیرزادہ ایک اور تجربے میں مصروف ہو گئیں ۔ بتایا گیا ہے کہ رابی پیرزادہ ان دنوں ایک پشتو گانے کی تیاریوں میں مصروف ہیں اور عنقریب وہ اس گانے کی ریکارڈنگ شروع کر دی جائے گی ۔ یہ رابی پیرزادہ کے فنی کیریئر کا پہلا پشتو گانا ہو گا۔یہ امر قابل ذکر ہے کہ رابی پیرزادہ کو نت نئے تجربات کرنے کا جنون ہمیشہ سوار رہتا ہے اور وہ ہر وقت کچھ نہ کچھ نیا کرنے کی تگ و دو میں مصروف رہتی ہیں۔
علاوہ ازیں ان کا لاہور میں بننے والا دوسرا بیوٹی سیلون بھی مکمل ہو چکا ہے جس کا عنقریب افتتاح کر دیا جائے گا ۔

 

نیلم منیر ‘احسن خان کی فلم ” چھپن چھپائی “کا شاندار بزنس

لاہور (شوبز ڈیسک)فلم ” چھپن چھپائی “ 25روز کے دوران 7کروڑ کا بزنس حاصل کرنے میں کامیاب ہو گئی۔میڈ یا رپورٹ کے مطا بق سال 2017 ء کے آخر میں ریلیز ہونیوالی اداکار احسن خان اور نیلم منیر کی فلم ” چھپن چھپائی “ نے ابتدائی 25روز تک 7 کروڑ روپے کا شاندار بزنس کیا ہے اور توقع ہے کہ یہ فلم 10کروڑ تک پہنچے گی،اس حوالے سے فلمی حلقوں کا کہنا ہے کہ اگر فلم کو بین الاقوامی سطح پر ریلیز کیا جاتا تو یہ40 کروڑ روپے سے زیادہ کا بزنس آسانی سے حاصل کر سکتی تھی تاہم موجودہ حالات میں 7 کروڑ کا بزنس بھی ایک اچھا ٹارگٹ قرار دیا جا سکتا ہے، مستقبل میں فلمسازی کے لئے بھرپور منصوبہ بندی کر کے اس کو بین الاقوامی سطح پر بھی ریلیز کرنے سے بڑے مثبت نتائج نکلیں گے جس سے فلم انڈسٹری بھرپور فروغ پائے گی۔

 

ایوارڈکےلئے نامزدگی ہمارے اداکاروں کی قابلیت کا اعتراف ہے

لاہور(شوبز ڈیسک)معروف اداکارہ صباءقمر نے کہا ہے کہ میں ودیا بالن کو فلم فیئر ایوارڈ جیتنے پر مبارکباد دیتی ہوں ، بھارتی فلم فیئر ایوارڈ میں بہترین اداکارہ کے طور پر میری نامزدگی سب سے یادگار لمحہ تھا، گوکہ میری فلم ” ہندی میڈیم “ کو بہترین فلم اور میرے مد مقابل کردار ادا کرنے والے عرفان خان کو بہترین اداکار کا ایوارڈ دیا گیا ،میں سمجھتی ہوں کہ یہ ایوارڈ بھی میرا ہی ہے۔میڈیا رپورٹ کے مطابق اداکارہ صبا قمرنے پیر کو اپنے ایک بیان میں کہا کہ بہترین اداکارہ کے طور پر ودیا بالن ، سری دیوی جیسی سینئر اداکاراﺅں کے ساتھ مقابلہ تھا جس میں ودیا بالن کو بہترین اداکارہ قرار دیا گیا، مجھے ایوارڈ نہ ملنے کا کوئی دکھ نہیں بلکہ یہ میرے لیے اعزاز کی بات ہے کہ میں پہلی پاکستانی اداکارہ ہوںجس کو بہترین اداکارہ کے طور پر نامزد کیا گیا۔
، فلم فیئر ایوارڈ میں میرا نام شامل ہونا اس بات کا واضح ثبوت ہے کہ بالی ووڈ میں ہمارے اداکاروں کی قابلیت کا اعتراف کیا جاتا ہے اور اگلی کسی فلم میں موقع ملا تو اپنی اداکاری سے ضرور ایوارڈ حاصل کروں گی،میں اپنے ان تمام پاکستانی اور بھارتی پرستاروں کا شکریہ ادا کرتی ہوں جنہوں نے مجھے بھرپور سپورٹ کیا۔

 

ایشوریا رائے کے نام فرسٹ لیڈیز ایوارڈ

نئی دہلی (شوبز ڈیسک) بالی وڈ سپر سٹار ایشوریا رائے کو بھارتی صدر نے فرسٹ لیڈیز کا ایوارڈ دیا جس سے ان کے ایوارڈ کی تعداد میں ایک اور اہم ایوارڈ کا اضافہ ہوگیا۔ بھارتی میڈیا کے مطابق گزشتہ روز ایوارڈ کی تقریب نئی دہلی کے صدارتی ہاﺅس میں ہوئی ۔ایشوریا رائے کو یہ ایوارڈ مشہور عالمی فلمی فیسٹیول کانز میں بھارت کی نمائندگی کرنے پر دیا گیا،وہ بھارت کی پہلی اور تاحال واحد اداکارہ ہیں جو کانز کی جیوری میں شامل ہیں۔ بھارتی صدر رام ناتھ کووند نے ہندوستان بھر کی 112 خواتین کو اس ایوارڈ سے نوازا،جن 112 خواتین کو یہ ایوارڈ دیا گیا۔
،انہوں نے اپنی اپنی فیلڈز میں اہم کارنامے سر انجام دیے۔

 

انڈسٹری کی ترقی کےلئے حکومت فلم میکرزکی مددکرے

لاہور(شوبز ڈیسک )اداکارہ وماڈل ژالے سرحدی نے کہا کہ اپنا پیغام اورپاکستان کا سافٹ امیج پوری دنیا تک پہنچانے کیلئے فلم بہترین ذریعہ ہے۔ میڈیا سے گفتگوکرتے ہوئے ژالے سرحدی نے کہا کہ پاکستان میں اچھی فلمیں بن رہی ہیں، نوجوان فلم میکربڑی محنت کے ساتھ کام کررہے ہیں لیکن اس نئے سفرمیں اب حکومت کی سپورٹ ضروری ہے۔ دنیابھرمیں جہاں بھی فلمیں بنائی جاتی ہیں، وہاں پرحکومت فلم میکرز کوسہولیات فراہم کرتی ہیں۔ لیکن بدقسمتی سے ہمارے ہاں اس پرکچھ خاص توجہ نہیں دی جاتی۔ایک سوال کے جواب میں ژالے سرحدی نے کہا کہ کوپروڈکشن وقت کی اہم ضرورت ہے لیکن اس سلسلہ میں صرف چین کیساتھ ہی نہیں بلکہ دوسرے ممالک کے ساتھ بھی فلم سازی ہونی چاہیے کیونکہ اپنا پیغام اورپاکستان کا سافٹ امیج پوری دنیا تک پہنچانے کیلئے فلم بہترین میڈیم ہے

۔ژالے سرحدی نے کہا ہے کہ فلم بنانا آسان کام نہیں کیونکہ پروڈیوسرکو بے پناہ مشکلات کا سامنا کرنا پڑتا ہے، حکومت تعاون کے ساتھ ساتھ ٹکٹ کی شرح کم کرے، اگر انڈسٹری کو آگے بڑھانا ہے توفلم میکرکی مددکی جائے، پاکستان میں بہت ٹیلنٹ ہے، چین کے ساتھ مشترکہ فلم سازی کے لیے حکومت کو اقدامات کرنے کی ضرورت ہے، شائقین ہمیشہ اچھی فلموں کی حوصلہ افزائی کرتے ہیں۔

 

پی ایس ایل 3کیلئے کمنٹری پینل کا اعلان

لاہور(نیوزایجنسیاں) پی ایس ایل تھری کے لیے کمنٹری پینل کا انتخاب کر لیا گیا، پہلے 2 سیزنز کی طرح تیسرے ایڈیشن میں بھی دنیا کے بہترین کمنٹیٹرز کو لایا گیا ہے۔پاکستان کے مایہ ناز کمنٹیٹر رمیز راجہ کے ساتھ ڈینی موریسن، ایلن ولکنز اور بازید خان شامل ہیں جب کہ بعد ازاں انہیں سابق آسٹریلوی اسٹارز مائیکل سالٹر اور ڈیمن فلیمنگ بھی جوائن کریں گے، ویسٹ انڈیز کے سابق اوپننگ بیٹسمین ڈیرن گنگا بھی پی ایس ایل کمنٹری ٹیم کا حصہ ہوں گے۔واضح رہے کہ پی ایس ایل تھری کا آغاز 22 فروری سے دبئی میں ہوگا، 2 پلے آف میچز لاہور جب کہ ایونٹ کا فائنل 25 مارچ کو نیشنل اسٹیڈیم کراچی میں شیڈول ہے۔

آسٹریلین اوپن،اعصام کی کوارٹرفائنل میں سیٹ پکی

میلبورن(آئی این پی)پاکستانی ٹینس اسٹار اعصام الحق قریشی اور مارسین میٹکوسکی نے آسٹریلین اوپن ڈبلز کوارٹر فائنل کے لئے کوالیفائی کرلیا۔ سیمی فائنل میں رسائی کے لئے امریکا کے بریان برادرز سے مقابلہ ہوگا۔میلبرون میں جاری ٹینس گرینڈ سلیم آسٹریلین اوپن میں اعصام الحق قریشی اور مارسین میٹکوسکی نے ڈبلز کوارٹر فائنل میں جگہ بنالی۔پاک پولش جوڑی کو مالدووا کے راڈوا لبوٹ اور کورین ہیونگ چانگ کے خلاف واک اوور مل گیا جو انجری کی وجہ سے مقابلے سے دستبردار ہوگئے۔سیمی فائنل میں رسائی کے لئے اعصام الحق اور میٹکوسکی کا مقابلہ امریکا کے بریان برادرز مائیک اور بوب سے ہوگا۔